|
من غير متضحك عليا
السلام عليكم
عندى سؤال بس متضحكش عليا لو سمحتم :d أنا ايمن "ده مش اسمى ده يعنى بستخدم ايدى اليمين يعنى" ومش بعرف اغمض عينى الشمال لأن اليمين غصباً عنى بتغمض معاها شوية ...... اعمل ايه استخدم زى قماشة ولا حاجة اغمى عينى بيها !!!! انا دلوقتى بضرب بإيدى الشمال عشان بعرف اغمض عينى اليمين بطلوا ضحك لو سمحت هههههه معلش سؤال كمان دلوقتى انا قدامى نوريكا جيت نمرة 1 وانا هستخدمها فى صيد اليمام والحمام والآرانب هل هتقدى الغرض ولا تنصحونى بنمرة 2 ؟ وهل المدى فى نمرة واحد بيكون اعلى ولا نمرة اتنين عشان انا عارف ان سرعة نمرة واحدة بتكون اعلى ؟ ولو استخدمت نمرة واحد فى صيد الطرائد الكبيرة شوية زى الآرانب والبط البرى والكلام ده اغير من شكل الرشة ؟ شكراً يا رجالة مقدماً عمر |
رد: من غير متضحك عليا
انت عمر ولا ايمن انت كاتب فى اخر موضوعك عمر وفى اوله انا ايمن بما انى فى كليه تجاره فبجمع ١ و٢ يبقى انت اسمك عمر ايمن صح ؟
هههههههههه ايمن اوووه قصدى عمر انا بهزر معاك لو هتصطاد بط وارانب او طرائد كبيره خليك فى بندقيه رش نمره ٢ وبالاخص لو مبتدئ اما لو محترف هتعرف تنشن ببندقيه رش نمره واحد فى مقتل وتصطاد طرائد كبيره والجيت بندقيه اكثر من ممتازه ونشانها دقيق جدا اما نمره اتنين زى بندقيه اسمها بام مش هتفرق معاك طرائد كبيره ولا غيره بالبلدى مدفع ولو اصبت الطائر فى مكان غير مقتل هتكسره ويا رب اكون قدرت اساعدك والرائ قابل للتعديل من اعضاء المنتدى المحترمين |
رد: من غير متضحك عليا
فى نظارات بعين واحدة بتستخدم للرمايه ممكن تفيدك
|
رد: من غير متضحك عليا
انا كنت زيك يا عمر بغمض عينى الشمال وانشن باليمين ولاكن شوفت فى قناه ناشينوال جيغرافيك ان اللى بينشن بعنيه الاتنين وهما مفتوحين يبقى افضل بل مميز كمان ومن ساعتها ضربت نفسى والحمد لله بعد ٢٥ يوم مبقتش تفرق معايا اغمض عين ولا لا
والسلام عليكم وتقبل مرورى |
رد: من غير متضحك عليا
في موضوع العين دي الاخوة جاوبوك و البندقية الجيت جميلة اوي اوي و انا نفسي اجيبها بس النمرة 2 غالية تقريبا 3000 و ممكن ما تلاقيهاش وهي بندقية هاي باور النمرة 1 سرعتها بتعدي 300 م/ث و تجيب انشاء الله اي حاجة بس هاتلها رش مسطح عشان ما تسرقش الطريدة وهيا كدة كدة جامدة و بعدين انا ابتديت اقتنع ان النمرة 1 احسن من النمرة 2 انا باضرب بالنمرة 2 وساعات اليمامة تاخدها وتطير وواحد صاحبي بالنمرة 1 الحمامة بتنزل مقفولة
و لك حرية الاختيار |
رد: من غير متضحك عليا
اقتباس:
|
رد: من غير متضحك عليا
الاستاذ عمرو اهلاً وسهلاً بحضرتك فى المنتدى
المشكله مشكله اعصاب فى المقام الاول وحلها سهل بالتمرين يعنى يا سيدى من غير بنادق ومن غير حاجه ضع يدك على العين الشمال وبعدها اغمضها وضع يدك عليها لفتره واليمين مفتوحه طبعاً وبعد فتره (دقيقه مثلاً ) انزل يدك اترك عينك الشمال مغلقه وكررها اكثر من مره وان شاء الله المشكله تتحل بسهوله الحاجه التانيه بقا زى اخونا الغالى مقال لحضرتك ان الضرب المفتوح افيد واعظم والضغط على العين بيكون اقل والارهاق برده بيقل جداً وافضل طريق ان تحول ان صوره عنيك الشمال تكون مشوها علشان المخ يتغاضاها وبالنسبه لنمره واحد فهى البندقيه الامثل للصيد فى مصر لا الطاقه الحركيه المنبثقه من المقزوف قادره على السيطره على طيره موجوده فى مصر وعلى فكره الضربه لو مش فى مكان قاتل لو انت ضربها بوبلى باتريوت حتتسرق ومش حتقفل فى مكنها |
رد: من غير متضحك عليا
اللة معك يا صديقي وبالتوفيق ان شاء اللة
واظن ان الاصدقاء افدوك اكتر مني تقبل مروري يا صديقي...... |
رد: من غير متضحك عليا
يا باشا ما تقلقش
مشكلة عينيك دي مشكله بسيطه جدا و حلها ان شاء الله بالتمرين اما بالنسبه للبندقيه نوريكا جيت ف دي بندقيه ممتازه.... اما نمره واحد او اتنين انا شخصيا هاجيب نمره واحد مش علشان انها احسن لكن علشان امكانياتي الماديه كده و على ما سمعت ان الموضوع مش موضوع نمره واحد او اتنين..... المهم انك تضرب في مكان مؤثر وتقبل مروري |
رد: من غير متضحك عليا
انا عندي نفس المشكلة وبضر امسك البندقية بالشمال وامري لله علي ما اتعود اغمض الشمال
|
رد: من غير متضحك عليا
السلام عليك اخي الكريم مشكلة العين هذه تحل انشاء الله بالتمرين اما بالنسبه للبندقيه النوريكا جت فهي بندقيه اكثر من رائعه ودقيقه جدا في النيشان اما بخصوص صيد الطرائد الكبيره مثل الارانب والبط البري فأنا افضل استخدام البندقيه نمره اثنين ويجب ان تكون هاي باور مثل البام او الديانا لكي تكون الاصابه مؤثره وماتتسرقش وارجو ان اكون افدتك وموفق انشاء الله
|
رد: من غير متضحك عليا
اقتباس:
هحاول اتمرن عليها يا اما هجيب نظارة قديمة "شمبر بس" واغطى الشمال وامرى لله لو معرفتش اضرب على إنى اغمى عينى الشمال بالنسبة للبام اعتقد هتكون تقيلة عليا شوية دلوقتى ممكن ابدأ بالجيت واليمام ولو وصلت لمستوى كويس ممكن اجيببام او ديانا بس ربنا يسهل بالفلوس |
رد: من غير متضحك عليا
اقتباس:
اقتباس:
طيب ازاى بتنشن وعينك الاتنين مفتوحين ؟ انا مش بشوف النشان الامامى اصلاً لو عملت كده بيكون الخلفى فى حته والامامى فى مكان تانى ! اقتباس:
اقتباس:
وشكراً لردك :) اقتباس:
اقتباس:
وإن شاء الله لنا تعامولات كتيير بإذن الله والف شكر على الرد السريع اقتباس:
اقتباس:
اقتباس:
|
| الساعة الآن 12:32 AM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir