|
رخصة سلاح
السادة اعضاء المتدى الافاضل \
الى متى سنظل شعب محجور عليه من حكومتنا فهم يرون اننا لا نصلح ان نحكم انفسنا فهم يرو اننا ان فعلنا ذلك سنؤذى انفسنا كما قررو اننا شعوب لا يجب ان تحمل السلاح لاننا برضه من وجه نظرهم غير مسؤلين عن افعالنا فقررو عدم اعطاء تراخيص السلاح الا للمليونرات و اصحاب النفوذ و الشخصيات الهامة من وجهة نظرهم . و ايام الفراغ الامنى طلع لنا نداء القوات المسلحة الى افراد شعب مصر الاوفياء دافعو عن ممتلكاتكم و اعراضكم و انتم مجردين من السلاح ........... نزلنا بالفعل و اخترعنا اسلحة ماسورة و اخرها سكينة زى الرمح و زجاجات بنزيم و كل واحد و اللى ربنا قدره عليه و احنا اللى حمينا اهالينا و جيراننا . ما الفرق قبل الثورة و بعدها هل سنظل محجور علينا او موصى علينا ام بلغنا سن الرشد 7000 سنة ففى جميع الدول اللتى تحترم رغبات شعوبها من حق اى مواطن امتلاك سلاح بمجرد ان يتوجه الى محل اسلحة و يشترى ما يريده ثم يأتى بعد يومين لاستلامه بعد ان يبلغ المحل السلطات ان السلاح رقم كذا مع المواطن الفولانى اننا نحن المواطنين الشرفاء نخشى ان نحمل سلاح غير مرخص حتى لا نكون تحت طائلة القانون اما المجرمين فكلهم مسلحون لانها مش فارقة معاهم هو كدا كدا مجرم و كم من مرات و قد حدثت تعديات من بلطجية مسلحين على مواطنين فى عز النهار و قطعوهم و زبحوهم امام المارة نعم ان الشرطة تمكنت فى اغلب الحوادث فى الوصل الى مرتكبيها لكن بعد فوات الاوان .... تعالو نعمل جروب ان يتم منح اى مواطن راشد صالح رخصة سلاح بمعنى ان تعطى الرخص لمن هم فوق سن 25 سنة اى بعد مرحلة المراهقة و ان يكون بلا اى احكام قضائية و حسن السمعة يعنى مواطن شريف بمجرد طلبه لها و كذلك رخص الخرطوش للصيد فمن حق كل فرد ممارسة هوايته و كل من يريد ترخيص سلاحه فهو مواطن مسالم محترم لانه لو ناوى يعمل جريمة اكيد مش هيرخص سلاح الجريمة بس مين اللى يفهم ادعو معى ان ربنا يوعدنا بحلمنا و يتحقق عاوزين نعمل جروب كبير من المواطنين المحترمين نطالب فيه بحقنا احنا بنتمنى اننا نكون ذى باقى الناس المتحضرة و اسف على الاطالة |
رد: رخصة سلاح
اللهم إحفظ مصر ( أرضا وشعبا) وسائر بلاد المسلمين أمين
|
رد: رخصة سلاح
عاوز تعليقاتكم يا جماعة
|
رد: رخصة سلاح
انا مؤيد كلامك 100*100 بس الخرطوش بيترخص عادي من نادي الصيد مفهاش مشاكل
المشاكل بس في المسدس ربنا يهدي الحكومة |
رد: رخصة سلاح
لا يا باشا حتى الخرطوش برخصة و كام واحد فى مصر مشترك فى نادى الصيد اللى اشتراكه ب 100000
ربنا يهديهم علينا |
رد: رخصة سلاح
فكره حلوه جدا وممكن ننفذها..........
|
رد: رخصة سلاح
اقتباس:
|
رد: رخصة سلاح
كلام سليم مليون الميه
معاك قلبا وقالبا |
رد: رخصة سلاح
اقتباس:
|
رد: رخصة سلاح
الله ينور علي وجهة نظرك يا باشا والله الموفق دائما
|
رد: رخصة سلاح
http://www.egypthunt.net/showthread....C7%E1%D5%ED%CF
اقتباس:
انا مسألتش بس الموضوع مطروح في المنتدي ؟؟؟؟؟؟؟؟؟ |
رد: رخصة سلاح
مين يسمع ومين يلزم الحكومة دى عايزة ثورة تانية اكبر من كونه فى منتدى او جروب عايز كل اللى اتصال ببرامج تلفيزونية او صحفى كبير يتولى حملة وسلسلة مقالات او حد يعرف المشرعين والقائمين على تعديل القوانين
كل اللى مطلوب هو حذف خانة ( الغرض من الترخيص) لان العقدة كلها فيها وهى دى اللى بيطبقولها على مزاجهم ويقولوا ده ينفع وده لا الموضوع محتاج ثورة ثورة ثورة |
رد: رخصة سلاح
ياجماعة الموضوع ببساطة ان القوة فى يد من يملك سلاح والداخلية مش عايزة الشعب قوى عشان يفضل الشعب طول عمرة محتاج للشرطة بصورة اكثر من الاحتياج المفروض ويفضلوا مميزين ويضربوا الشعب بالجزمة ومنعترضش ولما يغيبوا عننا الناس تحس بفقدان الامان ونطلع نتحايل عليهم ونقول نبوس رجليكم ارجعوا واحمونا واعملوا فينا الى يعجبكم ومش هنعترض لان الناس المحترمة لو مرخصة سلاح هتدافع عن نفسها واهلها وبالتبعية الناس البلطجية هتفكر الف مرة قبل ما تقدم على تصرف سواء فى وجود الشرطة او عدمة فمش هيكون فية بلطجة وبالتالى مش هنتحايل على الاسياد من الشرطة عشان ينزلوا يحمونا وهيا دايرة مغلقة ومهما عملنا جروبات او وصلنا شرطة للداخلية مش هتنصر الشعب عليها الحل الوحيد اصدار تصريح حمل السلاح من جهة غير الداخلية ذى القضاء او النيابة او حتى الشئون الاجتماعية
|
رد: رخصة سلاح
اقتباس:
|
رد: رخصة سلاح
اقتباس:
|
رد: رخصة سلاح
تسلم ايدك ياباشا
اضم صوتى لصوتك وياريت نهتم بالموضوع ونسعى لتحقيق حلمنا مهما كانت العواقب ... مشوار الالف ميل يبدأ بخطوة تحياتى |
رد: رخصة سلاح
اخى العزيز doss99 شكرا لردك ويهمنى انى اوضحلك انى مش فاهم غلط خالص ولا حاجة وحضرتك مشكور بترد عليا كما لو انك لم تقراء ماكتبتة لو حضرتك راجعت تانى الى كاتبة هاتلاقينى قايل تحديدا ((الناس المحترمة لو مرخصة سلاح هتدافع عن نفسها واهلها)) بمعنى انى مطلبتش ان يكون سلاح فى يد كل مواطن مصرى ذى ما حضرتك بتقول لانى انا والاعضاء الحمد للة فاهمين كلامنا كويس وعلى قدر من العقل وعارفين الكلام الى حضرتك قلتة ان السلاح مش المفروض يكون فى يد كل مواطن بغض النظر عن صالح او غير صالح وعارفين ان دة لو حصل هنكون فى حرب وعشان كدة كلامى واضح جداااااااا واعتقد ان كل الاعضاء فاهمينة بنطال بترخيص السلاح للناس المحترمة ممن ينطبق فيهم الشروط العادلة للصلاحية وبدون وساطة ومعرفة وتكاسل فى اصدار الترخيص وخلافة من المعوقات الى بتستخدم ضد المواطن الصالح وبخصوص موضوع الاسياد والعبيد فدة كناية عن المقولة المشهورة من احد قيادى الداخلية اللواء قمر مدير امن دمنهور والى صدرت من رجل شرطة مش من احد افراد الشعب ودة كان بعد الثورة وممكن حضرتك تراجع الكليب على اليوتيوب واعذرنى لو استخدمت المقولة بتاعة اسياد من على لسان احد لواءات الداخلية بعد الثورة مع تحفظى على تاكيد حضرتك ان مفيش اسياد بعد الثورة مما يشمل تاكيد ضمنى على ان دة كان موجود قبل الثورة وبخصوص الطلب باصدار الترخيص من جهه غير وزارة الداخلية لايجوز قانونا فدة برضوا معروف انة لايجوز نظرا للقانون لكن مطالبتى بتعديل القانون مش تعديل الترخيص ومخالفة القانون يعنى معتقدش القانون دة هيكون اقوى من مواد الدستور الى اتلغت ومواد القانون الى اتلغت لفسادها واعتراف الجميع بانها كانت قوانين خاطئة وشكرا لسعة صدرك بالرد على تعليقى
|
رد: رخصة سلاح
اقتباس:
حضرتك قولت جملتين مش قادر اربط مابينهم الاولى: (ليس من المعقول ان اجعل في يد كل مواطن مصري سلاح و الا اصبحنا نعيش في حرب) الثانية: (اعطى لمن يريد حمايه نفسه و عائلته ) كل مواطن مصرى عايز يحمى نفسه وبيته يعنى الجملة الثانية تمثل شرح للجملة الاولى يبقى ازاى حضرتك بتمنع فى الاولى وبتسمح فى الثانية ؟؟؟ مين قال ان وجود السلاح فى يد الجميع هتبقى حرب ؟ الصعيد كلها سلاح و والبدو كلهم معاهم الى زيه زى المحفظة ليبيا بعد الثورة اكتشفنا ان الشعب كله كامل التسليح والمسدسات دى للاطفال كله بالالى فيما فوق مع ذلك جميع الجرائم فى المستوى العادى اى لم تزيد لوجود السلاح يعنى مسمعناش ان كل يوم فيه الف واحد ماتو سواء فى الصعيد او البدو او ليبيا عشان معاهم سلاح كل ضباط الجيش والشرطة معاهم سلاح مسمعناش ان كل شوية واحد مات برصاص ضابط فى خناقة مثلا اذا وجود السلاح ليس مرادف للتهور. مع ذللك المتهور اللى ناوى على الشر مش منتظر يرخص سلاح هيعمل الشر وعدم الترخيص مش هيمنعه مثلا مواطن اتخانق مع جاره وهو متهور هيجيب سكينة المطبح ويقتل جاره مش هيقول دنا معيش سلاح مرخص مش هقتله كل الخارجين عن القانون معاهم سلاح وصعوبة التراخيص لم تكن عائق امامهم بل هى فى مصلحة كل بطجى لانه عارف ان قلة قليلة هى اللى معاها سلاح فاى بلطجى معاه سلاح حى هيجرى ميدان ادامه مين هيخش عليه عشان ياخد طلقة فى صدره اما لو كانو البلطجية عارفين ان الترخيص سهل والكل شايل فى جنبه سلاح هيترعب لانه مجرد لما يعمل اى عملية سطو هيجيلو رصاص حى من كل بلكونة فى الشارع اسمحلى حضرتك ماشى ومسدس فى جنبك محسسك بالامان (طبعا الامن والامان والحافظ هو الله بس هى اسباب) اما شعور المواطن الاعزل اللى ماشى بالليل او حت بالنهار لانها مش بتفرق دلوقتى ومعاه اسرته وهو خايف لايطلع عليه عيل صغير بسلاح حى بيعد شوية عن تخيل حضرتك ومش عايزك تزعل منى بس ده اللى حاصل بالفعل |
رد: رخصة سلاح
شكرا جزيلا لاهتمامكم بالموضوع الله الموفق \ و ياريت نعرف نادى رماية القوات المسلحة دا فين و ممكن نعمل فريق لمنتدى الصيد فى مصر
|
رد: رخصة سلاح
اخى العزيز doss99 بخصوص ان الموضوع لتسهيل الاجراءات على طاولة النقاش حاليا اوضح لحضرتك انى مقدم على طلب للرخصة من ثلاثة شهور وساعة لما قدمت من ثلاثة شهور سمعت نفس مقولة ان الموضوع على طاولة النقاش برضوا والكلام دة كان فى شهر مارس وللاسف مر 3 شهور ولسة على الطاولة واخر مرة سالت فى قسم الترخيص اتقالى انت مستعجل لية انت بقالك 3 شهور بس امال بعد سنة هتعمل اية تفتكر لو النية موجودة للتسهيل الفعلى مش بس الوضع على الطاولة كانت استغرقت كل الشهور دى الا اذا كانت النية للتسهيل بعد انتهاء الاحداث واستقرار الاوضاع انشاء اللة وعدم الحاجة لرخصة السلاح بالصورة الملحة كما هى الان يعنى ناخدها لما نبقى مش عايزنها بالصورة الى موجودة حاليا
|
رد: رخصة سلاح
والله انا ليا وجهة نظر اخرى
لا يمكن منح اى مواطن "مصرى" رخصة سلاح الا لو كان ذو مال ونفوذ ( الكلام دة صح مليون فى المية) والحكومة كانت موفقة فى القرار دة والسبب بسيط جداً (تزداد نسبة الجريمة بصفة عامة فى الشعوب التى تعانى من فقر) (الدول النامية) دا طبقاً لعلم الاجرام والعقاب سيادتك راكب اتوبيس زحمة والدنيا وحر ومعاك المدام والعيال واحد مش محترم حاول التحرش بمراتك او خبط ابنك وقالك متلم العيال على حننب وحصل مشادة وصلت للتطاول بالايدى وسيادتك معاك سلاح ( نسبة استخدامك للسلاح 80%) بتشترى عيش من ابو شلن واقف فى طابور لأخر الشارع وبعد ساعتين فى الحر واحد وقف ادامك مش فى دورة حصل خناقة وانت قرفان وزهقان ومعاك سلاح تخيل ؟!!!!! على الجانب الاخر انت راكب عربيتك المكيفة وواخد المدام والاولاد يوم الجمعة النادى الاهلى او نادى الصيد الاولاد هينزلو البيسين وهتدغدوا فى النادى وانت رايح النادى واحد خبط عربيتك ( اخرك هتقولوا حصل خير) دى امثلة بسيطة علشان تعرف لية الحكومة بترخص لناس وناس اليوم اللى هتلاقى فية الشعب المصرى كلة مستريح ماديا وبالتالى نفسياً هوا دة اليوم اللى هتلاقى التراخيص بتتمنح للأطفال كمان. ولو الوضع الاقتصادى للبلد متغيرش انسى ان التراخيص تتمنح بسهولة تحياتى امير سعد |
رد: رخصة سلاح
الله ينور فعلا ا حنا شعب غير مؤهل لانوا يعمل اى حاجة و معندناش صبر ولا اخلاق عامة فى الطريق شوفوا كمية الخناقات الى بتحصل كل يوم فى الشارع تخيلوا بقى لو الأثنين الى بيتخانقوا معاهم سلاح نارى ايه الى ممكن يحصل ده غير انهم اكيد مش حيموتوا بعضيهم بس لاكن نتيجة الزحمة الى احنا عيشين فيها ممكن ناس تانية قاعدة فى الشارع و لا ميكروباص تموت طب دول كمان بأة معاهم سلاح ايه الى حيحصل لو و احد قاعد جمبوا مراتوا و لا ابنوا و جت فيه رصاصة و هو معاه سلاح ايه الى حيحصل.............الخ و قابل بأه يا عم خناقة على كرسى فى قطار كام و احد قتيل,خناقة على الأجرة فى ميكروباص كام قتيل.ساعتها مش حنقول كام مصاب بأه .حنقول كام قتيل
|
رد: رخصة سلاح
تمام يا لوليتا :)
|
رد: رخصة سلاح
يا جماعة انا كلامى كان واضح الترخيص يكون لمواطن راشد حسن السلوك طب ماهو فيه مليونرات بيسهرو و يسكرو و يستخدمو السلاح زى حادث اركاديا او السويدى و الناس الغلابة اللى بتركب اتوبيس و بتجيب عيش من ابو شلن متخافش عليهم مش هايكون معاهم 6000 جنيه زيادة لشراء حتى مسدس حلوان مستعمل
|
رد: رخصة سلاح
يا باشا الكلام دة والله الكل فاهمة انا لو عايز اعمل جريمة عمرى ما اعملها بسلاح مرخص يبقى معاهم رقمة وبصمتة كمان
يبقى ليه الحظر دة ( انا عايز ارخص سلاح خرطوش للصيد ومعايش فلوس اشتراك النادى ) عادى زى زى اى حد هاوى صيد بس مش لازم ابقى عضو فى النادى لية التعنت دة فى الترخيص يا رب يفهموا ويرخصوا لكل محترم فى البلد دى سلاح يدافع بية عن نفسة وعن اهلة وبعدين السلاح موجود فى ايد الناس حتى بدون ترخيص انا اعرف ناس كتير كدة يبقى اية المشكلة انى اعرف الناس الى مرخصة خرطوش مين والناس الى مرخصة مسدسات مين ويبقى عندى حصر بيهم حتى لو كل الشعب رخص ساعتها حارف اجيب صاحب المسدس المطلوب |
رد: رخصة سلاح
اقتباس:
كلام حضرتك سليم بس من وجهة نظرك السليمة بردة بس انا ليا رائ تانى اولا السلاح مش من السهل انى استخدمة وكل الناس عارفة كدة وكتير مننا معاه سلاح مش مرخص دلوقتى تقدر حضرتك تقولى لو الراجل الى فى الاتوبيس دة سلاحة مش مرخص حاتفرق فى حاجة معا دة من وجهة نظرك بس من وجهة نظرى الناس المحترمة لو معاها سلاح مرخص واللاشكال الى انت بتقول عليها بتوع التحرش موجودين عمرهم ما حايفكروا يتحرشوا من الاول حتى لو معاة سلاح هو كمان لانة فى الحالة دة عارف انى زى زية واقدر ادافع عن نفسى وبردة الاخ بتاع العربية المكيفة لو حد خبطة بس بتاع ميكروباص زى ما حصل قبل كدة حاينزل بردة ويضربة بالنار واظن احنا فاكرين الظابط الى ضرب سواق الميكروباص بالنار واهو راجل عسكرى ومعاة فلوس وكمان العربية مكيفة بس للاسف ضرب الراجل بالنار ملخص الكلام يا عمنا ان الفلوس عمرها متكون معيار علشان يكون معايا سلاح او لا من حقى يكون معايا سلاح ادافع بية عن نفسى وكمان من حقى امارس الصيد و ارخص سلاح صيد الفلوس عمرها ما حاتخلينى امنع نفسى عن استخدام السلاح فى حالة الغضب ولا الفقر حايخلينى اضرب بالسلاح على الفاضى والمليان يا رب اكون وصلت كلامى وارجو عدم فهمى غلط |
رد: رخصة سلاح
يا باشا كلامك صح بردو انا مش معترض بس الكلام اللى انا كاتبة بناء على دراسات تمت بالفعل بعد حصر جرائم ارتكبت بأسلحة مرخصة فى دول كتير ومصر من ضمنها
وموقف الاتوبيس دة انا شوفتة بعنيا بس كان على محطة اتوبيس عين الصيرة والانسان معرض بسهولة انة يفقد اعصابة وللعلم انا طلعت رخصة سنة 2004 بواسطة من مساعد اول وزير الداخلية وعملت مقابلة فى امن الدولة وللعلم ماروحتش استلمت الرخصة لأنى عارف نفسى ممكن اعمل بيها نصيبة ومن الاسئلة اللى اتسألتلى مع ظابط امن الدولة فى الحى السادس 1 - انت بتصلى ؟؟؟ الاجابة ( ساعات) 2- اخبار ذاكرتك اية ج ( حديد) 3- بتتنرفز بسرعة ج ( اعصابى تلاجة) وفى النهاية سلملى على سيادة اللواء فلان وعدى عليا الاسبوع اللى جاى استلم الرخصة ( بس خلى بالك الشيطان على بوز السلاح ) قولتلو يعنى اية ؟؟ قالى يعنى لما تشترى السلاح ابقى حطة فى البيت وجبلك واحد صوت امشى بية لأن مجرد حيازتك للسلاح مسؤلية كبيرة حتى لو مستخدمتهوش رديت اطمن حضرتك انا اد المسؤلية ومن ساعتها للنهاردا والله العظيم ماروحت اسأل عليها ولا اعرف مصيرها اية دلوقتى . |
رد: رخصة سلاح
اقتباس:
|
رد: رخصة سلاح
هما عودونا على النظام كل حاجة لازم تاخد دور زى طابور العيش و تقدم على رخصة محل او على سكن هو دة الروتين ازاى تروح تقدم على حاجة و تاخدها على طول دة حتى مش هاتحس بقيمتها الا بعد ما تتعذب علشانها سنتين تلاتة هى برضه وجهة نظر
|
رد: رخصة سلاح
عاوزين نعمل جروب من حقى رخصة سلاح
|
رد: رخصة سلاح
اقتباس:
وجود سلاح مرخص مش معناه التهور والاستخدام الخاطئ بالعكس تسهيل التراخيص للمواطن الشريف الراغب فى الترخيص هيقلل من السلاح الغير مرخص من جهة ومن جهة تانية هايكون الكنترول فى الداخلية على الاسلحة المرخصة واصحابها كامل لان هايكون عندهم رقم مسللسل وبصمة كل سلاح مرخص وحتى عدد الطلقات المباعة على الترخيص وبعدين اللى عاوز يعمل جريمة اكيد مش هايستنى يرخص سلاح علشان يعمل بيه مصيبة واكيد مش هيكون فى صلة بين زيادة معدل جرائم القتل وبين تسهيل ترخيص السلاح دا بالعكس يمكن يحد شوية من جرائم السرقة والقتل اللى كل يوم بنسمع عنها ونقرائها فى الجرايد على الاقل لو دخل عليك حرامى علشان يسرقك ويحاول يقتلك لو شوفتو على الاقل تلاقى حاجة تدافع بيها عن نفسك وعن بيتك ومتكنش النتيجة مانشت فى صفحة الحوادث جريمة بشعة بغرض السرقة زى ما بنشوف وربنا يحمينا ويحميكو من كل شر وتقبلو كامل احترامى وتقديرى لكل الاعضاء |
رد: رخصة سلاح
اقتباس:
مش لازم الغنى والفقر يكونو هما التقييم لان اغلب جرائم السلاح النارى بتكون من مستوى مادى مرتفع واصلا الراجل اللى دخلو على قدة اكيد بدل ما يجيب حتة سلاح حتى ولو بالف جنية فرضا يعنى هايقول انا أاكل العيال بيهم احسن :) |
رد: رخصة سلاح
تحية طيبة لكل الأعضاء الكرام
أثناء مطالعتي للموضوع المطروح و أثناء قراءة التعليقات المختلفة ... حضر في بالي السيناريو التالي اتنين ماشيين في الطريق الدائري أو صلاح سالم بسياراتهم .... و هم فوق سن الثلاثين و ليس لهم أي سوابق و يعملوا بأماكن محترمة ... ثم لسبب أو اخر قام أحدهم بحركة مفاجأة أدت لأن يقوم بالتزنيق على الاخر دون قصد ... و كان الاخر لسة متخانق مع رئيسة في العمل أو زوجتة في البيت خناقة ما يعلم بيها إلا ربنا ... و من نتائج الخناقة إن العفاريت بتتنطط في وشة ... و هو ما عجبهوش إن إبن الذين ده يعمل معاه كده و إن الطريق مش ملك ليه و إن هو مش عاجبه حد ... فقرر يلاحقه بالسيارة ... المهم لحد ما ربنا كرمهم هم الاتنين و خبطو في بعض و وقفوا على جنب ... و هاتك يا خناق و زعيق و الشيطان راح نافخ فيها و وصلت لشتيمة و واحد فيهم راح شاتم بالأب و الأم و التاني الدم بقى بيغلي في عروقة و رهح مادد ايده في العربية و راح مطلع ........... عصاية و حاول يضرب بيها التاني لحد هنا ..... مشهد طبيعي كتير مننا شافوه قبل كده ... و محدش يقدر ينكر إن ده بيحصل لو التاني بقى شاف العصاية و كان معاه مسدس مرخص ... مش من حقة يدافع عن نفسة بالمسدس .... ساعتها ممكن تبقى جريمة قتل مش مجرد خناقة على الطريق طيب دى بيتكرر قد ايه كل يوك في القاهرة فقط دون باقي أنحاء البلاد يا ترى لو كلنا رخصنا و جبنا سلاح ... هيبقى أحسن لينا و لا من غير السلاح أحسن |
رد: رخصة سلاح
طب و كام واحد مات بضربة شومة على دماغه ؟
و اللى معاه سلاح نارى الاول هيضرب فى الهوى و التانيه فى الارجل |
رد: رخصة سلاح
(( من حق الشعب المصري يشيل سلاح (الاصلية) )) جروب وصفحة علي الفيس بوك اشتركو يلا دي فرصتنا اعمل بحث وهتلاقي الجروب والصفحة اشتركو في الاثنين وضيفو اصحابكم كلهم في الجروب |
رد: رخصة سلاح
طيب وليه لا نضع الفرض بانه قد يطلع عليه اي لص او قاطع طريق وهوه في منتهي الهدوء حيدافع عن نفسه بايه بشومة ولا يجري قدامه
|
رد: رخصة سلاح
الواقع بيقول أن أحد ضباط الجيش كان فى مشوار ليلا بسيارته الخاصة وعلى الطريق الدائرى اعترضته سيارة نص نقل وبها 3 مسلحين نزلو بأتجاه سيارة الضابط ومشهرين السلاح وهم على بعد 10 أمتار منه ماكان من الضابط الا أن أطلق رصاصة على زجاج سيارة البلطجية فحطمه فلاز البلطجية بالفرار على الفور ..هو ده المطلوب أن يدرك البلطجية والمسجلين أن المواطن مسلح
ويا دار مادخلك شر |
رد: رخصة سلاح
اقتباس:
|
رد: رخصة سلاح
اقتباس:
|
رد: رخصة سلاح
اقتباس:
ولا انا غلطان ....................في انتظار ردك |
رد: رخصة سلاح
اقتباس:
|
رد: رخصة سلاح
واحب اقول يا جماعة اني قريت خبر بيقول ان الداخلية حاليا في سبيلها لسحب ترخيص جميع رجال الحزب المنحل لوجود كميات كبيرة من السلاح لديهم وقد قاموا باعطائها الي البلطجية ليستعملوها في ثورة يناير رغم انها اسلحة هجومية خطيرة فهل يكون الحال كذلك لهم والمواطن الشريف الذي توحد لديه المبررات لاياخذ تصريح
لابد من ان تعتدل كفة الميزان وان يرد الحق لاصحابه |
رد: رخصة سلاح
اخر ما سمعانه ان سعر الحلوان في المصنع 9600 جنيه
|
رد: رخصة سلاح
ما تزعلش انا ارفض الفكره لأن معدل الجريمه هيزيد وخصوصا فى مصر معدل الفقر كبير بس يترخص بشويه مستندات
تسبت حسن السير والسلوك وعدم وجود احكام سابقه ومعدل تعليم معين علشان يبقى الناس اسوياء مش الوصايت بس |
| الساعة الآن 11:45 PM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir