الصيد فى مصر

الصيد فى مصر (http://www.egyhunt.net/index.php)
-   الصيد العام (http://www.egyhunt.net/forumdisplay.php?f=1)
-   -   عضو جديد السلام عليكم و رحمة اللله و بركاته (http://www.egyhunt.net/showthread.php?t=9474)

a7md10 11-05-29 05:14 AM
عضو جديد السلام عليكم و رحمة اللله و بركاته
 
سلام عليكم جميعا
و ارجو ان تقبلونى عضوا معكم فى المنتدى و انا سعيد لانى لقيت منتدى متخصص فى هواية الصيد

انا اسمى احمد من اسكندرية 19 سنة مهندس صياد هاو املك حاليا البندقسة رمسيس نمرة 1 و ارغب حاليا فى شراء بندقية افضل بس تتعمر بطريقة تانية غير كسر الماسورة ((( ياترى انواعها ايه ))) و تقبل التليسكوب و الليزر و طبعا تكون بندقية رش متحتجش لترخيص ....... ارجو المساعدة من الخبراء

DR SNIPER 11-05-29 05:20 AM
رد: عضو جديد السلام عليكم و رحمة اللله و بركاته
 
اهلا بيك ........ ده لينك موضوع هتلاقى فيه كل الاجابات اللى انت عاوزها ان شاء الله http://www.egypthunt.net/showthread.php?t=5244

a7md10 11-05-29 06:08 AM
رد: عضو جديد السلام عليكم و رحمة اللله و بركاته
 
اقتباس:
المشاركة الأصلية كتبت بواسطة dr sniper (المشاركة 106921)
اهلا بيك ........ ده لينك موضوع هتلاقى فيه كل الاجابات اللى انت عاوزها ان شاء الله http://www.egypthunt.net/showthread.php?t=5244
شكرا ليك انا شايف ان عندك بندقية معادى 5.5 ممكن صور ليها و ياريت لو تدينى فكرة بالصور عن البنادق المصرية الصنع الأخرى و عياراتها لانى معرفش حاجة عن البنادق المصرية غير الرمسيس نمرة واحد

محمود صالح 11-05-29 09:59 AM
رد: عضو جديد السلام عليكم و رحمة اللله و بركاته
 
اولا مرحبا بيك اخ جديد
ثانيا حدد السعر اللى عايز تجيب بية علشان الناس تقدر تقول السعر دة ممكن يشترى اية وترجح ليك الافضل من وجهة كل فرد وعن تجاربة مع البندقية

a7md10 11-05-29 10:26 AM
رد: عضو جديد السلام عليكم و رحمة اللله و بركاته
 
اقتباس:
المشاركة الأصلية كتبت بواسطة محمود صالح (المشاركة 107018)
اولا مرحبا بيك اخ جديد
ثانيا حدد السعر اللى عايز تجيب بية علشان الناس تقدر تقول السعر دة ممكن يشترى اية وترجح ليك الافضل من وجهة كل فرد وعن تجاربة مع البندقية
يعنى أقل سعر ممكن لبندقية لها نفس الموصفات اللى كا تبها فى أول مشاركة و ثانيا انا معرفش اسعار البنادق ايه

sameer 11-05-29 10:42 AM
رد: عضو جديد السلام عليكم و رحمة اللله و بركاته
 
اولا اهلا بيك اخوك سمير من اسكندرية برضه

ثانيا الكسر حلو ومافيهوش حاجة و الدنيا كلها شغالة بالكسر ولسة لغاية دلوقتي بيتصنع بنادق كسر
هاتلك حتة نوريكا سبورت هيا كسر بس ناس كتير جايباها وبيشكرو فيها وهيا عاملة من 1300 لغاية 1600 على حسب اللي حتشتري منه إلا السجلابي ما تعديش من قدامه و البندقية نشانها فوسفوري وخفيفة وحلوة للمبتدئين وخاماتها كويسة ويركبلها تلسكوب وفيه منها نمرة 1 و نمرة 2 النمرة واحد سرعتها 190 متر في الثانية النمرة 2 سرعتها 160 م\ث

a7md10 11-05-29 11:36 AM
رد: عضو جديد السلام عليكم و رحمة اللله و بركاته
 
اقتباس:
المشاركة الأصلية كتبت بواسطة sameer (المشاركة 107031)
اولا اهلا بيك اخوك سمير من اسكندرية برضه

ثانيا الكسر حلو ومافيهوش حاجة و الدنيا كلها شغالة بالكسر ولسة لغاية دلوقتي بيتصنع بنادق كسر
هاتلك حتة نوريكا سبورت هيا كسر بس ناس كتير جايباها وبيشكرو فيها وهيا عاملة من 1300 لغاية 1600 على حسب اللي حتشتري منه إلا السجلابي ما تعديش من قدامه و البندقية نشانها فوسفوري وخفيفة وحلوة للمبتدئين وخاماتها كويسة ويركبلها تلسكوب وفيه منها نمرة 1 و نمرة 2 النمرة واحد سرعتها 190 متر في الثانية النمرة 2 سرعتها 160 م\ث
هى البنادق الكسر حلوة مقلتش حاجة و عندى واحده منها رمسيس نمرة واحده بس عاوز اشترى واحده تانية متكونش كسر ...... ياترى ايه هى انواع البنادق من حيث التعمير؟؟؟؟ معلش انا مبتدئ و عاوز اعرف الانواع قبل ما اشترى

ahmadkhalaf 11-05-29 11:43 AM
رد: عضو جديد السلام عليكم و رحمة اللله و بركاته
 
اهلا بيك فى اسرة المنتدى انا احمد خلف من الاسكندرية

ياريت تشرفنا فى الموضوع الخاص بالاسكندرانية
http://www.egypthunt.net/showthread.php?t=7930

DR SNIPER 11-05-29 11:54 AM
رد: عضو جديد السلام عليكم و رحمة اللله و بركاته
 
4 مرفق
اقتباس:
المشاركة الأصلية كتبت بواسطة a7md10 (المشاركة 107055)
هى البنادق الكسر حلوة مقلتش حاجة و عندى واحده منها رمسيس نمرة واحده بس عاوز اشترى واحده تانية متكونش كسر ...... ياترى ايه هى انواع البنادق من حيث التعمير؟؟؟؟ معلش انا مبتدئ و عاوز اعرف الانواع قبل ما اشترى
بص حضرتك انا مسمعتش عن انواع بنادق مصرى غير المعادى والرمسيس والاتنين كويسين جدا بس اسعارهم جديده غاليه بالنسبه لمواصفات البندقيه والاتنين كسر على العموم انواع التعمير التانيه هى العتله سفليه او جانيه

DR SNIPER 11-05-29 11:56 AM
رد: عضو جديد السلام عليكم و رحمة اللله و بركاته
 
ممكن يكون فى انواع بنادق مصرى تانيه وانا معرفش وعلى العموم الناس الخبرا ممكن يفيدوك عنى ...... على العموم ربنا يوفقك وارجو انى اكون افدك ولو بحاجه بسيطه

DR SNIPER 11-05-29 12:00 PM
رد: عضو جديد السلام عليكم و رحمة اللله و بركاته
 
للعلم الصوره الاولى للديانا ايركينج 54 وطريقه تعميرها عتله جانيه ... الصوره التانيه البام 21 وهى عتله جانيه .. الصوره التالته للمعادى وطبعا هى كسر .... البندقيه الرابعه تل مجرى عتله سفليه ..........

a7md10 11-05-29 12:18 PM
رد: عضو جديد السلام عليكم و رحمة اللله و بركاته
 
اقتباس:
المشاركة الأصلية كتبت بواسطة dr sniper (المشاركة 107070)
للعلم الصوره الاولى للديانا ايركينج 54 وطريقه تعميرها عتله جانيه ... الصوره التانيه البام 21 وهى عتله جانيه .. الصوره التالته للمعادى وطبعا هى كسر .... البندقيه الرابعه تل مجرى عتله سفليه ..........
شكرا لمساهمتك اللى اكيد افادتنى كتير

كان لى بعض الاسئلة الافضل العتلة الجانبية ولا السفلية و ياترى موجودين فى مصر ولا لا ؟؟؟

المعادى تختلف ايه عن الرمسيس ؟؟؟

انا شايف الصورة الثالثة اللى بتقول انها للبندقية المعادى عليها منظار يا ترى ينفع اركب منظار على الرمسيس نمرة واحد برضه ؟؟؟؟

DR SNIPER 11-05-29 12:31 PM
رد: عضو جديد السلام عليكم و رحمة اللله و بركاته
 
اقتباس:
المشاركة الأصلية كتبت بواسطة a7md10 (المشاركة 107076)
شكرا لمساهمتك اللى اكيد افادتنى كتير

كان لى بعض الاسئلة الافضل العتلة الجانبية ولا السفلية و ياترى موجودين فى مصر ولا لا ؟؟؟

المعادى تختلف ايه عن الرمسيس ؟؟؟

انا شايف الصورة الثالثة اللى بتقول انها للبندقية المعادى عليها منظار يا ترى ينفع اركب منظار على الرمسيس نمرة واحد برضه ؟؟؟؟
بالنسبه للسؤال الاول نظام العتله السفليه او الجانبيه الاتنين تقريبا واحد وموجودين فى مصر فى بنادق كتير جدا .
بالنسبه للمعادى والرمسيس : دى حاجه ودى حاجه تانيه بس انا كان عندى معادى وكانت ممتازه جدا معايا عيبها الوحيد الزناد ممكن تضرب لوحدها لو الزناد ضعيف وممكن متعشقش اساسا وحلها انك تروح لاى ورشه يزودلك الزناد لحام وبعد كده يعمله بالحجر ( يساويه ) وهى بندقيه كويسه .
اما بالنسبه للرمسيس انا مجربتهاش قبل كده بس اغلب الصيادين الخبرا واساتذه المنتدى عندهم الرمسيس وبيشكرو فيها جدا .
بالنسبه للتليسكوب المعادى ينفع يركبلها تليسكوب لكن الرمسيس لا لكن انت ممكن تروح لاى ورشه يعملك حزين فى جسم البندقيه تثبت عليهم التليسكوب .......... ارجو انى اكون افدك وتقبل مرورى

a7md10 11-05-29 12:37 PM
رد: عضو جديد السلام عليكم و رحمة اللله و بركاته
 
شاكر جدا سعة صدرك و اتمنى ان يجعل ذلك فى ميزان حسناتك

DR SNIPER 11-05-29 12:38 PM
رد: عضو جديد السلام عليكم و رحمة اللله و بركاته
 
ولا يهمك احنا اخوات انا تحت امرك

man.man115 11-05-29 01:10 PM
رد: عضو جديد السلام عليكم و رحمة اللله و بركاته
 
اقتباس:
المشاركة الأصلية كتبت بواسطة a7md10 (المشاركة 106918)
سلام عليكم جميعا
و ارجو ان تقبلونى عضوا معكم فى المنتدى و انا سعيد لانى لقيت منتدى متخصص فى هواية الصيد

انا اسمى احمد من اسكندرية 19 سنة مهندس صياد هاو املك حاليا البندقسة رمسيس نمرة 1 و ارغب حاليا فى شراء بندقية افضل بس تتعمر بطريقة تانية غير كسر الماسورة ((( ياترى انواعها ايه ))) و تقبل التليسكوب و الليزر و طبعا تكون بندقية رش متحتجش لترخيص ....... ارجو المساعدة من الخبراء
اهلا ومرحبا بك وسط اخوتك وان شاء الله تجد مرادك فى منتدانا

a7md10 11-05-29 02:11 PM
رد: عضو جديد السلام عليكم و رحمة اللله و بركاته
 
شكرا ليك و اتمنى تكون معرفتى بالجميع معرفة خير

محمود القاضى 11-05-29 03:27 PM
رد: عضو جديد السلام عليكم و رحمة اللله و بركاته
 
اهلا بك فى المنتدى .ز صدقنى هتستمتع جدا مع احلى اصدقاء و اجمد صيادين و احلى هوايه فى الوجود

fidodido 11-05-29 04:09 PM
رد: عضو جديد السلام عليكم و رحمة اللله و بركاته
 
اهلا بيك وسط اخوانك

sameer 11-05-29 04:19 PM
رد: عضو جديد السلام عليكم و رحمة اللله و بركاته
 
بص يا احمد انتا لو عايز حاجة عتلة ومصر هات البام بندقية جامة اوي وبعتلة بس لا ينصح بيها لمبتدئ وعايز اقولك هات الكرال العتلة وخايف تجيبها وتدعي عليا خليك يا ابن الحلال في الكسر وهاتلك حتة نوريكا جيت طيب او نوريكا سبورت زي ما قولتلك حلوين اوي وكله بيشكر فيهم

a7md10 11-05-30 01:18 AM
رد: عضو جديد السلام عليكم و رحمة اللله و بركاته
 
اقتباس:
المشاركة الأصلية كتبت بواسطة sameer (المشاركة 107233)
بص يا احمد انتا لو عايز حاجة عتلة ومصر هات البام بندقية جامة اوي وبعتلة بس لا ينصح بيها لمبتدئ وعايز اقولك هات الكرال العتلة وخايف تجيبها وتدعي عليا خليك يا ابن الحلال في الكسر وهاتلك حتة نوريكا جيت طيب او نوريكا سبورت زي ما قولتلك حلوين اوي وكله بيشكر فيهم
طيب تعملها كام البندقية البام العتلة و لو ممكن صور ليها ؟؟؟ و الكرال العتلة ايه مشاكلها ؟؟؟ و ياترى فيه حاجة صينى عتله ؟؟؟؟؟و تنصحنى بيها ولا لأ؟؟؟؟؟

جعلها الله فى ميزان حسناتك هذة المساهمة القيمة

a7md10 11-05-30 03:56 AM
رد: عضو جديد السلام عليكم و رحمة اللله و بركاته
 
الحمد لله ربنا و فقنى و قدرت افك الرمسيس ن 1 حته حته عشان اعملها الصيانة

ممكن اعرف ازاى اصينها يعنى ايه هى الأماكن اللى هتحتاج تشحيم و ايه هى الاماكن اللى محتاجة تزييت و ايه افضل نوع شحم استخدمة و افضل نوع زيت استخدمه

تانى حاجة فى جز من داخل البدقية عبارة عن اسطوانه رفيعة قطرها أقل من قطر السوستة اتنطرت مع الصامولة الخلفية اللى رابطة اسطوانة البندقية من الخلف و انا بفكها الاسطوانة دى فيها طرف مبطط ياترى اتجاه لداخل البندقية و لا لخارجها

بالنسبة للبستم عاوز ارجعه مكانه مش عارف الجلبة بتحشر مش راضية تخلى البستم يدخل و خايف اتعافى عليها تتفرك و تبوظ

sameer 11-05-30 07:42 AM
رد: عضو جديد السلام عليكم و رحمة اللله و بركاته
 
شوف كدة الاستاذ محمد فصيح كان عارض بندقية صيني للبيع وعتلة ما تخافش


http://www.egypthunt.net/showthread.php?t=9068

a7md10 11-05-30 09:45 AM
رد: عضو جديد السلام عليكم و رحمة اللله و بركاته
 
كنت عاوز حاجة جديدة

sameer 11-05-30 12:03 PM
رد: عضو جديد السلام عليكم و رحمة اللله و بركاته
 
اقولك ايه بس
خلاص يبقا خليك في البام عاملة 2000 شيل 200 او حط 200
بس خلي بالك البندقية تقيلة جدا داخلة في 5 كيلو ورد فعلها جامد ونشانها من قوتها حيتحرك
دي احسن حاجة في الحدود اللي معاك
وبلاش الكرال العتلة عشان مالهاش قطع غيار وما حدش جابها

braveheart 11-05-30 12:08 PM
رد: عضو جديد السلام عليكم و رحمة اللله و بركاته
 
أهلا بك عضوا جديدا في أسرتنا.

a7md10 11-05-30 06:59 PM
رد: عضو جديد السلام عليكم و رحمة اللله و بركاته
 
اقتباس:
المشاركة الأصلية كتبت بواسطة sameer (المشاركة 107908)
اقولك ايه بس
خلاص يبقا خليك في البام عاملة 2000 شيل 200 او حط 200
بس خلي بالك البندقية تقيلة جدا داخلة في 5 كيلو ورد فعلها جامد ونشانها من قوتها حيتحرك
دي احسن حاجة في الحدود اللي معاك
وبلاش الكرال العتلة عشان مالهاش قطع غيار وما حدش جابها
طيب اذا كنا هنعدى مبلغ ال 2000 جنيه ممكن نوع تانى يكون خفيف و حلو ليه نفس المواصفات (( العتلة )) و يكون فيه خزنة

a7md10 11-05-30 07:00 PM
رد: عضو جديد السلام عليكم و رحمة اللله و بركاته
 
شكرا braveheart و كل اعضاء المنتدى الكرام

sameer 11-05-30 07:01 PM
رد: عضو جديد السلام عليكم و رحمة اللله و بركاته
 
لا موضوع الخزنة ده مافيش منه في مصر وهي مافيش غير البام
بس انتا عايز عتلة ليه العتلة خلى بالك صيانتها اصعب من الكسر و تعميرها بياخد وقت عن الكسر

a7md10 11-06-02 04:05 AM
رد: عضو جديد السلام عليكم و رحمة اللله و بركاته
 
يا جماعة انا قررت اشترى بندقية عتلة كويسة ايا كانت سعرها بس عاوز حاجة غير الصينى و عاوز اعرف اعضاء المنتدى الى عندهم محلات لبيع بنادق الرش فى اسكندرية و القاهرة

طلب تانى ياريت لو اتعرف على حد من اسكندرية اطلع معاهم فى رحلة صيد

sameer 11-06-02 06:49 AM
رد: عضو جديد السلام عليكم و رحمة اللله و بركاته
 
اقتباس:
المشاركة الأصلية كتبت بواسطة a7md10 (المشاركة 110049)
يا جماعة انا قررت اشترى بندقية عتلة كويسة ايا كانت سعرها بس عاوز حاجة غير الصينى و عاوز اعرف اعضاء المنتدى الى عندهم محلات لبيع بنادق الرش فى اسكندرية و القاهرة

طلب تانى ياريت لو اتعرف على حد من اسكندرية اطلع معاهم فى رحلة صيد
في اسكندرية عندك فتح الله محطة مصر وفتح الله سعد زغلول وفيه في النبي دنيال محل قدام الاكشاك بتوع الكتب ناس محترمة اوي وفيه واحد معانا في المنتدى اسمه هيثم خضر وده في خالد ابن الوليد و الناس بتشكر فيه اوي واسمه في المنتدى trainman اعتقد لو ما اخطأتش في الكتابة وفيه في المنشية فيه واحد فتح الله برضه وحتلاقيه عند مشاريع العجمي وواخد ناصيتين و الشاب اللي شغال هناك محترم اوي وحبوب


اممممممممممم وفيه ايه تانيييييي

اه وفيه محل اسمه العروبة وصاحبه اسمه احمد حلمي ده في شارع السلطان حسين قريب من شكور وبرضه المعاملة معاة محترمة جدا سواء الراجل نفسه او الكابتن اللي شغال معاه

وطبعا الحرامي الكبير اللي ما انصحكش تعدي من جنبه السجلابي بكل فروعه ده عنده التركي بيبيعها ب 2500 ده اخر ما سألت من شهر كدة و الجامو ماتش ب 65 وهو ب 30 و 35


و اسكندرية ما تقلقش مليانة صيادين ومغرقين المنتدى ههههههههههه

a7md10 11-06-02 08:39 AM
رد: عضو جديد السلام عليكم و رحمة اللله و بركاته
 
شكرا استاذ سمير على مجهودك معايا

سؤال تانى ياترى ينفع ابدل النشنكاه الخلفى و الامامى للرمسيس نمرة 1 بنشنكاه افضل زى مثلا نشنكاه فسفورى

a7md10 11-06-06 09:01 AM
رد: عضو جديد السلام عليكم و رحمة اللله و بركاته
 
مشكلة فى النشان بتقابلنى معظم الطرائد بصطادها لما تكون زاوية النشان لفوق حتى 60 درجة و تزيد الصعوبة لما بتكون اعلى من 60 درجة لفوق حتى 90 قائمة و تنعدم الاصابة لما بتكون اتجاه النشان بزاوية لتحت ......... ياترى ايه السبب ؟؟؟؟؟؟؟؟؟؟

sameer 11-06-06 09:34 AM
رد: عضو جديد السلام عليكم و رحمة اللله و بركاته
 
اقتباس:
المشاركة الأصلية كتبت بواسطة a7md10 (المشاركة 113622)
مشكلة فى النشان بتقابلنى معظم الطرائد بصطادها لما تكون زاوية النشان لفوق حتى 60 درجة و تزيد الصعوبة لما بتكون اعلى من 60 درجة لفوق حتى 90 قائمة و تنعدم الاصابة لما بتكون اتجاه النشان بزاوية لتحت ......... ياترى ايه السبب ؟؟؟؟؟؟؟؟؟؟
عشان انتا بتبقا ظابط نشانك على قدام ومن مسافة معينة وغالبا في البيت عني مكان مقفول ومافيش هوا
وعشان كدة النشان مش بيتعمل ثابت في البنادق زي المسدسات
عشان كل اتجاه وكل مسافة ليها ظبط مخصوص بس الكلام ده بيفرق في المسافات البعيدة ومش حتحس بيه في المسافات القريبة و الجاذبية برضه بتفرق

وارجو من الإخوة لو كلامي غلط او ناقص يصححولي

a7md10 11-06-06 03:09 PM
رد: عضو جديد السلام عليكم و رحمة اللله و بركاته
 
شكرا استاذ سمير ....... الوقت ايه الحل؟؟؟؟؟؟

sameer 11-06-06 05:37 PM
رد: عضو جديد السلام عليكم و رحمة اللله و بركاته
 
اقتباس:
المشاركة الأصلية كتبت بواسطة a7md10 (المشاركة 113838)
شكرا استاذ سمير ....... الوقت ايه الحل؟؟؟؟؟؟
الحل انك تظبط نشانك عالشعرة عشان الشعرة دي اللي حتفرق لو انتا ظابطه كويس ومثبت ايدك حتجيب كل حاجة انشاء الله و ابقا اظبط نشانك برش مظبوط مش تعبان بيحدف غلط


الساعة الآن 07:53 PM

Powered by vBulletin® Copyright ©2000 - 2026, Jelsoft Enterprises Ltd. TranZ By Almuhajir