اسعار البنادق الان
 

يوم الجمعة الفاتت نزلت مع استاذ \ جلال خليفة عشان نشوف اسعار البنادق
بجد انا مش عارف اشكروا ازاى على سعة صدره و عطاءة للمعرفة
عشان ماطولش
الاسعار
نوريكا جيت 1200 نمرة واحد
الصينى البام 1600
نوريكا جيت 1500 نمرة اثنين
و كان فى حاجات تانى ممكن استاذ \ جلال يكون فاكرها
المهم انا محتار الحيره بتاعت كل مبتدء :):)
استاذ\جلال شكر كتير فى النوريكا جيت و طبعا فى حدود امكانياتى
انا نفسى فى بندقية قوية و تعيش و فى حدود 1250-1500
افيدونى

رد: اسعار البنادق الان
 

بسم الله الرحمن الرحيم
اعلي بندقيه في النوريكا هيه المارفيك ودي ثمنها حوالي 2300 جنيه علي حسب اخر مره سالت وده من 5 شهور
بس انا حقولك علي فكره عرفتها من استاذ احمد كامل ان بستم ومدفع المارفيك هوه هوه الجيت
وعليه اشتري نوريكا جيت نمره 2 وغير الجلبه والسوسته اول ما تشتريها بجلبه وسوسته مارفيك وسبب التغير هوه
1: الجيت موديل قديم شويه فحتلاقي الجلبه جلد زفر مش فيبر والفيبر اقوي في الضغط
2: الجيت متخزن فالجلبه بتكون ضغطها ضعيف والسوسته كمان
3: حتلاقي السوسته بتاعه الجيت منضغطه واقصر حوالي 5 سم من المارفيك بس نفس عدد الحلقات 44 حلقه وسوسته المارفك بتركب عادي علي الجيت
النتيجه حتحصل علي قوه المارفيك في بندقيه جيت واللي بقولهولك ده انا عملته وكمان استاذ احمد اللي هوه النيك نيم بتاعه استير 68
كل الفرق بين الجيت والمارفيك هوه شكل الدبشك الخشبي في المارفك احلي وفيه نقوش وعلي فكره انا عندي المارفك والجيت وعملت التغيير ده في البيت علشان انا عملت منجله بس نصيحه ماتعملهوش انته الان التعامل مع البنادق النوريكا بالفك والتركيب صعب وخطر خلي اللي بعهالك يعملها بس تاكد من ان السوسته والجلبه اصليين
وتحت امرك في اي سوال وربنا كده يزيدك وتكسر كل الحمام واليمام

رد: اسعار البنادق الان
 

السلام عليكم عمرو بك والله وحشتنا.
بالفعل الجيت هى الموديل الاقدم من المارفك لكن على فكره جلبه النوريكا جيت من نوع الفايبر لانى انا لما اشتريتها
غيرت الجلبه وهى كانت نفس جلبه المارفيك من الفيبروالجيت بندقيه جيده لكن نصيحه انك تشترى منها عيار 177 علشان تضمن دقه الاصابه لان عيار 177 اقل بالطبع فى الوزن بالتالى اسرع حتى عند ضعف السوسته تظل الطلقه سريعه الى حد ما بالتالى تكون محتفظه بدقه الاصابه
لو قررت شراء الجيت من الافضل تغيير الجلبه لكن السوسته الاصليه اللى موجوده معاها خامتها افضل من الموجوده فى السوق لذلك ممكن تغير الجلبه وتشحمها كويس وتتاكد من انك رابط المسمار اللى بيربطها كويس.فى نقطه هامه عند فك الماسوره لبنادق البريك باريل تقوم بفك الماسوره وهى مكسوره خفيف ولكن احذر كل الحذر من الفك والبندقيه فى وضع التعمير
وعند ربط مسمار تثبيت الماسوره تكون بنفس الشكل الماسوره مكسوره خفيف وهذا للحفاظ على مسمار التثبيت.

رد: اسعار البنادق الان
 

معلومات جامده يا ريت حد يفيدنى بشوية معلومات عن cf30

رد: اسعار البنادق الان
 

شكرا جدا على المعلومات مشكوريين جدا
بس انا كنت اعرف ان نمرة 2 احسن من نمرة 1 عشان الاصابة تكون اقوى و ادق ؟؟
و عندى كمان استفسار هى الجلبه فىسعرها حدود كام ؟

رد: اسعار البنادق الان
 

الجلبة ب 15جنية من ميشيل عازر

رد: اسعار البنادق الان
 

http://www.reviewcentre.com/reviews3997.html
سعر البندقية عند فيح اللة 1500
وعلي فكرة ممكن تجيبها من عند ابو الضيف اقل علي الاقل 100
البندقية معايا بقالها يجي شهرين جيدا ولذيذا جداا
وعلي الاقل فهيا موديل جديد شوية احدث من الجيت وبالتوفيق