الصيد فى مصر - الحمد لله حصل المراد من رب العباد

الصيد فى مصر (http://www.egyhunt.net/index.php)

- ادوات الصيد الثقيله (http://www.egyhunt.net/forumdisplay.php?f=66)

- - الحمد لله حصل المراد من رب العباد (http://www.egyhunt.net/showthread.php?t=9283)

الحمد لله حصل المراد من رب العباد

بسم الله والحمد لله
السلام عليكم معشر الصيادين
انشاء الله تكونو بخير اليو م الاربعاء 25/5
كنت من فترة دخت وطلع عينى على مسدس رووم كل الرجالة بتتكلم عنه ( فينش صناعة جودة خامات الاداء ) المهم بدأت اسأل عن العريس ده وعرفت انه زين الرجال وشك نمرة واحد البلد بس يا فرحة ما تمت العريس سمع فى السوق وخلص ومفيش جديد منه واللى معاه حته نايم على عليها سكتم بكتم المهم شمال يمين مفيش غير مستعمل الله اعلم بظروفه وغالى نار
طيب وبعدين كلمت واحد محظوظ من اسود المنتدى المهم الباشا طلع عينه معايا واستحمل غلاسة من صاحبة المحل علشان خاطرى والولية بنت تيتتتتتتتتتتتتتتتتت تتعوج وتتفرد وماسكة على 3000 جنيه ومعهوش اى حاجة لا علبة ولا ملحقات المهم انا اعتذرت للوحش اللى
مرمطته معايا ولان الفترة الماضية مكنتش فاضى كان عندى لجنة ايزو وتفتيش وايام مايعلم بيها الا ربنا المهم النهارده قلت كفاية وحياة الرجالة اللى بتقرأ الموضوع مسدس ايه اللى يقف ادامى ده لو عفريت كان زمانى حضرته ده لو فين وحطيته فى دماغى هجيبه هجيبه وجديد ايه
رايكم باه المهم انا توصلت ان 9 ملى مش هلاقيه لان الى موجود متباع من زمان وعملت كام تليفون مع كام واحد وتاكدت من كلامى ده طيب يبقى لو انا عايز جديد ابدا اشوف 8 ملى وفعلا بدات رحلة البحث فى اكتر من 10 محلات فى الاسكندرية من العامرية الى محطة الرمل ده غير محلات القاهرة اللى كلمتها بالتليفون المهم لقيت العريس بعد رحلة بحث والله شاقة جدا فين فين فين ؟ هطلع رجولة ( والحمد لله كل المحلاوية والغرباوية عموما رجالة عن حق ) وهقول بس لما تروحوا ملكمش دعوة بيه وبأسعارى ده واجب اتعملى

فتح الله محطة الرمل هتقولوا ما احنا عارفين لا مش اى فرع لفتح الله كل فروعه مفهاش هو الفرع ده بس المهم لا سجلابى بكل فروعه ولا الدولية ولا منسى

المهم مكانش فيه وقت كنت عايز اروح بسرعة قبل 6 الحق الحاج فتحالله نفسه اللى عرفت انه بيمشى الساعة 6 مساء

المهم رحت وعرفته على نفسى وقابلنى كويس بصراحة وقال للاستاذة اللى ماسكة المحل شوفى طلبات الباشا وعنها يا معلم العريس وصل طبعا مسكته شمال يمين هو هو بغباوته اسف هو بحلاوته المهم جرب يا جدع شد يا جدع الاجزاء صوتها و لا ام كلثوم فى انت عمرى المهم الاستاذة عملت الصح زى الكتاب مابيقول المسدس سعره 2000 نزل السعر الجراب جلد طبيعى سعره 100 نزل السعر علبه المهم جبت كمان علبتين طلقات وسعرهم من غير حاجة ارخص من بره بكتيير علبة ذخيرة ايطالى وعلبة ذخيرة يوغسلافى

المهم يارجالة ( المسدس + الجراب + علبة اومركس + علبة يوغسلافى + كل الملحقات بكيستها + الفاتورة لضمان الحق )بكم يا رجالة 1910 ايه رايكم اسمع احلى مبروك من احلى اصحاب وقولو ايه رأيكم فى الصفقة دى غلبت ولا اتغلبت وهل انا صح فى تفكيرى بالطريقة دى ولا لأ

والان مع نجم النجوم الشاب رووم