الصيد فى مصر - المدفع بام 21 جديده

الصيد فى مصر (http://www.egyhunt.net/index.php)

- البنادق الهوائيه (http://www.egyhunt.net/forumdisplay.php?f=79)

- - المدفع بام 21 جديده (http://www.egyhunt.net/showthread.php?t=8511)

هشام سمير

11-05-13 12:06 AM

المدفع بام 21 جديده

3 مرفق

المدفع بام 21 للبيع

السعر 2300 جنيه

سيدخالد

11-05-13 12:13 AM

رد: المدفع بام 21 جديده

ربنا يبارك ويحسن سوقها وهى فعلا المدفع الصينى النسخة الاصل للديانة 52

adel_7768

11-05-13 01:00 AM

رد: المدفع بام 21 جديده

موفق في البيع انشاء الله البندقية دي بجد مدفع ربنا يبارك للي هيشتريها

هشام سمير

11-05-14 03:15 PM

رد: المدفع بام 21 جديده

اقتباس:

المشاركة الأصلية كتبت بواسطة سيدخالد (المشاركة 94276)

ربنا يبارك ويحسن سوقها وهى فعلا المدفع الصينى النسخة الاصل للديانة 52

جزاك الله خيراً يا استاذ سيد

هشام سمير

11-05-14 03:16 PM

رد: المدفع بام 21 جديده

اقتباس:

المشاركة الأصلية كتبت بواسطة adel_7768 (المشاركة 94291)

موفق في البيع انشاء الله البندقية دي بجد مدفع ربنا يبارك للي هيشتريها

الف شكر يا استاذ عادل مرورك شرف الموضوع

waleedrahmy

11-05-17 02:57 PM

رد: المدفع بام 21 جديده

المدافع الصيني وصلت تعظيم سلام جامد جدا................وموفق البيع والشراء ان شاء الله

koktal

11-05-17 04:16 PM

رد: المدفع بام 21 جديده

ربنا يباركلك فى بيعها انشاء الله

essam assem

11-05-17 04:17 PM

رد: المدفع بام 21 جديده

موفق البيع ان شاء اللة وتقبل مرورى

Mahmoud

11-05-18 11:35 AM

رد: المدفع بام 21 جديده

البام من البنادق المحترمة جدا و عن تجربة
و لا تمت للصيني بأي صلة
اللهم الا علامة الصناعة
ربنا يبارك للبائع و المشتري

العربى

11-05-18 01:38 PM

رد: المدفع بام 21 جديده

بالتوفيق للبائع والمشترى

osha966

11-05-18 05:14 PM

رد: المدفع بام 21 جديده

موفق فى البيع بندقية قوية ...تحياتى

احمد هاشم

11-05-18 10:07 PM

رد: المدفع بام 21 جديده

مش ممكن السعر ينزل شويه عشان خاطر الاعضاء

fikra

11-05-19 12:43 AM

رد: المدفع بام 21 جديده

اللهم أرزقنا يارب .

أزيك يا عم هشام ... عامل أيه ؟؟؟ أخوك محمود ..

بجد الراجل ده محترم جداً جداً فوق ما تتصورا , ربنا يباركله ربنا يباركله .

والله يا أستاذ هشام زى ما قلتلك أنا فعلاً ناوى والله بس مستنى المبلغ يجى وشكله كده هايتأخر شوية
ولكن أدعيلى إن ربنا يرزقنى بالحتة البام ..

بس على فكرة لولا أنى بثق فى أسعارك كنت قلتلك دى غالية ,
ولكن ربنا يباركلك فيها ويرزقنا عن قريب إن شاء الله .

محمد عثمان

11-05-21 03:29 PM

رد: المدفع بام 21 جديده

أنا آسف يا جماعة ولكنى اشتريت هذه البندقية من الأهلية فى العتبة من 3 أسابيع و سعرها 2000 جنيه بدون فصال , وبعد ما إشتريتها أصحابى لامونى إنى مافاصلتش معاه عشان أنزل من تمنها
خالص تحياتى لكم جميعا وللأخ هشام سمير

waleedrahmy

11-05-21 03:49 PM

رد: المدفع بام 21 جديده

اقتباس:

المشاركة الأصلية كتبت بواسطة محمد عثمان (المشاركة 100086)

مشكور يا باشا علي التوضيح........................السؤال هنا هل هي موجودة الان؟؟؟؟؟؟؟؟؟؟؟؟؟ وماسعرها الان واليوم؟؟؟؟؟؟؟؟؟؟؟؟؟؟ وفي اي محل؟؟؟؟؟؟؟؟؟؟؟؟؟؟

عشان تبقي الاجابة منطقية.................. وعلي فكرة برضة انا كنت شاريها( بام22) من حوالي شهرين وكانت برضه ب2000جم بس ده مش مقياس لسعرها الان لا الاسعار كلها ارتفعت بشكل ملحوظ مع اختفاء انواع عديدة من البنادق الجيدة والمميزة وبعد غلو اسعارها كمان مثل البام21/22 والجامو رويال والنوريكا كويك والديانا الايركينج

neiazy

11-05-21 03:51 PM

رد: المدفع بام 21 جديده

men 3'eir asaf wala 7aga , ana kaman eshtaretha men shar we nos keda aw shar be 2000 men elsayad we heya bondo2ya gamila awy awy
bas methaya2le en se3r 2300 3aly shewaya

محمد متولى

11-05-21 03:56 PM

رد: المدفع بام 21 جديده

البندقية دى ب 1800 قبل الثورة وبعد الثورة المشكلة بقى ان التجار بقوا مشرفيين والى هيتكلم هيتبند

بسام سعيد

11-05-21 04:02 PM

رد: المدفع بام 21 جديده

الاخ الفاضل ليه حضرتك بتتكلم على ان المشرفين بتوع المنتدى تجار وايه الي حصل معاك علشان تقول الي هيتكلم هيبند
برجاء توضيح المقصود

محمد متولى

11-05-21 04:30 PM

رد: المدفع بام 21 جديده

[quote=بسام سعيد;100105]الاخ الفاضل ليه حضرتك بتتكلم على مشرفين بتوع المنتدى تجار وايه الي حصل معاك علشان تقول الي هيتكلم هيبند
برجاء توضيح المقصود[/quote
ايوة يا باشا لما تبقى السلعة المعروضة اغلى من الموجودة فى المحل ب500 جنية يبقى لازم الناس تقول استوب السعر دة غالى ممكن البائع يكون مش عارف التمن الحقيقى وحاطط اى سعر ساعتها يكون معاة عزرة لاكن لما يكون تاجر دة يبقى اسمة استغلال وفية اعضاء كتير مبتدئيين وممكن اوى يتخدعم ولما يكون التاجر دة مشرف يعنى ممكن يبند اى حد يعترض دى كمان علامة استفهام
علشان كدة انا عايز اى تاجر يبتعد عن الاشراف

Mohamed Mahmoud

11-05-21 04:33 PM

رد: المدفع بام 21 جديده

اقتباس:

المشاركة الأصلية كتبت بواسطة محمد عثمان (المشاركة 100119)

إجابة إيه اللى تبقى منطقية
أنا مجرد ذكرت معلومة .. عايز تتعب نفسك شوية علشان تتأكد منها براحتك , مش عايز أنت حر
إنما أنا مش مضطر أجاوبك على أسئلة التحقيق دى كلها (هل هي موجودة الان؟؟؟؟؟؟؟؟؟؟؟؟؟ وماسعرها الان واليوم؟؟؟؟؟؟؟؟؟؟؟؟؟؟ وفي اي محل؟؟؟؟؟؟؟؟؟؟؟؟؟؟)
إيه كل علامات الإستفهام دى
دى معلومة , لأى عضو عايز يستفيد بها ,, واللى عايز يتأكد منها يتفضل يتأكد بنفسه لو هو مهتم , واللى مش .. عايز يكتفى بالشكر على المعلومة , واللى ليه مصلحة فى عدم ذكر المعلومة ................... !!!!

وبعدين أسعار ايه اللى بترتفع .. أى واحد متابع الأسعار عارف كويس أوى أن الأسعار بتنخفض دلوقتى وسوف تظل تنخفض خلال الأيام القادمة

يا جماعة لازم اللى يسأل سؤال , أو يرد على تعليق , لازم يكون عارف هو بيقول ايه ... و بيقرأ إيه ... علشان الرد يكون ليه معنى ... مش أى كلام وخلاص

انا سالت دلوقتى فى الاهلية وسعرها 2200 حنية
وياريت يا ا محمد متزعلش اكيد الناس متقصدش حاجة

dr_mohasan

11-05-21 04:35 PM

رد: المدفع بام 21 جديده

أنا مش معاك يا أخى (( محمد متولى)) , كل المشرفين هنا ناس محترمين جدا وأنا شخصيا أعرف بعضهم معرفة شخصية وهم جميعا على أعلى قدر من الإحترام والأخلاق.

ولكن هذا ما حذرت منه قبل ذلك الأخ هشام سمير , أن وضعه كتاجر ممكن أن يتعارض مع الإشراف على المنتدى , والأفضل (فى رأيى) هو الإبتعاد عن الإشراف فى أى قسم حتى لو كان بعيداً عن السوق , درءاً للشبهات ومنعاً للقيل والقال.
خالص تحياتى لكم جميعا

Mohamed Mahmoud

11-05-21 04:40 PM

رد: المدفع بام 21 جديده

اقتباس:

المشاركة الأصلية كتبت بواسطة محمد متولى (المشاركة 100101)

البندقية دى ب 1800 قبل الثورة وبعد الثورة المشكلة بقى ان التجار بقوا مشرفيين والى هيتكلم هيتبند

كدة غلط جدا مفيش داعى لهذا الاسلوب مفيش ولا مشرف من مشرفين السوق تاجر
ولوسمحت مترميش كلام بالباطل
ولو عندك دليل واحد قولوة
تحياتى

pooforever_2010

11-05-21 04:41 PM

رد: المدفع بام 21 جديده

اقتباس:

المشاركة الأصلية كتبت بواسطة dr_mohasan (المشاركة 100148)

اكيد الناس متقصدش حاجة

محمد عثمان

11-05-21 04:46 PM

رد: المدفع بام 21 جديده

اقتباس:

المشاركة الأصلية كتبت بواسطة mmahmoud1800 (المشاركة 100145)

انا سالت دلوقتى فى الاهلية وسعرها 2200 حنية
وياريت يا ا محمد متزعلش اكيد الناس متقصدش حاجة

شكرا
هو ده الكلام المحترم
تاخد المعلومة وتتأكد منها أو تصححها أو تحدثها وتفيد بها الجميع , مش نفتح تحقيق ومحضر و (سين و جيم) للى بيقول معلومة
عالعموم الأهلية بيقبلوا الفصال فى البنادق وممكن ال200 جنيه اللى زودوهم ينزلوا بالفصال , هما بينزلوا أكتر من كدة كمان , لى أصدقاء بيتعاملوا مع الأهليه وقالوا أنى لو كنت فاصلت كنت نزلت 100 أو 200 من سعرها وقت ما إشتريتها
عالعموم أنا رايح تانى الأهلية خلال اليومين الجايين وهتأكد من السعر تانى إن شاء الله

محمد متولى

11-05-21 04:47 PM

رد: المدفع بام 21 جديده

اقتباس:

المشاركة الأصلية كتبت بواسطة dr_mohasan (المشاركة 100148)

يا باشا انا ممش بشكك فى نزاهة حد بس لما تبقى السلعة اغلى من المحل الى بيدفع ضرايب وايجار ب500 جنية ولو فيها حاجة بايظة ترجعها ممكن اى مبتداء يدبس فيها
فى حالة ان المشرف هو نفسة التاجر هيحصل ما لم تحصل عقباة

dr_mohasan

11-05-21 04:51 PM

رد: المدفع بام 21 جديده

اقتباس:

المشاركة الأصلية كتبت بواسطة محمد متولى (المشاركة 100158)

أنا معاك فى رأيك ومؤيدك كمان لوجوب ابتعاد التجار عن الإدارة , ولكن مش معاك فى أسلوب الهجوم على المشرفين , حتى لو أنت قصدك الأخ هشام , فلا يجب أن تعمم الهجوم على الجميع لأن باقى المشرفين مالهومش مصلحة ولا بيبيعوا ولا بيشتروا , وإنما موضوع الإشراف ده عبىء ثقيل عليهم ندعوا الله أن يتحملوه

مش برضه أنت معايا فى كدة ؟

خالص تحياتى للجميع

dr_mohasan

11-05-21 04:56 PM

رد: المدفع بام 21 جديده

اقتباس:

المشاركة الأصلية كتبت بواسطة mmahmoud1800 (المشاركة 100151)

الإعتراض يا أخى على الإشراف عموما , سواء فى السوق أو غيره , وذلك للإبتعاد عن الشبهة وكلامى هذا لمصلحة التاجر أيضا حتى يجنب نفسه القيل والقال , وطبعا أنت عارف أن التجارة مبدأها الثقة , يبقى يبتعد حتى لا يتشكك البعض ممن لا يعرفوه و يتخوفوا من التعامل معاه

وبعدين تقدر تقوللى إيه اللى هايستفيده أى حد من الإشراف ؟
مافيش فوائد ..... وإنما أعباء
طيب مادام مافيش فوايد .... مش أبعد أحسن لو أنا تاجر , عشان ماحدش يقول عليا كلمة كدة ولا كدة زى ما حصل من أخونا محمد متولى , وأهم من ذلك حتى لا يتخوف أحد من التعامل معى
خاصة أننا نقرأ أنه من طاقم الإدارة وليس واضحاً بالظبط هو مشرف لأى قسم (هذا مش واضح وحتى الآن والله لا أعرف الأستاذ هشام مشرف أى قسم)

خالص تحياتى وإحترامى و تقديرى لحضرتك ولجميع الزملاء ولأخونا هشام سمير ولأخونا محمد متولى

محمد متولى

11-05-21 05:02 PM

رد: المدفع بام 21 جديده

اقتباس:

المشاركة الأصلية كتبت بواسطة mmahmoud1800 (المشاركة 100151)

http://www.egypthunt.net/showthread....3+%D3%E3%ED%D1
دة دليل واحد لو عايز تانى دور على سوق المنتدى يبقى انتا بقى الى مترميش كلام بالباطل وكلامك غلط

braveheart

11-05-21 05:18 PM

رد: المدفع بام 21 جديده

اقتباس:

المشاركة الأصلية كتبت بواسطة محمد متولى (المشاركة 100174)

http://www.egypthunt.net/showthread....3+%D3%E3%ED%D1
دة دليل واحد لو عايز تانى دور على سوق المنتدى يبقى انتا بقى الى مترميش كلام بالباطل وكلامك غلط

يا فندم الأستاذ / mmahmoud1800 .. بيقول لحضرتك أن مفيش مشرف من المشرفين علي السوق
يتاجر .. و دي حقيقة ... لأن هشام سمير مشرف علي الصيد العام بعيدا عن السوق ، و لا يقع تحت سلطاتة .. هذا ما يقصدة الأخ mmahmoud1800 ..

أما المشرفين علي السوق هم :

mmahmoud1800
elarbi2009
tarekvb

ولا أعتقد أن أحد منهم يتاجر.

Mohamed Mahmoud

11-05-21 05:33 PM

رد: المدفع بام 21 جديده

شكرا على ردك يا كريم وفعلا الكلام دة صحيح مائة فى المائة

الرجاء من العضو المحترم التاكد مما يقولوة للمرة الثانية

yassersn

11-05-21 06:59 PM

رد: المدفع بام 21 جديده

الأخوان الأفاضل الأعضاء لو حد استعمل البندقية دي لفترة طويلة ممكن يحكي عن تجربته ويقول لنا رأيه في متانتها وقوتها ودقتها وله جزيل الشكر :confused:

وأتمني لو أحد الخبراء أن يقول لنا عن رأيه فيها :confused:

العربى

11-05-21 07:09 PM

رد: المدفع بام 21 جديده

الاخوه الاعضاء على ما اعتقد ان الموضوع كدا وضح واحب ان انوه على الاتى
1 - اولا مفيش مشرف على السوق تاجر وانا اقصد ا / محمد محمود او الاستاذ طارق و العبد الفقير لله انا
2 - الاستاذ هشام لايملك اى سلطه على السوق وادارته من تثبيت وغلق وخلافه ---------
3 -على الاخوة الاعضاء اختيار الالفاظه فى التعبير عن ارائهم لان نحن جميعا اخوه مجتمعين لكى نفيد ونستفيد من خلال تواجدنا فى المنتدى لا للتجريح فى بعض او اتهام بعض بالباطل

مما سبق من مشاركات اعتقد ان الاسعار والعروض وضحة لاى عضوا مبتدا او محترف ولا داعى للنقاش فى هذا العرض ولذلك قررنا غلق الموضوع
مع احترامى للجميع

adel_7768

11-05-21 07:53 PM

رد: المدفع بام 21 جديده

السلام علي الاخوة الاعضاء اولا يا جماعه بالنسبة للبام 21 او 22 فهي بندقية حافظة مركزها في السوق يعني لو سعرها هينزل هيتراوح من 100 الي 200 جنيه علي الاكثر مش معقول هيكون فيه فرق سعر كبير كده زي 500 جنيه وهي يتراوح سعرها من 2100 الي 2300 الان وفي اغلب المحلات والي عايز يشوف استغلال صحيح يشوف محلات الاسكندرية بتبيع البام 3000 ولاكن ما يحزنني هو ما يفعله الاعضاء في الردود ( ولا ترموا الناس بالباطل ) وتقبلوا مروري

هشام سمير

11-05-21 11:04 PM

رد: المدفع بام 21 جديده

الاخوه الافاضل
البندقيه دى انا من شهر انا كنت ببيعها 1650جنيه بس ولكن هناك اختلاف رهيب فى الاسعار فى هذه الفتره

وياريت الاخوه تعرف انى مليش اى صلاحيات فى قسم سوق المنتدى وعمرى ما علقت على عرض بيع وشراء لاى احد وعلى فكره اقسم بالله دى اقل بندقيه بعتها فى حياتى فيها زياده عن رأس المال وسبحان الله العظيم

unknown

11-05-21 11:08 PM

رد: المدفع بام 21 جديده

اقتباس:

المشاركة الأصلية كتبت بواسطة محمد متولى (المشاركة 100101)

البندقية دى ب 1800 قبل الثورة وبعد الثورة المشكلة بقى ان التجار بقوا مشرفيين والى هيتكلم هيتبند

كلام عجيب يا اخى والله
مع انك انت اتكلمت واخطأت فى حق احد المشرفين ومخع ذلك متبندتش
الموضوع موضوع احترام لا اكتر ولا اقل حتى لو السلعة غالية ممكن تقول كدة بدون الهجوم على خلق الله

omarara

11-05-21 11:14 PM

رد: المدفع بام 21 جديده

على فكرة الموضوع ده مفتوح والسعر ده من قبل ما يكون مشرف واعتقد كده كده الناس بتشكر فيه كتاجر

tarekvb

11-05-22 02:23 AM

رد: المدفع بام 21 جديده

ليت جميع الاعضاء يتعاملون مع المشرفين كاعضاء عادين لان هذه هى الحقيقة الفعلية وشكرا

هشام سمير

11-05-22 01:36 PM

رد: المدفع بام 21 جديده

تم البيع بحمد الله رجاء من االمشرفين الكرام غلق الموضوع

الساعة الآن 09:06 PM