الصيد فى مصر - لهواة ال سكوبات ... Laser Boresighter

الصيد فى مصر (http://www.egyhunt.net/index.php)

- بنادق ضغط الهواء ومتعلقاتها (http://www.egyhunt.net/forumdisplay.php?f=51)

- - لهواة ال سكوبات ... Laser Boresighter (http://www.egyhunt.net/showthread.php?t=9791)

Peace Missile

11-06-03 03:35 PM

لهواة ال سكوبات ... Laser Boresighter

4 مرفق

السلام عليكم ....
الاخوة الاعزاء صيادين مصر وهواه استخدام السكوبات والصيد بها .....

دة موضوع كان نفسى من زمان اعرضه وجه الاوان لانى اشتريت Laser Boresighter وان شاء الله هيجيلى خلال اسبوعين ..

الليزر بورسيتر Laser Boresighter هو عبارة عن قلم ليزر مصمم ليتم تركيبه فى ماسورة البندقيه على حسب عيارها ومعاه زى طقم الانكيهات على حسب عيار او قطر الماسورة .

الاستخدام : يستخدم فى ضبط ال سكوب ضبط يصل الى 100 % حيث يتم تركيبه فى الماسورة وتشغيله وضبط ومعايرة السكوب على نقطة الليزر ودة طبعا بيوفر الوقت والرش المستخدم لضبط السكوب بصورة كبيرة ناهيك عن الدقة فى الضبط طبعا .

المميزات مقارنه باى قلم ليزر اخر قد يظن البعض انه ممكن يستخدم فى ضبط السكوب انه بيتم تركيبه مباشرة وتثبيته بصورة كامله داخل الماسورة

السعر : يتراوح من 15 دولار الى 35 دولار بخلاف مصاريف الشحن وانا عن نفسى اشتريت واحد من شركة صينى ب 15 دولار والشحن مجانى ومنتظر وصوله ان شاء الله .

ودى الصور واتمنى ان الموضوع ينال اعجاب حضراتكم .......
================================================== ==

كريم الشامي

11-06-03 03:48 PM

رد: لهواة ال سكوبات ... Laser Boresighter

بعد أذن حضرتك أشرح أكتر ازاي ممكن قلم الليزر يساعد في ظبط السكوب بصورة أكثر فاعلية ولك ألف شكر ..

Peace Missile

11-06-03 04:12 PM

رد: لهواة ال سكوبات ... Laser Boresighter

اقتباس:

المشاركة الأصلية كتبت بواسطة كريم الشامي (المشاركة 111106)

بعد أذن حضرتك أشرح أكتر ازاي ممكن قلم الليزر يساعد في ظبط السكوب بصورة أكثر فاعلية ولك ألف شكر ..

اخى الكريم ...كريم ..
بص يا باشا من خصائص اشعه الليزر بكل بساطه استقامه الاشعه بتاعتها بمعنى ان زاويه السقوط او معرفش بيقولوا عليها ايه .. المهم ان شعاع الليزر بيمشى فى خط مستقيم تماما بعكس اشعه الضوء العادى دة يعنى انك لو حطيت الليزر بوسيتر دة داخل ماسورة البندقيه زى اللى فى الصورة الطرف الرفيع داخل الماسورة والطرف الاخر بيخرج منه شعاع الليزر .. ف شعاع الليزر هياخد نفس مسار الرشه بالظبط بنسبه انحراف ضعيفه جدا او تكاد تكون معدومه ... كدة تمام .. تمام وبعدين هتبدا تنظر داخل السكوب طبعا هتشوف نقطة شعاع الليزر على مثلا حائط او ورقه بيضاء وتبدا تحرك التورتس بتاع السكوب فوق وتحت اوشمال ويمين لغايه ما تقاطع الكروشير يتطابق مع نقطة شعاع الليزر .. بالشكل دة يبقى تقاطع الكروشير بردة هيتطابق مع نقطة سقوط الرشه اللى هتستخدمها لما تشيل السيتر وتضرب بالرش فيكون السكوب بتاعك طبعا ادق بكتير ...

Batman

11-06-03 04:19 PM

رد: لهواة ال سكوبات ... Laser Boresighter

شكرا لك على الموضوع - فكرته مفيده جدا و ياريت لما يوصلك تقولنا النتيجه
تحياتى ...

Peace Missile

11-06-03 04:25 PM

رد: لهواة ال سكوبات ... Laser Boresighter

اقتباس:

المشاركة الأصلية كتبت بواسطة batman (المشاركة 111157)

شكرا لك على الموضوع - فكرته مفيده جدا و ياريت لما يوصلك تقولنا النتيجه
تحياتى ...

ان شاء الله اول ما يوصل اصور الصور واقولكوا ان شاء الله....

يونس	11-06-03 04:36 PM

رد: لهواة ال سكوبات ... Laser Boresighter

مشكووووووووووووووووووووووووووووووووور

wild_saher010

11-06-03 04:50 PM

رد: لهواة ال سكوبات ... Laser Boresighter

اية الحلاوة دى بس المهم انهم ما يحجزوش علية و يوصلك لان الطرود يتم تفتيشها بدقة

Peace Missile

11-06-03 05:06 PM

رد: لهواة ال سكوبات ... Laser Boresighter

اقتباس:

المشاركة الأصلية كتبت بواسطة wild_saher010 (المشاركة 111190)

اية الحلاوة دى بس المهم انهم ما يحجزوش علية و يوصلك لان الطرود يتم تفتيشها بدقة

ان شاء الله هتوصل لان دى مش اول مرة اشترى فيها ... دة المرة الثالثه والحمد لله المرتين الاولانيين وصلوا وكانوا عباره عن : ليزر سكوب للتركيب على السكوب ووصل بدون اى مشكله ...والتانى كان قاعدة ثلاثيه للتركيب على الرشاشات والبنادق الحيه اللى الريل بتاعها 20 مم وانا كنت شاريها على انها 11 مم وبردة وصلت ...

من الاخر يا جماعه كل اكسسوار الاسلحه ماعدا الاسلحه نفسها بتعدى عادى جدا من الجمارك وبيتوصل ودى عن تجربه وانا شارى اكتر من حاجه ومنتظرها وربنا يسهل

Batman

11-06-03 05:53 PM

رد: لهواة ال سكوبات ... Laser Boresighter

اقتباس:

المشاركة الأصلية كتبت بواسطة peace missile (المشاركة 111198)

ممكن الموقع الذى تشترى منه ؟؟

Roshdy

11-06-03 06:03 PM

رد: لهواة ال سكوبات ... Laser Boresighter

بالتوفيق إن شاء الله
انت بتشتري من على النت مباشرة ولا من خلال ارامكس ؟
وكيف يتم الدفع ؟
ومن اي موقع على النت ؟

شكرا لحضرتك

Peace Missile

11-06-03 10:32 PM

رد: لهواة ال سكوبات ... Laser Boresighter

اكثر المواقع امانا وارخصها هو موقع www.aliexpress.com
بشترى مباشرة من الموقع وليه حساب عليه ولازم طبعا يكون معاك كارت انترنت Internet card فيزا او ماستر كارد لاستخدام الانترنت والموضوع بياخد حوالى 3 اسابيع علشان الحاجة توصلك

moneey1975

11-06-04 01:50 AM

رد: لهواة ال سكوبات ... Laser Boresighter

مشكور اخي الفاضل علي المساعده والله الموفق والمستعان ان شاء الله

حازم ابوالنجا

11-06-04 02:15 AM

رد: لهواة ال سكوبات ... Laser Boresighter

اولا مبارك لك على وصول مشترياتك لك وعقبال الباقى
ثانيا انا كنت مستنى من فترة اعرف نتيجة عمليات الشراء اللى انت قمت بها وكان الافضل ان انت تعمل موضوع خاص لهذا الامر خاصة بعد نجاحه
وكنت عايز اسال حضرتك عن المنظار الكبير مع الكرال عامل ايه لانى ركبت واحد صغير على الكرال وغلبت فيه مش راضى يظبط ابدا كمان عند الضرب بحس بحاجة غريبه مش عارف لانى مش متعود على المنظار ولا ايه
وياريت رقم تليفونك للتواصل بشكل افضل , وجزاك الله كل خير

سرسور

11-06-04 07:54 AM

رد: لهواة ال سكوبات ... Laser Boresighter

الف مبروك
جزاك الله خيرًا

YOSSEF EL MASRY

11-07-02 07:42 PM

رد: لهواة ال سكوبات ... Laser Boresighter

ايوة الكلام مضبوط ويساعد علي ضبط النشان بكافائة علية جدا

smsmn8888

11-07-03 03:44 AM

رد: لهواة ال سكوبات ... Laser Boresighter

اول ما يصل طمنااااااااااااااااااااااا

tarekvb

11-07-03 09:47 AM

رد: لهواة ال سكوبات ... Laser Boresighter

ايه الاخبار يا دكتور عايزين نعرف تجبرتك مع الليزر

mrbebo

11-07-03 10:05 AM

رد: لهواة ال سكوبات ... Laser Boresighter

ممكن نعرف هيكلفك كام لغاية لما يوصلك ؟؟ وطبعا مستنين تقييم اداء

He$ham

11-07-03 08:40 PM

رد: لهواة ال سكوبات ... Laser Boresighter

شكرا ولو ممكن تعمل فيديو توضح فية كيفية الاستخدام لما يوصل بالسلامة

EGYKINGAYMAN

11-07-04 01:21 PM

رد: لهواة ال سكوبات ... Laser Boresighter

انا عاوز موقع اشترى منه سكوب معقول وهل مسموح به والا لا ؟؟؟

Peace Missile

11-07-04 03:03 PM

رد: لهواة ال سكوبات ... Laser Boresighter

الحمد لله تم الشراء ووصل الحمد لله ... كما فى الصورة تماما ...
التكلفه الاجماليه لغايه ما وصل حوالى 165 جنيه مصرى ... وتم تجربته لظبط السكوب ..فوق الممتاز

أبو شمس

11-07-04 06:01 PM

رد: لهواة ال سكوبات ... Laser Boresighter

اقتباس:

المشاركة الأصلية كتبت بواسطة peace missile (المشاركة 140928)

مبروك يا باشا
ممكن تشرح لنا ممكن نتعامل مع الموقع ازاي في موضوع الفلوس
و حضرتك كنت دافع 15 دولار يعني حوالي 90 ج ليه وصلت 165 ج
و هل الشركة بتوصله لعنوانك و لا بتستلمه من المطار

boody

11-07-05 04:28 AM

رد: لهواة ال سكوبات ... Laser Boresighter

الف مبروك على الوصول بسلامة

hazeeeeem

11-07-05 05:03 AM

رد: لهواة ال سكوبات ... Laser Boresighter

مبروك اخى الكريم
وكنت عايز اسألك خد كام يوم لحد ما وصلك لأنى اشتريت سكوب من على الموقع ده وبقاله 17 يوم تقريبا ولسه ماجاش علما بان دى اول مره اشترى من الموقع ده aliexpress وكنت دايما بشترى من dhgate وكانت الحاجه بتيجى فى اقل من 10 ايام تلسكوبات برضو فا مش عارف الموقع ده اتأخر معايا ليه ؟؟ وللا ده الطبيعى بتاعه ؟
مشكور اخى الفاضل

abdoweb

11-07-05 03:01 PM

رد: لهواة ال سكوبات ... Laser Boresighter

مشكور على الموضوع والفائدة
انا عن نفسى متعود اشترى من موقع dhgate
اشتريت كاميرا ضد الماء رائعة بالف جنيه مصرى تقريباً وبرضه كان الشحن مجاناً .. فقط بتدفع الجمارك حوالى 150 جنيه
واشتريت اكسسوارات للموبايل واشتريت ipad
المهم يبقى معاك فيزا تشتري بيها من على النت
وتختار الشركة الكويسة وتفاصل معاهم وتتفق على كل شئ
وتنتظر هتجيلك لحد البيت
وتختار البريد المصرى بدل ال dhl
ارخص واسرع

المهم ياريت تحط لنا رابط المنتج اللى انت اشتريته بالظبط
لان عندهم كثير
شكراً على الموضوع والمتابعة
ومبروك على المنتج

abdoweb

11-07-05 03:04 PM

رد: لهواة ال سكوبات ... Laser Boresighter

سؤال آخر
هل المنتج ده ينفع يظبط البندقية العادية مش السكوب
يتحط فى الماسورة ويعرفنى بالظبط ظبطتها ازاى ؟؟؟

momo44

11-07-05 05:15 PM

رد: لهواة ال سكوبات ... Laser Boresighter

ممكن تشرح لنا ممكن نتعامل مع الموقع ازاي في موضوع الفلوس
وهل كل الشحن مجانى
وايه نظام الجمارك
وشركة الشحن بتجيبهولك لحد باب البيت
؟؟؟؟؟

كفافى1

11-07-05 06:01 PM

رد: لهواة ال سكوبات ... Laser Boresighter

جميا جدا ربنا مبروك عليك مقدماً

hazeeeeem

11-07-05 08:48 PM

رد: لهواة ال سكوبات ... Laser Boresighter

اقتباس:

المشاركة الأصلية كتبت بواسطة momo44 (المشاركة 141984)

ازيك يا بشمهندس
بعد اذن صاحب الموضوع
انت بتتعامل مع المواقع دى سواء aliaxpress او dhgate عادى جدا بتدخل الموقع
وتسجل عندهم ويكون معاك كارت atm فيزا ماستر سوستيه جنرال يطلع زى ما يطلع المهم يكون قابل للدفع بيه ع الانترنت وبرضو مش لازم يكون الحساب فيه بالدولار لأ الجنيه المصرى يمشى وهما بيسحبوا بنفس القيمه وانا عن نفسى بشترى بكارت البنك اليونانى
وطبعا مش كل البضاعه المعروضه عندهم تتشحن مجانا لأ فيه كده وفيه كده بس عمتا اللى شحنه مجانا هيكون مكتوب عليه freeshiping وانا عن نفسى بختار الحاجه اللى شحنها مجانى طبعا عشان ارخص كتير على عكس اى سلعه تانيه عليها تكلفة الشحن بتبقى تقريبا 5 اضعاف تمنها شحن بس ،
انا اشتريت من dhgate وده موقع محترم وجابلى الحاجه فى اقل من 10 ايام بس انا جالى اخطار فى البيت انى اروح استلم الطرد من مكتب البريد وفعلا روحت استلمته ودفعت الرسوم ، فامش عارف ده الطبيعى وللا بتبقى مناطق ومناطق تانيه بالنسبه ان يوصلك لباب البيت اقصد .
تحياتى

momo44

11-07-06 12:07 AM

رد: لهواة ال سكوبات ... Laser Boresighter

اقتباس:

المشاركة الأصلية كتبت بواسطة hazeeeeem (المشاركة 142112)

معلش كان عندى كام سؤال
لو اشتريت حاجة ومرضيوش يدخلوها مصر زى السكاكين مثلا
بيبقى وقتها ايه الحل ؟؟؟؟
ولا هما اصلا من الاول هيقولولى دى تنفع ودى متنفعش
باالنسبة للجمارك اقدر اعرفها ازاى
؟؟؟؟؟؟؟؟؟

hazeeeeem

11-07-06 09:29 PM

رد: لهواة ال سكوبات ... Laser Boresighter

اقتباس:

المشاركة الأصلية كتبت بواسطة momo44 (المشاركة 142299)

لأ هما مش هيقولولك دى تنفع تدخل لبلدك وللا لأ .. اللى انت بتعمل اوردر شراء بيه وبتدفع تمنه بيجيبهولك حتى لو ايه
انما حته انها تدخل عندنا دى هما مالهمش علاقه بيها ... فاهمنى
اما بالنسبه لأى حاجه فيها قلق زى السكاكين مثلا فا دى انا ماعنديش فكره هتدخل وللا هتتحجز
وانا اول ما اشتريت منهم اشتريت تلسكوب واعتقد ان السكوب مقلق برضو ولكن الحمد لله وصل
اما السكاكين والمطاوى مش عارف !! والحقيقه نفسى اعرف لأنى شفت كام مطوه براوننج هموت عليهم بس قلقان اضحى بالفلوس ومايجوش (يتحجزو فى المطار يعنى) بس اعتقد والله اعلم ان المسأله حظ يعنى ياتعدى يا متعديش وانت ونصيبك .
تحياتى

momo44

11-07-06 09:41 PM

رد: لهواة ال سكوبات ... Laser Boresighter

اقتباس:

المشاركة الأصلية كتبت بواسطة hazeeeeem (المشاركة 143038)

طيب لو معديتش بيبقى ساعتها ايه اللى بيتم
؟؟؟؟

والجمارك ايه نظامها
اقدر احددها ازااااااااااى
؟؟؟

YOSSEF EL MASRY

11-07-06 09:59 PM

رد: لهواة ال سكوبات ... Laser Boresighter

الف مبروك يا باشا

DeCo	11-07-19 05:03 PM

رد: لهواة ال سكوبات ... Laser Boresighter

طيب ممكن تشترى حضرتك واحد واى حد يجى ياخده من حضرتك ولا صعبه؟؟؟

الساعة الآن 10:36 AM