LG Incite سمارت فون - ويندوز موبايل 6.5
 

السلام عليكم شباب الصيد

بقالي كتيييير مبدخلش المنتدي بسبب ظروف الشغل ... يارب الجميع يكون بخير و سعادة

معايا موبايل LG Incite استعمالي الشخصي لمدة عام... من أول يوم والتليفون محطوط في واقي بلاستيك و الشاشة عليها الحامي بتاعها ... يعني الحالة العامة بتاعت التليفون كويسة جداً

المزايا :
1. البطارية ممتازة و كانت بتقعد معايا من 4 إلى 7 أيام حسب الاستخدام و الكلام ده قليل تلاقيه في smart phone.
2. امكانيات التليفون كويسة جدا و هي تقريبا نفس امكانيات HTC HD (ماعدا الشاشة طبعا لأن شاشة ال HD أكبر )
3. حجم التليفون عملي جدا... لا هو كبير و لا هو صغير وشاشته معقولة 3إنش
4. windows mobile - 3G - wifi - bluetooth -Fm radio - 3MP camera

العيوب:
1. شاشة resistive ... حلوة بس مش زي الـتوتش بتاع الـgalaxy مثلاً
2. ال stylus (القلم بتاع الشاشة) ما لوش مكان جوة التليفون نفسه ...
3. الaccelerometer sensor فيه مالهوش تطبيقات كتير .. كان أحيانا بخلي الجهاز يهنج فكنت بقفل الsensor دة علطول

خصائص التليفون:
من هنا: http://www.gsmarena.com/lg_ct810_incite-2611.php
مقارنة بينه و بين htc HD :
من هنا: http://www.gsmarena.com/compare.php3...&idPhone2=2525

صور التليفون :
http://st2.gsmarena.com/vv/pics/lg/lg-incite-2.jpg
http://4.bp.blogspot.com/_XjJ92Zgtt4...te_stylus2.jpg

التليفون حيجي معاه الشاحن و الstuylus و كابل الداتا و الواقي البلاستيك و حامي الشاشة و كارت microSD 8GB ....

المطلوب : 500 جنيه للموبايل + كارت الميموري


المهتم بالشراء ياريت يراسلني عالخاص و أبعتله رقم تليفوني

أخوكم/ محمد

رد: LG Incite سمارت فون - ويندوز موبايل 6.5
 

سبحان الله وبحمده سبحان الله العظيم
بالتوفيق

رد: LG Incite سمارت فون - ويندوز موبايل 6.5
 

جزاك الله خيراً و شكرا لمرورك أخي الكريم

رد: LG Incite سمارت فون - ويندوز موبايل 6.5
 

بالتوفيق ان شاء الله

رد: LG Incite سمارت فون - ويندوز موبايل 6.5
 

جزاك الله خيرا أخي elarbi2009

رد: LG Incite سمارت فون - ويندوز موبايل 6.5
 

موفق في البيع

رد: LG Incite سمارت فون - ويندوز موبايل 6.5
 

بالتوفيق ان شاء الله

رد: LG Incite سمارت فون - ويندوز موبايل 6.5
 

جزاكم الله خيراً و شكراً للمرور


أخوكم/ محمد

رد: LG Incite سمارت فون - ويندوز موبايل 6.5
 

السلام عليكم يا شباب,

تم تخفيض السعر إلي 650 جنيه بدون كارت الميموري
720 بكارت الميموري

جزاكم الله خيراً

رد: LG Incite سمارت فون - ويندوز موبايل 6.5
 

رد: LG Incite سمارت فون - ويندوز موبايل 6.5
 

معلش يا باشا بس مع احترامى
الموبايل ميساويش التمن الى انت طالبوا فية

يعنى انا فاكر انوا كان معروض عليا ب 700 جنية من فترة طويلة جدا
وكونت لسة مفاصلتش مع الراجل
وكان الموبايل قدامى بلزقة الشاشة الاصلية

فاكيد حضرتك مش هينفع انوا دلوقتى يكون ب 650 جنية

حضرتك ظبط السعر شوية كتير وان شاء الله خير
انا عارف اكيد ان الموبايل ممكن يكون عزيز عليك , وشايف ان استعمال حضرتك كان خفيف علية بس صدقنى هو الموبايل نفسوا لية تمن معين ورنج مينفعش انوا يتخطاة

رد: LG Incite سمارت فون - ويندوز موبايل 6.5
 

حضرتك متأكد بس أنه كان نفس الموبايل لأن في شبهه كتير من lg برضه منهم ال Ks20 و الviewty و ال KB770 ....
بس أنا شايف ال acer e100 و ال acer p300 بيتباعوا ب1300 جنيه و 1100جنيه جداد طبعاً ...

و الموبايل دة أخوهم تماما في كل حاجة... و أنا شفت أن 700 سعر معقول خصوصا أن شكله زي الجديد تمام ...

ويا سيدي الموبايل من غير فلوس خالص عشان أعضاء المنتدى الجميل دة...

عالعموم لو حضرتك حابب تشتريه ممكن تقوللي السعر المناسب بالنسبالك و ربنا يوفق إن شاء الله و نتفق

جزاك الله خيراً أخي الكريم و شكرا لمرورك

رد: LG Incite سمارت فون - ويندوز موبايل 6.5
 

اة طبعا متاكد يا باشا

وبنا يخليك يا باشا كفاية ردك المحترم وسعة صدرك

انا بقول بس انك تخفض السعر شوية لانوا فعلا كتير
وخصوصا ان الموبايلات ال lg عموما لما بتتباع مستعمل مبيبقاش ليها سوق كبير هى او الالكاتيل وغيرها من الموبايلات الى مش منتشرة وحتى السامسونج لغاية فترة قريبة كان سعروا بينزل جامد فى المستعمل
حتى لو انا مشتريتوش يبقى ممكن يبقى فى اكتر من واحد عندوا النية

رد: LG Incite سمارت فون - ويندوز موبايل 6.5
 

الله يكرمك أخي العزيز

عشان خاطر حضرتك أنا حخلي السعر 600 للموبايل بدون كارت الميموري ...
هو كدة يبقى نص سعر لو اشتريته جديد دلوفتي...

رد: LG Incite سمارت فون - ويندوز موبايل 6.5
 

تم تخفيض السعر ل 500 جنيه فقط مع كامل ملحقاته

رد: LG Incite سمارت فون - ويندوز موبايل 6.5
 

الصور الجديدة ...
لما شيلت الغطا البلاستيك لقيت خربوشتين صغيرين علي الحرف اليمين ... صورتهم و حطيتهم مع الصور اللي تحت..
http://www.egypthunt.net/picture.php...pictureid=1851http://www.egypthunt.net/picture.php...pictureid=1848http://www.egypthunt.net/picture.php...pictureid=1849http://www.egypthunt.net/picture.php...pictureid=1850http://www.egypthunt.net/picture.php...pictureid=1852http://www.egypthunt.net/picture.php...pictureid=1854

رد: LG Incite سمارت فون - ويندوز موبايل 6.5
 

مردتش عليا يا باشا

رد: LG Incite سمارت فون - ويندوز موبايل 6.5
 

انتظر منى تلفون بكرة ان شاء الله بعد الضهر
وشكرا