استشارة وعاوز اهل الخبرة
 

بما انو اول موضوع ليا احب فى البداية اعرفكم بنفسى
اخوكم وليد ابراهيم من بورسعيد وعند 31 سنة واعمل مهندس بمديرية التضامن الاجتماعى
اعشق الصيد بكل انواعة واشكالة صيد الاسماك بكل الطرق سواء بفرقة او طراحة او ماكينا او فيبر
نيجى بقى للموضوع الى عاوز مشورة الناس فية انا كنت فى فريق الرماية 3 سنين فى مدرستى القديمة وديما كنت باخد من المركز الاول للمركز الثالث على مستوى المدارس كل سنة ليا خلفية كبيرة اوووى فى النيشان واعشق الرماية كلما اتيحت الى الفرصة وديما بلاقى نفسى مستوايا معقول ديما ولما حبيت ارجع لهوايتى القديمة الى كنت متمكن فيها لحد كبير عملت بحث ولقيت منتداكم الرائع دة فحبيت الموضوع وكنت عاوز راى الناس لو حبيت اشترى بندقية العمر يعنى مفكرش انى اغيرها غير بعد سنين طويلة اوووى يعنى عيوبها تكاد معدومة بندقية قوية وافضل هاى بور او بداياتة علما انى مش عاوزها تبقى مبالغ فى تمنها لانى اعرف اماكن للصيد ايوة هيا اماكن نائية بس خير ربنا كتيييييييييييييييير والحمد لله
فانتظر فقط اهل الخبرة فى هدا المجال بافادتى بنوع البندقية المطلوبة مع خبرتى فى مجال الرماية وليس الصيانة اشكركم واسف للاطالة

رد: استشارة وعاوز اهل الخبرة
 

اولا اهلا بيك اخي الفاضل عضو جديد في منتدانا
ثانيا حدد امكانياتك في الفلوس لتحديد افضل الانواع لحسن الاسعار بعد الصورة بقت حاجة وحشة

رد: استشارة وعاوز اهل الخبرة
 

أهلا بيك فى المنتدى وكل إلا حضرتك سألت علية وأكتر شويتين هتلاقية فى قسم بنادق ضغط الهواء تحياتى

رد: استشارة وعاوز اهل الخبرة
 

شكرا للأستاذ بسام سعيد على الإستفسار من الأخ السائل عن الإمكانيات المادية وأنا كتبت الرد بتاعى قبل ما أشوف رد حضرتك وإلا لكنت إنتظرت حتى أستفيد من ردك علية . أرجو المعذرة وأرجو من الأخ السائل توضيع الإمكانيات المادية حتى نستفيد وشكرا للجميع

رد: استشارة وعاوز اهل الخبرة
 

اولا اتشرف بالردود لكن الامكانيات من 1500 الى 2000 جنية
الحمد لله مستورة لكن مش عاوز اجيب بندقية باكتر من كدة
يعنى انا لو مستمتعتش بيها مزعلش اوووى يعنى وبعدين انا لو مش هصطاد كتير يكفينى اشبع هوايتى وهيا الرماية بيها

رد: استشارة وعاوز اهل الخبرة
 

رد: استشارة وعاوز اهل الخبرة
 

يا مرحب يا مرحب بأهل بورسعيد
يا ريت تحددلنا الرينج المادى لك

رد: استشارة وعاوز اهل الخبرة
 

اهلا بيك يا اخى
انا حددتو من 1500 الى 2000 جنية