الصيد فى مصر - نوريكا جيت واماكن بيعها

في ناس كانت بتقول عند فتح الله في اسكندرية بـ 1650.... وفيه أخ اشتراها من محل في بورسعيد بنفس الثمن.... وناس اشترتها من القاهرة بنفس الثمن وفي ناس بتقول 1800 ده لنمرة واحد طبعا

نمرة اتنين بيبيعوها بضعف الثمن (مع إن سعر العيارين بيكون نفس التمن خارج بلدنا الحبيبة مصر)!!

أغرب حاجة في البندقية دي إن الناس كلها بتشكر فيها لكن ملهاش أي أثر علي النت ولا حتي ريفيو واحد ولا عرض أسعار منتهي حتي.... لكن اللي انا عرفته عنها الي الآن إن سرعتها 260 م/ث لنمرة واحد (الكتالوج كده) وإن هي انتاج 1997 ومتخزنة وإن هي أصلاً كانت البندقية Beem S1

وده كلام للأخ Aamer Hossny

اقتباس:

النوركا جيت من اجمل البنادق بالنسبة لسعرها و دقتها و قوتها
السرعة 250م/ث و مش محتاجة منظار و ده يرجع لدقة النيشنكان الخلفي بتاعها
فيها ميزة جبارة و يعرفها كل من عاشر البندقية الجميلة دي و انها منين ما الواحد يحط خده على الديشك يلاقي النيشان اتظبت علطول على عينه
ده غير ان النيشنكان الامامي بتاعهاليه 3 اشكال و احلاهم في نظري الابرة اللي عليها دايرة و دي بتنفع في المسافات البعيدة
بمنتهى الصراحة البندقية دي متوسطة في كل شيئ و آخر المسافة اللي جبت يسها طير و كان مقفول 70 متر و 81 اصابة و ده بس لما كانت جديدة او مع وجود قطع غيار اصلية
افضل رش كان لايق على البندقية كان الماتش و ده عشان وزنة متوسط و فعال في الطير
طبعا ما شاء الله ضربت بيها طرائد كبيرة كان اكبرها غره من مسافة 22 متر نمرة 1

طيب نيجي لعيوبها:
اولا محتاجه حد يحسس عليها في الاستخدام
الماسورة بتاعتها ضعيفة و بتتنى مع الزمن...التنيي ده ميخضش الا اللي بيحبوا المسافات البعيدة بس 75م فيما فوق مثلا و قريت في منتدى اجنبي ان مقدار الانحدار بتاعها بيكون تقريبا 20 سم كل 6000 رشه يعني المسافة تقل متر كل 30.000 رشه, و ده كويس جدا بالمناسبة.
وزنها خفيف (بالنسبة لي انا من هواة الوزن الثقيل)
مجموعة الزناد..... دي بقى مأسآه: من اضعف مجموعات الزناد الموجودة في السوق (كل حاجة بتعمر مع حسن الاستعمال)
انا ركبت قبل كده مجموعتين زناد و ال 2 اضطرين اني اشيل منهم الامان بسبب كثرة عطله
اما البستم بيكون مهمول من حديد بس من نوع جيد مش صلب! و ممكن يتآكل مع التعمير الخاطئ
اخيرا: السوسة رفيعة جدا و بتضعف بسرعة و بتتغير دوريا.