|
اول مشاركه
السلام عليكم جميعا
انا اسمى حسام 36 سنه مقيم مابين اسكندريه شويه ودمنهور شويه هتلقونى على المنتدى بس على فترات وده بسبب ظروف شغلى بس اتأكدوا من انى مهتم جدا جدا بالمنتدى واعضاءه اسف على الاطاله بس حبيت اعرفكوا بنفسى سؤالى يا حضرات الفرق بين الديانا 54 والبى اس ايه mk7 ارجو الافاده ويا ريت من جميع المميزات والعيوب؟ شكرا وتقبلوا مرورى مش عارف يعنى ايه بس كلكم بتكتبوها |
رد: اول مشاركه
اهلا ومرحبا بك بين اخوانك
بالنسبه لسؤالك فى خبراء عندنا دلوقت ان شاء الله يردوا عليك تحيه طيبه لك |
رد: اول مشاركه
اقتباس:
|
رد: اول مشاركه
دكتور حسام حبيب قلبى الشخصيه المحترمه والوقوره والاخلاق العاليه جداً شرفت ونورت المنتدى
يا معالى الدكتور وعاش من شافك وطمنى على البشمهندس باهى اما بخصوص استفسارك يا باشا فالبندقيتان عمالقه طبعاً والبى اس هى الامثل للصيد فى مصر مميزات الاير كنج السرعه العاليه رد الفعل المعدوم الشكل الجزاب العيوب ثقل الوزن دخول بعض البلاستيك فى الاجزاء الداخليه كسر الدبشك عدم ثبات التيلسكوب ان حدث اى خلل فى نظام الريكول سيستم مميزات البى اس ايه السرعه المقبوله (القادره على السيطره على اى طائر مصرى الجنسيه الخامات العاليه جداً جداً الدقه منقطعة النظير (ادق شيشخان فى العالم ) الوزن الخفيف الشكل الجزاب النعومه المثاليه العيوب تسريب الهواء من الجزره عند عدم المحافظه تقبل مرورى يا دكتور |
رد: اول مشاركه
مرحبا بيك فى الاسرة
احب اعرفك بنفسى انا احمد خلف الاخ الاصغر فى هذة الاسرة الكريمة وشكرا |
رد: اول مشاركه
السلام عليكم
اخى وحبيبى الاستاذ هشام اشكرك على كرمك و سعة صدرك تحياتى لكل الاخوه بالمنتدى |
رد: اول مشاركه
اهلا بيك فمنتدانا العزيز يا دكتور
بنادقbsaمن أفضل البنادق في العالم ،وتمتاز بالدقة في النشان والخامات الممتازة و اكبر تجميع نشان اذ ان بها اكبر عدد شيشخان سرعتها 250 م/ث ووزنها تقريبا 3 ك . الـ bsa air sporter mk7 توقف إنتاجها منذ عام 1988 وزنها 3.2 كجم وسرعتها في عيار 5.5 ( نمرة 2 ) 230 م/ث قوية ( هاي باور ) ونيشانها دقيق جدا ونظام التعمير عتلة سفلية وتلقيم الرش جزرة...كانت تباع بـ 3500 جنيه قبل الأحداث الأخيرة...والآن غير موجودة...بالطبع قطع غيارها عزيزة وقليلة من زمان المميزات والامكانيات للديانا 54 : - القوة:900 قدم فى الثانية نمرة 2 وتعتبر من اقوى فئة بنادق ضغط الهواء الوزن:4.7 كيلو الطول:105 سم الدبشك:خشب اروو سرعة الطلقة فى الثانية :320 م /ث الميزة الاساسية:ان البندقية ملهاش اى رد فعل أو الادق انه يكاد يكون منعدم تماما . والان مميزات عامة للديانا بطرازاتها المختلفة :- 1- القوة فى الاداء حيث تقترب قوتها من قوة البنادق النارية . 2 - رخص سعر الرش مقارنة بأسعار الذخيرة النارية . 3 - لا تحتاج للترخيص . 4 - الدبشك فهو من اجود انواع الاخشاب . أما عن العيوب العامة : - 1 - الوزن . 2 - صعوبة فكها لغير المتمرن من أجل الصيانة . 3 - تعقيد مجموعة الزناد وجود مسمار الالنكيه يربط زراع الشد فى السليندر وهو مشكلة فى حال الرغبة فكة لاخراج هذا الجزء . 4 - إرتفاع الثمن مقارنة بباقى الانواع من البنادق . ملحوظة : - يفضل تركيب تليسكوب من نوع جامو ويتم تركيبه على إستوبر وحفظها فى جراب محترم يليق بتلك التحفة الغالية فهى بندقية العمر الطويل . والديانا الماني ومن وجهة نظري السلاح الالماني لا يعلي عليه والاختيار لحضرتك عشان اختيار السلاح دا مسالة راحه نفسيه وإليك الموقع الرسمى : - http://www.diana-airguns.de/index.ph...024&height=768 تقبل المرور ولو في اي خطا ف كلامي ارجو التصحيح من باقي الاعضاء الخبره |
رد: اول مشاركه
شكرا اخ كريم على المعلومات القيمه
|
رد: اول مشاركه
اقتباس:
|
رد: اول مشاركه
مرحبا بيك وسط اخوانك واصدقائك.
نورت المنتدى |
رد: اول مشاركه
كتر خيرك اخ خالد المنتدى منور بالناس الحلوه اللى زيك
|
رد: اول مشاركه
حضرتك نورت المنتدي يا دكتور وموفق في سؤالك انشاء الله تقبل مروري
|
رد: اول مشاركه
احنا لينا الشرف واللة يا دكتر
ان يكون معانا انسان محترم جدا جدا زي حضرتك الف مليون مرحبا بحضرتك ياباشا وسط اخواتك ونورت المنتدي واللة تحياتي ليك .... |
رد: اول مشاركه
شكرا اخ عادل
شكرا اخ محمود على فكره انا عمرى مادخلت المنتدى كل يوم ولا يوم ويوم حتى بس لانى لقيت كل ترحيب من حضراتكم تقريبا بدخل يوميا عشان اشكر الناس اللى بيرحبوا بي شكرا للجميع |
| الساعة الآن 01:22 AM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir