الصيد فى مصر - رحلة الجمعة 6/5/2011 مع أحلى صيادين

الصيد فى مصر (http://www.egyhunt.net/index.php)

- صور وفيديو الصيد ورحلاته (http://www.egyhunt.net/forumdisplay.php?f=47)

- - رحلة الجمعة 6/5/2011 مع أحلى صيادين (http://www.egyhunt.net/showthread.php?t=8406)

Aboyassin

11-05-10 04:13 PM

رحلة الجمعة 6/5/2011 مع أحلى صيادين

10 مرفق

إخوانى الكرام،
لقد تشرفت اليوم بالتعرف الى اثنين من الشخصيات المحترمة بهذا المنتدى خلال رحلة صيد مشتركة. و هم على التوالى أ/ طارق شاكر و د/ محمد حسن.
و كانت المبادرة الطيبة التى بدأها الأخ طارق هى السبب الرئيسى فى إتمام هذا التعارف الطيب. حيث أرسل لى رسالة تعارف على الخاص طالبا القيام برحلة صيد للتعارف و تبادل الخبرات. ووافقته وحددنا الموعد.
و يوم الجمعة التقينا فى السادسة إلا الربع وهناك التقيت بالدكتور / محمد حسن و تعارفنا. و توجهنا الى منطقة المثلث بآخر مصطفى النحاس. وبعد ضبط النشانات و توقيع عصفورين وجدنا المنطقة خاوية فتركناها و ذهبنا الى حديقة الطفل بمكرم عبيد. و هناك أكرمنا الله بيمامتين و عصفورتين ثم قررنا تغيير المكان لاكتظاظه بالمتريضين فى ذلك الوقت.
و توجهنا اى حديقة مفتوحة و هناك أكملنا الألبوم ووصلت الحصيلة الى 5 يمامات+5 عصافير+ غراب.
وعلى الرغم من قلة الحصيلة نسبيا و لكن عوضنا عن ذلك الصحبة الطيبة و التعارف البناء و الجو الجميل. و قد استمتعنا جدا بهذه الرحلة و افترقنا على موعد بتكرارها قريباإن شاء الله.
و كفانى ثرثرة و أترككم مع الصور.:)
فى الصورة المجمعة لنا نحن الثلاثة من البمين لليسار:
د. محمد حسن
أ/طارق شاكر
م/ شريف صلاح الدين
تحياتى للجميع

msa_79

11-05-10 04:39 PM

رد: رحلة الجمعة 6/5/2011 مع أحلى صيادين

الله علي الصحبة الجيملة والله ياجماعه هو ده الهدف الاساسي اللي كلنا عايزينه من المنتدي اننا نتعرف علي الصيادين المحترمين امثالكم ونشوف كل يوم صياد جديد في المنتدي.
وان شا ءالله الطلعة الجاية تكون الحصيلة اكبر.
طارق باشا منور الصور مسكتك للبندقية مسكة صياد من يومك الله ينور الجيت شكلها بدأت تعمل شغل اهو وربنا يباركلك فيها ويكفيك شرها ويعطيك خيرها(مش بقولك انت خلاص العيشه ارتاحت وهاتبقي شيخ الصيادين قريب)

essam assem

11-05-10 05:36 PM

رد: رحلة الجمعة 6/5/2011 مع أحلى صيادين

بسم اللة ما شاء اللة ربنا يديم المحبة والمعروف واللة فعلا الصحبة الاول وبعدين الصيد تحياتى للجميع

يونس	11-05-10 06:09 PM

رد: رحلة الجمعة 6/5/2011 مع أحلى صيادين

ربنا يخليكوم لبعض و ميحرمكومش من بعض

DR SNIPER

11-05-10 07:11 PM

رد: رحلة الجمعة 6/5/2011 مع أحلى صيادين

ربنا يديم المعروف وعبقال كل طلعه

sameer

11-05-10 07:22 PM

رد: رحلة الجمعة 6/5/2011 مع أحلى صيادين

ماشاء الله ربنا يكرمكم يا رب

adel_7768

11-05-10 07:33 PM

رد: رحلة الجمعة 6/5/2011 مع أحلى صيادين

بسم الله ماشاء الله صيد موفق واهم من الصيد الصحبه الجميله وكل طلعه وانتوا طيبين

mahmoud11144

11-05-10 08:24 PM

رد: رحلة الجمعة 6/5/2011 مع أحلى صيادين

الف الف هنا وشفا يارجالة مش مهم عدد الصيد المهم الصحبة الحلوة
يارب ديم المعروف

tarekvb

11-05-10 11:08 PM

رد: رحلة الجمعة 6/5/2011 مع أحلى صيادين

بالفعل الصحبة اجمل ما فى الموضوع وبالمناسبة لابد ان توجه بالشكر لكل من لهم جميل وبصمة لا تنسى فى وضعى على اول طريق الصيد وهم :
1 - أ/محمد السيد (msa_79) وهو اول من رد فى هذا الموضوع وبالعربى هو اللى فتح نفسى للصيد وعرض عليا انى اتعلم على بندقيته بكل حب وصدر الرحب فى الاجابة على سيل الاسئلة منى فى شتى استفسارات الصيد وعندما قررت شراء بندقية كان سند قوى لى فى اختيارها وعرفنى على الرجل الثانى وهو أ/محمود شلبى
2 - أ/ محمود شلبى اللى مش بيفوت افشة وذو حضور سريع وتعليقات اسرع خاض معى تجربة شراء البندقية وكانت تجربة صعبة تعدد فيها الذهاب والبحث عن البندقية وبصراحة كان راجل فدائى معايا
3-م/ شريف (ابوياسين) من الناس اللى تحبهم على طول وقائد اول طلعة فى حياتى واول تنشين على هدف ولولاه مكنيتش الطلعة الجميلة دى ولا كان الموضوع ده
4- د/محمد حسن راجل غنى عن التعريف والمنتدى كله عرفه وخصوصا انه فى قائمة الترشيحات زميل بداية صاحب تشجيع قوى
واكرر الشكر لجميع الناس المحترمين الذين لا يقلون احتراما ورجولة عن باقى اعضاء المنتدى

dr_mohasan

11-05-11 01:54 AM

رد: رحلة الجمعة 6/5/2011 مع أحلى صيادين

السلام عليكم إخوتى الأحباء

هذه أول طلعة صيد حقيقية فى حياتى (كان ليا طلعة صغيرة قبل كده , بتاعة العصفور اللى أنا عزمت المنتدى كله عليه , والحمد لله الناس نسيت العزومة علشان أستمتع بأكله كله لوحدى هههههه)
والفضل فيها بعد الله سبحانه وتعالى للأستاذ طارق , فهو من جمعنا وهو السبب فى معرفتى بالمهندس شريف (أبو ياسين) وهو فى الحقيقة مثال للشخص المحترم , دمث الخلق , تشعر أول ما تراه أنك تعرفه من زماااااااااان
(طارق بقى مش يحسسك إنك تعرفه من زمان وبس , ده يحسسك إنكوا متربيين سوا ههههههههه)

أنا كانت غايتى أنى أتعلم الصيد وأمارس هذه الهواية بعد أن أحببتها من هذا المنتدى الرائع والأعضاء الأروع , ولكننى اكتشفت أن هذه الهواية ليست غاية فقط , ولكنها أيضا وسيله لما هو أهم , وهو التعارف والصداقة مع أشخاص غاية فى الإحترام والذوق مثل أستاذ طارق والمهندس شريف

شكرا لكم وأدام الله بيننا المعروف والصداقة

tarekvb

11-05-11 02:01 AM

رد: رحلة الجمعة 6/5/2011 مع أحلى صيادين

اقتباس:

المشاركة الأصلية كتبت بواسطة dr_mohasan (المشاركة 93088)

الكلام الكبير ده انا مش اده خااااالص واشكرك يا ابوحميد لانك نعمة الصديق ونعمة الاخ وعايزين نرتب الجمعة الجاية انشاء الله

Consul

11-05-11 02:26 AM

رد: رحلة الجمعة 6/5/2011 مع أحلى صيادين

بسم الله ما شاء الله...لا قوة إلا بالله...بارك الله فيما رزق...وبألف هناء وشفاء...ربنا يديم عليكم المحبة والأخوة والصداقة...طول ما الواحد سلاحه معاه وبيصطاد من خيمته لآخر نقطة دم...ربنا ها يرزقه من وسع...فإلى الأمام يا شباب يا مقاتل يا مناضل يا مجاهد يا ثائر...معاكم الملايين...تزحفوا على بيت بيت...شبر شبر...دار دار...زنجة زنجة...فرد فرد...وتطهروا وتنظفوا الجناين والحدائق والمزارع والغيطان من اليمام والحمام والزغاليل...والبط المسكوفي...والأرانب الجبلي......وغربان البين...وعقبال الطلعة الجاية...خالص تحياتي...

tarekvb

11-05-11 08:44 AM

رد: رحلة الجمعة 6/5/2011 مع أحلى صيادين

اقتباس:

المشاركة الأصلية كتبت بواسطة consul (المشاركة 93095)

شكرا جزيلا على مرورك يا استاذنا وربنا ميحرمناش منك ابدا بس بتقول زنجة زنجة على الملاء ومش خايف ؟؟؟؟ هههههههههههههه سلامى ليك وجزاء الله كل خير

msa_79

11-05-11 11:43 AM

رد: رحلة الجمعة 6/5/2011 مع أحلى صيادين

اقتباس:

المشاركة الأصلية كتبت بواسطة tarekvb (المشاركة 93004)

ياعم طارق عيب الكلام ده متزعلنيش منك بجد احنا معملناش اي حاجه وده واجب علي كل انسان مسلم انه يساعد اخوه و صدقني احنا فرحتنا الحقيقية لما بنشوف الفرحة في عينك ولما بنحس اننا كسبنا صياد جديد محترم لان بجد الصيد اهم حاجه فيه الاخلاق والصبر والحلم فبلاش الكلام ده تاني عشان منزعلش بجد وكده هتخليني ابطل اعلق علي مواضيعك ولا ايه

hesham[MaFya]a

11-05-11 12:42 PM

رد: رحلة الجمعة 6/5/2011 مع أحلى صيادين

ما شاء الله صور جميلة جداً.....منتظرين المزيد.

Aboyassin

11-05-11 12:48 PM

رد: رحلة الجمعة 6/5/2011 مع أحلى صيادين

السلام عليكم
والله يا إخوانى لقد استمتعنا كثيرا و ضحكنا من قلوبنا. و أعتقد أن الإخوة أ/ طارق و د/ محمد يبالغون فى مديح لا أستحقه. و لقد كان شرفا لى التعرف اليهم.
اللهم اجعلنى خيرا مما تظنون و أغفر لى مالا تعلمون.
وفى انتظار موعدنا التالى إن شاء الله
تقبلوا تحياتى جميعا و شكرا لمن شاركنا الموضوع.

Aboyassin

11-05-11 01:54 PM

رد: رحلة الجمعة 6/5/2011 مع أحلى صيادين

اقتباس:

المشاركة الأصلية كتبت بواسطة consul (المشاركة 93095)

السلام عليكم،
سعادة القنصل عندنا؟؟؟ يا مرحبا يا مرحبا :)
إذا كان من الضرورى أن نكتب مواضيعا لكى تطل علينا حضرتك فسنكتب كل يوم موضوعا.
إشتقت والله لرؤية حضرتك و مرورك الكريم يسعدنا.
و إلى الأمام..........الى الأمام ..... الى الأمام
ثورة ثورة ثورة ههههههههه

tarekvb

11-05-11 10:23 PM

رد: رحلة الجمعة 6/5/2011 مع أحلى صيادين

اقتباس:

المشاركة الأصلية كتبت بواسطة msa_79 (المشاركة 93229)

ربنا يديم المحبة ومقدرش اكون فى موضوع وعفريت العلبة ميتلعليش ازعل اوى وربنا مايحرمنيش منك

mahmoud11144

11-05-12 04:14 AM

رد: رحلة الجمعة 6/5/2011 مع أحلى صيادين

اقتباس:

المشاركة الأصلية كتبت بواسطة aboyassin (المشاركة 93279)

دقت ساعة العمل دقت ساعة الزحف هههههههههههههههههههههههههههههه

braveheart

11-05-12 06:31 PM

رد: رحلة الجمعة 6/5/2011 مع أحلى صيادين

أحلي صيادين و الله ... بس أنتو عاملين إعلان لبيبسي ولا إيه ... هههههههههه
تحياتي لكم.

tarekvb

11-05-12 07:12 PM

رد: رحلة الجمعة 6/5/2011 مع أحلى صيادين

اقتباس:

المشاركة الأصلية كتبت بواسطة braveheart (المشاركة 94065)

أحلي صيادين و الله ... بس أنتو عاملين إعلان لبيبسي ولا إيه ... هههههههههه
تحياتي لكم.

شكرا ليك يا كيمو انا عارف انك تقريبا فى الربع بتعنا بس مش عارف فين بالتمام وياريت يبقى لينا لقاء سوا فى طلعة حلوة

braveheart

11-05-12 07:29 PM

رد: رحلة الجمعة 6/5/2011 مع أحلى صيادين

اقتباس:

المشاركة الأصلية كتبت بواسطة tarekvb (المشاركة 94091)

شكرا ليك يا كيمو انا عارف انك تقريبا فى الربع بتعنا بس مش عارف فين بالتمام وياريت يبقى لينا لقاء سوا فى طلعة حلوة

شكرا لك عزيزي طارق ... و إن شاء الله قريبا جدا ... و تحياتي لك و للدكتور محمد و أبو ياسين.

Aboyassin

11-05-24 05:00 PM

رد: رحلة الجمعة 6/5/2011 مع أحلى صيادين

اقتباس:

المشاركة الأصلية كتبت بواسطة braveheart (المشاركة 94101)

شكرا لك عزيزي طارق ... و إن شاء الله قريبا جدا ... و تحياتي لك و للدكتور محمد و أبو ياسين.

تسلم يا صديقى
نراك على خير بإذن الله...

البطل

11-06-03 02:31 PM

رد: رحلة الجمعة 6/5/2011 مع أحلى صيادين

أحلا حاجة فى رحلات الصيد هيه الصحبة

الساعة الآن 03:41 PM