|
مطلوب فرخ شاهين
مطلوب فرخ شاهين طرح جديد للبيع
للاتصال 0185401911 |
رد: مطلوب فرخ شاهين
لا يوجد طرح الان
لو لقيت هيكون مبيت من الموسم اللي فات " شهر اكتوبر 2010 " فلا انصحك بالشراء الان وطبعا الطير المبيت عند الناس صار مستأنس وليس وحش ولو انت صقار هتعرف ان دي تسبب مشاكل اثناء التدريب ثانيا الصيف داخل عليك يعني حرام عليك التدريب اللي هتدربه على العموم عرفني ايه اللي في دماغك وانا هساعدك بأذن الله السلام عليكم |
رد: مطلوب فرخ شاهين
اقتباس:
|
رد: مطلوب فرخ شاهين
اقتباس:
تحياتى ليك |
رد: مطلوب فرخ شاهين
مشكروين يا جماعه كلكم والله على الرد والمعاونه دى
انا عارف ان ده هيبقى طرح مبيت من الموسم اللى فات بس مع كل ادبى واحترامى لحضرتك انت قولت ان الطير المبيت عند الناس صار مستانس وليس وحش وبعدها قولت قولت لو انت صقار .... هو فعلا لو انت صقار هتعرف تفرق بين المستانس وبين الوحش بمجرد النظر صح كلامى ولا لا ثانيا عارف ان الصيف فى تدريب مرهق جدااا ... بس تعمل ايه لما تككون هو دة الوقت اللى بتبقى فاضى فيه ومستعد نبطل الهوايه ولا نعمل ايه ....... ياريت نتشارك وننمى الهوايه دى عند كتيير من الشباب لانها بجد ملهاش مثيل من المغامرة والشجاعه وكل حاجه ممكن تتصورها |
رد: مطلوب فرخ شاهين
اقتباس:
اخي العزيز ابدأ اولا بأسفي عن كلمة " لو انت صقار " لأن من الواضح انها ضايقتك لكني لا اقصد بها الاهانة انا فقط اقصد قد تكون وسيط او مبتدئ ثانيا بالنسبة لموضوع التفريق بين المستانس والوحش طبعا هتعرف تفرق ولكن الطير المبيت ولو حتى شهر واحد عند ناس عمره ما يكون وحش ابدا لأنه خلاص استأنس ثالثا واسف لو هيكون فيها غتاتة " وانا والله لا اقصد الغتاتة والاهانة " الارهاق في الصيف لن يكون عليك انت فقط فكما تعلم الصقور بانواعها تهوى الجو البارد " اقل من 20 درجة مئوية " والحر قد يقتلها رابعا انا اتشرف ان اتعرف على صقار مصري واعتبرني اخوك الصغير محمد وعلى فكرة انا ايضا في الصقارة بقالي اكتر من 6 سنوات ولو لسه مصًر على موضوع الطير انصحك بكراك او شيهانة جبلي لأنهم بيتحملوا الحرارة السلام عليكم |
رد: مطلوب فرخ شاهين
أخي العزيز أهم حاجة فى الصقارة صحة الطير و مصلحته العامة و لو اى حاجة هددت ده فهى ليست من الصقارة فى شيئ.
التدريب فى الصيف مش بس مرهق على الطير ده مؤثر و بشدة على نمو الريش للموسم اللى جاى لأن الصيف هو موسم حذف الريش و تغييره فلو فيه ارهاق او ضغت على الطير يبقى الريش مش هينمو بطريقة سليمة و بالتالى طيران الطير مش هيظبط عشان كده فى كل العالم الناس "بتربط" الطيور فى الصيف الا القليل من الصقارين مع انواع معينة من الصقور مش كلها لو عايز تطير فى الصيف ممكن بس لازم توافر الشروط التالية: 1) الشاهين ما ينفعش لأن التمثيل الأيضى عنده عالى(بيحرق بسرعة) و بالتالى فى فتره الحذف لازم يرتاح و ياكل من غير اجهاد التدريب او الصيد فى الحر لانه اصلا مهاجر و بيقضى الصيف فى البلاد الباردة النوع اللى ممكن يمشى فى الفترة دي هو الوكري لانه من الاوابد يعنى مش بيهاجر و يستحمل (الى حد ما) الشغل فى الصيف. 2) الطير لازم يكون داخل الصيف و هو متدرب يعنى ما ينفعش الاجهاد العصبى والبدنى اللى فى المرحلة الاولى يبقى فى الصيف. 3) الطير فى المرحلة الاولى من التدرىب بيتم انقاص وزنه عشان يبقى جعان و يسمع الكلام و يجيلك لما تناديه و فى الصيف انت محتاج تزيد الوزن. الطيران فى الصيف محتاج متابعة دقيقة لوزن الطير يعنى اصلا لازم تكون بتوزن طيرك كل يوم و تكون عارف استجابته ليك عند اى وزن بالضبط عشان فى الصيف هنحاول نطير عند وزن اعلى. طبعا لازم دراية موسعة بتغذيه الطير من نوعيه كميه و محتويات و اضافات 4)لازم الطيران يكون الصبح بدرى قوى قبل الحر نصيحة خليك فى حاجه مطروحة فى وقتها و خدها واحدة واحدة على دخول الصيف اللى الجاى تكون قادر تطيرها فى الصيف بدون مشاكل اتمنى اكون افادتك و اتمنى نتقابل على النهوض بهذه الرياضة و الهواية السامية فى بلدنا العظيمة مصر |
رد: مطلوب فرخ شاهين
اخى فى الله استاذنا الكريم mohamed tala
السلام عليكم انا عارف والله انك مكنتش تقصد اهانه لا سمح الله ولا حاجه انا بس حبيت نتشارك مع بعضنا فى الكلام وازاده ونقل الخبرات مع بعضنا للافاده ثانيا يا باشا اقبلنى اكون صديقك عاااادى يعنى مددققش على الكلااااام |
رد: مطلوب فرخ شاهين
اقتباس:
|
رد: مطلوب فرخ شاهين
انا فعلا انشاء الله تعالى
هستنى فى الطرح الجديد بتاع الموسم الجاى وربنا يكرمنى بحاجه كويسه |
رد: مطلوب فرخ شاهين
اخى اتمنى لك كل خير ولكن لابد ان تعرف الكثير عن الطير قبل التفكير فى الشراء وناوى تجيب شيهانه فرخ ولا تبع شاهين وناوى على جبلى ولا بحرى ولا بجه ولو كنت ناوى على شيهانه بحريه لا تفكر انسى
|
رد: مطلوب فرخ شاهين
بالتوفيق فى الاختيار
|
رد: مطلوب فرخ شاهين
يا حبيبي مفيش داعي تستني وسيبك من الكلام الفاضي لو عاوز راسلني علي الخاص وانا عندي طلبك وهتلحق الموسم وطلع عيون امه في التدريب ولا يهمك ولو عاوز تطلع معايا في شهر 9 انا حاضر الخيمة موجودة وكل شي جاهز ...... تحياتي
|
| الساعة الآن 12:45 PM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir