|
ياريت حد يرد عليا
سألت وقولت أحتاج مساعدتكم
أنا عايز أجيب بندقية فى حدود 4000 جنية ومحتار 1-جامو 2-نوركيا 3- باس ( ياترى دى صناعتها إية) ولا أزود 2000 جنية كمان وأجيب الديانا ياريت حد يوجهنى للصح ويحددلى أكثر من موديل بالموصفات بتعتة علشان أعرف أختارأنا يهمنى الدقة فى النشان والقوة وجزاكم اللة خيراً ورد عليا الأخ هشام مشكورا وقال bas mk7 بس ياريت حد يدينى معلومات أكثر عن كل نوع من حيث الموصفات والسعر |
رد: ياريت حد يرد عليا
انا والله بقول
تكمل و تجيب الديانا بندقية بقى ايه مقولكش غالية شوية بس جامدة لكن لو قفلت معاك يبقى تجيب البي اس ايه الام كيه 7 ده من رأيي الديانا صناعة المانية و البي اس ايه انجليزية يعني كلام من العيار التقيل و اي استفسار تاني احنا في الخدمة |
رد: ياريت حد يرد عليا
سلام عليكم من رائي وعن تجربه البي اس كويسه
لكن الحثل معايا الاتي النشان الامامي والخلفي مش سبتين كويس لو رست عليها تجيب سكوب دا من الحل في ناس بتقول غير كدا لكن والله دا الحصل معايا غيرتها في نفس الاسبوع من نبيل فتح الله في اسكندريه ب ديانا 54 لكن مش شرط 54 كمان جربت ال 52 ممتاذه واخف شويه دا الانا جربتو من النوعين لكن الجامو برده قديييييييييييمه وبتعمر ودقه عاليه يعني ممكن الجايا ان شا الله تكون رويال باذن الله بالتوفيق ان شا الله |
رد: ياريت حد يرد عليا
السلام عليكم
بص ياريس انا لسة جايب البى اس من يومين وكان قبل كدة معايا كرال طبعا الفرق كبير جدا طبعا سألة وبحثت كتير قبل ماخد القرار وقبل كمان ميكون فى حاجة معروضة بصراحة كانت عجبانى جدا واول لما لقيت وحدة معروضة مكنتش مستعد ليها لكن قولة دية فرصة واتصرفة وجبتها . وبندقية هايلة وسمعة ان فى الخارج الاثنين هى والديانا اسعرهم قريبة وطبعا معرف اقارن لانى ممسكتش الديانة وطبعا البى اس قوية جدا يبقى لازم يركب ليها اسكوب علشان نتايج افضل ودة على الكل ويبقى العيب الوحيد من قوتها يبقى رد الفعل جامد شوية وسمعة ان الديانة حلين فيها الموضوع دة ودية موضيع ممكن تفيدك وهى معلومات عن البى اس بس اقراء جميع المشاركات http://www.egypthunt.net/showthread....hlight=sporter http://www.egypthunt.net/showthread....E1%DA%D4%C7%DE http://www.egypthunt.net/showthread....E1%DA%D4%C7%DE http://www.egypthunt.net/showthread.php?t=1981 ودة كمان فى القديم ولكن الحديث الله اعلم واسف على الايطالة |
رد: ياريت حد يرد عليا
ودة منتدا تانى بردة هتلاقى فية معلومات قيمة جدا جدا
يمنع وضع روابط خارجيه لمواقع عربيه منافسه |
رد: ياريت حد يرد عليا
طيب يا أستاذ محمود جبت ال bs منين وبكام ومنين أجيب السكوب
|
رد: ياريت حد يرد عليا
الاخ الكريم الديانا من احسن الماركات الالمانيه وانت عارف طبعا ان السلاح الالماني لا يعلي عليه
ودي شويه معلومات عن الديانا 54 اللي انصحك بيها المميزات والامكانيات للديانا 54 : - القوة:900 قدم فى الثانية نمرة 2 وتعتبر من اقوى فئة بنادق ضغط الهواء الوزن:4.7 كيلو الطول:105 سم الدبشك:خشب اروو سرعة الطلقة فى الثانية :320 م /ث الميزة الاساسية:ان البندقية ملهاش اى رد فعل أو الادق انه يكاد يكون منعدم تماما . والان مميزات عامة للديانا بطرازاتها المختلفة :- 1- القوة فى الاداء حيث تقترب قوتها من قوة البنادق النارية . 2 - رخص سعر الرش مقارنة بأسعار الذخيرة النارية . 3 - لا تحتاج للترخيص . 4 - الدبشك فهو من اجود انواع الاخشاب . أما عن العيوب العامة : - 1 - الوزن . 2 - صعوبة فكها لغير المتمرن من أجل الصيانة . 3 - تعقيد مجموعة الزناد وجود مسمار الالنكيه يربط زراع الشد فى السليندر وهو مشكلة فى حال الرغبة فكة لاخراج هذا الجزء . 4 - إرتفاع الثمن مقارنة بباقى الانواع من البنادق . ملحوظة : - يفضل تركيب تليسكوب من نوع جامو ويتم تركيبه على إستوبر وحفظها فى جراب محترم يليق بتلك التحفة الغالية فهى بندقية العمر الطويل . والديانا الماني ومن وجهة نظري السلاح الالماني لا يعلي عليه والاختيار لحضرتك عشان اختيار السلاح دا مسالة راحه نفسيه وإليك الموقع الرسمى : - http://www.diana-airguns.de/index.ph...024&height=768 تقبل المرور ولو في اي خطا ف كلامي ارجو التصحيح:) |
رد: ياريت حد يرد عليا
استاذ كريم سري منور المنتدي بمعلوماتك القيمة تسلم ايدك يا باشا
|
| الساعة الآن 08:30 AM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir