مش ده الحلوان بتاعنا ولا انا غلطان
 

رد: مش ده الحلوان بتاعنا ولا انا غلطان
 

على فكره مش انا اللى فى اخر الفيديو

رد: مش ده الحلوان بتاعنا ولا انا غلطان
 

ايوة هو بينتج بأسم طارق فى العراق

رد: مش ده الحلوان بتاعنا ولا انا غلطان
 

ناقص ايران تعمله هيا كمان بس يا ترا هيسموه ايه ؟ اكيد بؤلظ هههههههههههى

رد: مش ده الحلوان بتاعنا ولا انا غلطان
 

هايموه خامنئى 1

رد: مش ده الحلوان بتاعنا ولا انا غلطان
 

هايسموه خامنئى 1

رد: مش ده الحلوان بتاعنا ولا انا غلطان
 

الاردن كمان بتصنعه بس مش عارف اسمه ايه هناك و كله بترخيص من بريتا

رد: مش ده الحلوان بتاعنا ولا انا غلطان
 

كلنا بنقلد البرتا يا استاذ

رد: مش ده الحلوان بتاعنا ولا انا غلطان
 

احنا بنصنع البرتا من سنة 1951 بتوكيل من بريتا ايطاليا
وبنصنع النوع الجديد بريتا 92 بتوكيل برضه
بصراحة والله دى حاجة تكسف
خلاص احنا معندناش مهندسين يصنعوا حاجة جديدة مصرى
يعنى تصنيع المسدسات صعب اوى كده

والله يا جماعة انا خالى معاه مسدس حلوان ميرى علشان هوه فى المباحث

بس والله المسدس مش صعب طيب ليه احنا مش بنصنع حاجة مصرى
يعنى من قلة الحديد الصلب فى مصر

رد: مش ده الحلوان بتاعنا ولا انا غلطان
 

ان شاء الله بعد الثورة المجيدة والزبالة اللى طيرناها والحرامية اللى سجناهم
هننتج كل حاجة وهنعدى بانتاجنا اوروبا كلها ان شاء الله

رد: مش ده الحلوان بتاعنا ولا انا غلطان
 

اميييييييييييييييييييييييييين

رد: مش ده الحلوان بتاعنا ولا انا غلطان
 

من قلة الحديد الصلب فى مصر؟؟؟؟ ياباشا انا مهندس ميكانيكا و انا اقدر اقولك اننا فى مصر معندناش تصنيع صلب اساسا.. عندنا حديد بس.. الصلب عباره عن سبيكه من الحديد و الكربون و ليه قصه كده عشان يتعمل... ربنا يسهل و بعد مشروع زويل و النهضه الى نفسنا فيها نصنع مدافع مش مسدسات بس

رد: مش ده الحلوان بتاعنا ولا انا غلطان
 

رد: مش ده الحلوان بتاعنا ولا انا غلطان
 

فعلا حاجة تكسف مفيش مهندس مصري يعني عارف يعمل مسدس من انتاجنا كامل ولا لازم التوكيلات
لا حول ولا قوة الا بالله

رد: مش ده الحلوان بتاعنا ولا انا غلطان
 

يا بهوات احنا بنصنع مدفع الدبابه M1A1 Abrams عيار 120 ملى و مدفع الدبابه M60 عيار 105 ملى و المدفع الروسي D30 عيار 122 ملى و المدفع الفنلدندى الجديد عيار 155 ملى
ده غير دروع الدبابات و بعض المواد المركبه المستخدمه فى صناعه الطائرات و الصواريخ و بنصنع السترات الواقيه من الرصاص وغيرها و غيرها
و ييجي بعض الاخوه يقولو معندناش صناعه صلب ؟؟؟!!!!
حدث العاقل بما لا يعقل فان صدقك فلا عقل له

رد: مش ده الحلوان بتاعنا ولا انا غلطان
 

ايوه ياباشا معندكش صناعة صلب اساسا و اسال الى فى المصنع... كل ده بتستورد الخامه و تشكلها بس.. يعنى بعد ما طنط امريكا خدت منك كل السلاح الروسى و ادتك سلاح امريكى بايظ و متقدرش تشترى غيره عشان التفاقيه بتاعة اسرائيل الى بتسمحلك بعدد محدود .. انت بتصنع سلاح امريكى و يادوب بتجمعه.. تقدر تقولى الماكنه الى بتركب فى المدرعه المصرى جايه منين؟؟؟ و كل الاجزاء.. احنا اخرنا بنعمل بوتاجاز بتاع المصانع الحربيه بجلالتها

رد: مش ده الحلوان بتاعنا ولا انا غلطان
 

ياباشا ده تنك البنزين بتاع الموتوسيكل بنجيب اللوح الصاج من برا و نشكله هنا بس عشان لما جربوا يعملوا لوح الصاج هنا كان بيتقطع كل مالمكبس ينزل عليه... للاسف انا مهندس ميكانيكا و الحسره حارقه قلبى للدجى من ساعة ماتخرجت.. كان نفسى اشتغل فى الصناعه بس بعد ماتخرجت مالقيتش صناعه اساسا.... اشتغلت فى البترول

رد: مش ده الحلوان بتاعنا ولا انا غلطان
 

لو احنا بنعرف نعمل كل الى انت قولت عليه ده ليه لسه بنستورد الموتور بتاع ال 128 من شركة زاستافا؟؟؟؟

رد: مش ده الحلوان بتاعنا ولا انا غلطان
 

رد: مش ده الحلوان بتاعنا ولا انا غلطان
 

برجاء الهدوء من الجميع في النقاش

رد: مش ده الحلوان بتاعنا ولا انا غلطان
 

أنا مع الأستاذ بسام وبناشد الأخوة الأفاضل الهدوء فى النقاش وعلشان نخرج من الخلاف نرجع لأصل الموضوع ( مش ده الحلوان بتاعنا ولا انا غلطان ) وبعدين النقاش فى موضوع الصناعات العسكرية فية إختلاف كبير فى وجهات النظر بين الإخوة ومش هتقدر تجمع الناس على رأى واحد
حتى لو كان الرئ الصواب ) لاكن يجمعنا كلنا حاجة واحدة إن إحنا بنحب بلدنا أوى فالذى يقول بنصنع كذا وكذا وكذ فخور ببلدة وبيحب بلدة وإلا بيقول معندناش صناعة صلب زعلان على بلدة وعاوز بلدة تبقى أحسن بلد تحياتى لكما يا صاحبى الخلاف على هذا الحب الشديد لبلدكما
ومن أجل أن ننفع البلد لازم نترك ونبتعد عن الخلاف المذموم وإن كان النقاش أى نقاش هيجرنا إلى خلاف نزعل من بعض فبلاش من الموضوع أصلاً .
ونرجع للأصل الموضوع مسدس حلوان المصرى هو تقليد للبريا الإيطالى وهو عيار 9م وكذلك مسدس الطارق العراقى تقليد الباريتا وهو مصنوع من عيارين 9*19م و7.65
ومن الصناعات العربية أيضا مسدس فايبر ( أردنى ) ومسدس كاركال ( إماراتى)
تحياتى للجميع

رد: مش ده الحلوان بتاعنا ولا انا غلطان
 

ياباشا جمال عبد الناصر لما عمل الهيئه العربيه للتصنيع كان عايز يعمل صناعه بجد و بعده طفشوا منها العرب الى مشيو براس مالهم و مبقئاش فى هيئه... اسال حد فى المصانع الحربيه بس اعد معاه بجد و شوف احنا بنشترى ايه من برا و بنصنع ايه واحد واحده... هتلاقى اننا مش بنعمل حاجه اساسا و ده من مهندسين فى المصانع الحربيه نفسها.. احنا يادوب بنربط مسامير و بالنسبه لاننا هبل؟؟؟ لا ياسيدى احنا مش هبل.. احنا اتباعنا لامريكا و الى اسرائيل مسيطره عليها و بعدين بعد المحاكمات الحاليه و كمية الفساد و كشف ان النظام السابق كان بيحارب التنميه على كل المستويات.. ده فى ناس فى الجيش كمان بتقول ان السلاح الى معانا تعبان و مالوش لزمه و حتت حديد متعملش حاجه فى الحرب و والله والله والله الكلام ده من اتنين لواءات واحد فى الحرب الكيماويه و واحد مهندس فى الطيران

رد: مش ده الحلوان بتاعنا ولا انا غلطان
 

صلو على النبى ياجماعه ده شيطان و دخل بينكم

رد: مش ده الحلوان بتاعنا ولا انا غلطان
 

لثاني مرة ارجو الهدوء في النقاش

رد: مش ده الحلوان بتاعنا ولا انا غلطان
 

بعد كدة كله وشه للحيطة ويرفع إيدة فوق هههههههه وممكن المنتدى كلة ياخد طابور 6 إستعد من تحت راسكو إنتم الإتنين هههههههه
عوزين شوية فرفشة يا جماعة ولعلمكو بقا الإتنين دول أصحاب الخلاف ( أكتر إتنين فى المنتدى بيحبو مصر ) بس مش أكتر منى أه هههههه طبعا كلنا بنحب بلدنا ما تيجو نغير الموضوع ونغنى يا حببتى يا مصر يا مصر ونسيب موضوع الخلاف للإقتناع الشخصى وأذكر هنا كلمة عن الخلاف سمعتها من أحد العلماء ناقلا عن أبن القيم قال( الإختلاف فى الفروع أكثر من أن ينضبط ولو أن كلما إختلفا مسلمين تهاجرا لم يبقى بين المسلمين عصمة )
إية رأيكو نغير الموضوع لموضوع جديد وإلأ يختار الموضوع الجديد أ/ بسام سعيد
إيه رأيكوووووووووووووووووووووووووووووووووووو

رد: مش ده الحلوان بتاعنا ولا انا غلطان
 

انا مش هتكلم تانى ياجماعه فى الموضوع ده و ربنا ميجيب خلاف ولا زعل و ربنا بس يكرمنا و عايزين نتبرع للمشروع العلمى بتاع الدكتور زويل لان هو ده بجد امل مصر فى الصناعه و الزراعه و كل ساحات الانتاج... انا ناوى اتبرع بمبلغ بجد بس لما يبان ملامح المشروع و يفتحوا باب التبرع و هدخل ولادى كلهم انشاء الله الجامعه فيها

رد: مش ده الحلوان بتاعنا ولا انا غلطان
 

تحياتى لك ولزميك صاحب الخلاف وربنا ما يجيب خلاف

رد: مش ده الحلوان بتاعنا ولا انا غلطان
 

اه نغنى يا حببتى يا مصر و نفتكر الخساره بتاعه الماتش الاخير و نلاقى ناس دخلت تتخانق تانى لا ياباشا الله الغنى و انا انزل اروح امتحانى احسن

رد: مش ده الحلوان بتاعنا ولا انا غلطان
 

يا جماعه مفيش خلاف ولا حاجه و اسف لو اسلوبى كان حاد اكتر من اللازم و زعل حد
و نترك الموضوع للاقتناع الشخصي
تحياتى للجميع