الصيد فى مصر - مستلزمات اساسية فى اى رحلة صيد

الصيد فى مصر (http://www.egyhunt.net/index.php)

- صيد السمك (http://www.egyhunt.net/forumdisplay.php?f=75)

- - مستلزمات اساسية فى اى رحلة صيد (http://www.egyhunt.net/showthread.php?t=9802)

مستلزمات اساسية فى اى رحلة صيد

يرجى تثبيت الموضوع

اية هى المستلزمات الاساسية اللى ممكن تحتاجها معاك فى اى رحلة صيد بحرى سواء بر او بحر |؟؟؟ نبدأ على بركة الله
هقولكم اية هي :
* إحتياجات أدوات الصيد :
1- الماكينة او المكن بتاعك و يفضل انك يكون معاك دائما ماكينة اضافية .. علشان فى حالة لا قدر الله و حصل عطل فى واحدة و الدنيا كانت شغالة تقوم مبدل بالأسبير عالطول و ما تخسرش سمك و ووقت
2 - البوصة بتاعتك و ينطبق عليها ما انطبق على الماكينة و كمان لو كنت غاوى شويتين حتلاقى نفسك جايب معاك واحدة 3.5 متر مثلا او 4 و واحدة 1.75 متر عقل وواحدة 2 او 1.5 حتتين
3- خيط لزوم الماكينة و دة بيبقى متركب على المكنة من قبل ما تطلع و خيط تانى اضافى للمكنة فى حالة انك حبيت تغير لسمك اعلى او اقل
4- خيط لزوم الترميل او عمل السننانير
5- سنانير بمقاسات متنوعة على الاقل 4 مقاسات مختلفة من النوع المناسب لمكان و حجم السمك المتوقع صيدة
6- مداور (فى حالات الاستعجال)
7-وايرات قصيرة (فى حالات القراض)
8- فل عوام (فى حالات الرمى على العايم )او التوشيش
9- لايتر فى حالات الصيد اللليلى
10- ربالة او اتنين واحدة عادية وواحدة تكون مضيئة فى حالات وجود السوبيا و الكاليمارى
11- عياشة فى حالة صيد القاروص او سمك يتطلب طعم حى
12- كبشة فى حالة ما احتجت التقاط سمكة كبيرة او سوبيا من على وش المياة بعد ما هديت حيلها و خايف ترفع لتقع
13- ثقل (مقاسات متنوعة)
14- زرادية صغيرة و مقص صغير و قصاقة صغيرة او كلة و زيادة فى واحد Swiss Knife

- كدة دى تقريبا معظم ما ستحتاجة من مستلزمات صيد و ليس كلها و لكن كدة 90% و الاكثر احتياجا

** نخش بقى على احتياجات السمك :
1- طعمك المفضل ( جمبرى - دوود - سوبيا - كاليمارى - سمك صغير لزم الزفارة) و بردة بيفرق حسب المكان اللى هتصطاد منة

** ** نخش بقى على احتياجاتك انت (الشخصية ) :
1- دواء لدوار البحر(لو كنت ما طلعتش بحر قبل كدة او كنت بتتعب )
2- طقم ملابس اخر لزوم النضافة اخر اليوم او الرحلة
3-اكلك و شربك و عصايرك (يفضل النواشف و الموالح كالمش و البقسماط و الباتونسلية )للى بيتعب من البحر . واللى ما بيتعبش يجيب اللى هة عاوزة
4- حتتين قماش قدام او فوط صغيرة
5- ايس بوكس و ثلج (الحجم و كمية الثلج ) حسب عدد ايام الرحلة
6- كاب (طاقية) علشان ما يجيلكش ضربة شمس و تكيح من اولها
7- ستوك سجاير لو كنت مدخن علشان ما تخدش منى :)
8-كشاف رأس او صدر ليدات لزوم الصيد بالليل و الشغل العالى يا معلم

بس كدة و على فكرة الحاجات تبان انها كتير الا انها كلها تتلم فى شنطة واحدة ليس اكثر و مش غالية و لا مكلفة بالدرجة >
"" تنبية ""
الموضوع مجهود و خبرة شخصية و اذا نقل يجب ذكر المصدر و كاتب الموضوع الأصلى . أخوكم / محمد ساهر 0106134562