الصيد فى مصر - مشاكل بسيطة فى التونا

الصيد فى مصر (http://www.egyhunt.net/index.php)

- الورشة (http://www.egyhunt.net/forumdisplay.php?f=63)

- - مشاكل بسيطة فى التونا - مطلوب حلها (http://www.egyhunt.net/showthread.php?t=8400)

silver_5000

11-05-10 12:55 PM

مشاكل بسيطة فى التونا - مطلوب حلها

اولا السلام عليكم و رحمة الله و بركاته

بصوا يا رجالة , انا اشتريت مسدس ايكول تونا اللى هو ماسورته مفتوحة بس فيها طبة من قدام , شاريه جديد بس من غير العلبة , عندى مشكلتين بساط اوى :

اولا مش عارف افك المسدس , شوفت طريقة فكه على اليوتيوب بس بعد ما بفك زرار الامان و بشد الاجزاء و بتفضل للاخر , حسب الفيديو المفروض انى ارفع الجزء اللى اتشد لفوق و يطلع معايا , بعمل كل حاجة و برفعه بس مش بيطلع معايا

المشكلة التانية هيا رخمة شوية , الاول كنت بجرب اضرب بيه من غير ما يكون فيه طلق , الشاكوش لما بينزل على الابرة الابرة بتطلع لقدام اوى و احيانا مش بترجع لمكانها تانى اقوم انا زاققها من مكانها قدام سنة صغيرة اوى كدة تقوم راجعة مكانها تانى , مش عارف ده طبيعى علشان مفيش طلق و لا دى ممكن تكون مشكلة ف السلاح نفسه ,

يا ريت يا رجالة مشكورين حد يحاول يحللى المشكلتين دول او على الاقل المشكلة التانية بس علشان منكدة عليا

pooforever_2010

11-05-10 02:01 PM

رد: مشاكل بسيطة فى التونا - مطلوب حلها

الاخ العزيز نورت المنتدى
بص يا باشا المشكله الاولى ممكن يكون عشان لسه جديد فده تقل بيروح مع الوقت
اما التانيه فبصراحه حاجه غريبه استنى رائ الخبراء ولو مش طبيعى
اركب المترو لحد روض الفرج واسال على شريف لتصليح المسدسات الصوت
وان شاء الله خير
نصيحه لله
يا ريت عدم استخدام الطلق البلى
الدنيا بايظه وربنا يسترها معاك

silver_5000

11-05-10 02:58 PM

رد: مشاكل بسيطة فى التونا - مطلوب حلها

اقتباس:

المشاركة الأصلية كتبت بواسطة pooforever_2010 (المشاركة 92731)

متشكر جدا يا باشا على اهتمامك و مساعدتك الغالية , و ربنا يسترها إن شاء الله معانا كلنا

sultan

11-05-10 07:20 PM

رد: مشاكل بسيطة فى التونا - مطلوب حلها

المشكله الاولى حلها انك ترفعها سنه سنه اول مره بتبقى تقيله فى الفك انا كنت فاكرها مش بتتفك زيك كده بس شدتها مع حركه يمين وشمال خفيفه هتلاقى الاجزاء بتطلع معاك
اما المشكله التانيه فا الظاهر انك بقالك كتير مش نضفت المسدس هات سرنجه وزيت مكن واحقن جوه الابره وجرب ولو منفعش عليك وعلى شريف فى شبرا زى الاخ ما الك

silver_5000

11-05-10 08:16 PM

رد: مشاكل بسيطة فى التونا - مطلوب حلها

اقتباس:

المشاركة الأصلية كتبت بواسطة sultan (المشاركة 92889)

يا سلطان باشا متشكر جدا جدا على اهتمامك و على انك بتنفعنى بخبرتك , بالنسبة لموضوع الفك ده لسة هجربه بعد ما قريت ردك دلوقتى إن شاء الله , و بالنسبة لحكاية النظافة دى ف انا لسة جايبه يوم السبت اللى فات ده على طول و كدة كدة لما حصل الموضوع ده فكرت ف تنظيف الابرة و مكانها بس من غير ما ازيتها و بقت احسن بس ممكن مثلا كل 6 او 7 ضربات ( من غير طلق ) تعلق مره بس جربت لما لقيتها معلقة مرة بدال ما ازقها من مكانها حطيت طلقة ف الخزنة و سحبتها هيا الابرة ردت لوحدها , يا باشا متشكر ليك اوى اوى تانى مرة على اهتمامك و ردك عليا و ربنا يكرمك إن شاء الله

عبدالله99

11-05-11 05:23 PM

رد: مشاكل بسيطة فى التونا - مطلوب حلها

اقتباس:

المشاركة الأصلية كتبت بواسطة silver_5000 (المشاركة 92920)

احزر من الضرب بدون طلق هتبوظ المسدس

silver_5000

11-05-11 05:29 PM

رد: مشاكل بسيطة فى التونا - مطلوب حلها

اقتباس:

المشاركة الأصلية كتبت بواسطة عبدالله99 (المشاركة 93373)

احزر من الضرب بدون طلق هتبوظ المسدس

كنت فين من بدرى مش كنت تقول يا باشا , عموما مافتكرش انه لحق يبوظ لانى لما لاحظت موضوع الابرة ده بطلت اضرب بيه من غير طلق و من ساعتها كويس اوى , متشكر اوى اوى يا عبد الله بيك و ربنا يجازيك خير على النصيحة

عبدالله99

11-05-12 04:26 AM

رد: مشاكل بسيطة فى التونا - مطلوب حلها

اقتباس:

المشاركة الأصلية كتبت بواسطة silver_5000 (المشاركة 93383)

تسلم يا حبيب قلبى وربنا يكفيك شره وهو بجد مسدس لطيف قوى

oka2002

11-06-01 04:48 PM

رد: مشاكل بسيطة فى التونا - مطلوب حلها

انا عايز اسال على حاجه الطبه الحديد اليه ادام ده بتتشال عشان يضرب بلى؟ انا المفروض جايبه ماسوره مفتوحه برده

أبو سلطان

11-06-01 06:38 PM

رد: مشاكل بسيطة فى التونا - مطلوب حلها

أيوة طبعا عشان يضرب بلى

mazenger

11-06-03 04:45 PM

رد: مشاكل بسيطة فى التونا - مطلوب حلها

اخى العزيز بالنسبه للمشكلة الاولى يجب شد الاجزاء اكثر من الازم ثم الشد الى اعلى
ثانيا المشكله الثلنيه ممكن يكون فى اعوجاج فى الابرة ارجو فك بيت الابرة وسنفرة الابرة بسنفرة دوكو نعمة جدا جدا وبعد كدة اشطف البليه بجاذ او سولار ثم ركب ثم زيت بزيت اسمة دبليو دى وان شاء الله هيشتغل تمام للتواصل ارجو الاتصال على 0169949909 وشكرا

silver_5000

11-06-03 06:42 PM

رد: مشاكل بسيطة فى التونا - مطلوب حلها

اقتباس:

المشاركة الأصلية كتبت بواسطة mazenger (المشاركة 111186)

تسلم يا باشا على اهتمامك الغالي , و المشكلتين الحمد لله اتحلو , و على فكرة اسمك بيرجعنى لايام جميلة

mazenger

11-06-03 10:19 PM

رد: مشاكل بسيطة فى التونا - مطلوب حلها

شكرا لتعليق الجميل الاتيق الاخ سلفر وربنا يوفق فى الخير ان شاء اللة ون احتجت اى حاجة ارسلى على الخاص وشكرا مرة ثانيه لتعليقق القيم

silver_5000

11-06-04 06:58 AM

رد: مشاكل بسيطة فى التونا - مطلوب حلها

اقتباس:

المشاركة الأصلية كتبت بواسطة mazenger (المشاركة 111408)

يا باشا ده اقل تعليق على ردك المهم و اهتمامك الجميل اللى بيدل على شخص محترم و متعاون جدا

الساعة الآن 06:30 PM