للبيع مسدس جامو p 800
 

اولا السلام عليكم
ثانيا: انا اشتريت من اسبوع مسدس جامو p 800 ودة مسدس ضغط هواء او كسر او سوستة. و طريقة استعمالة انك بتكسر الماسورة وتضع رشة واحدة وتضرب. وانا اشتريتة علشان مناسب جدا لتعليم النشان وبعيد عن مشاكل مسدسات الغاز. المسدس لسة جديد مافيهوش خربوش. انا اشتريتة من ميشيل عازر ب 750 جنية. المسدس اتضرب بية علبة رش واحدة بس. طبعا هتسألونى عايز تبيعة لية؟ علشان انا لسة شارى النهاردة بندقية ديانا 300r. وبردو هتسألونى عايز تبيعو بكام؟ سعر البيع 650 جنية. اظن انى لما انزل 100 جنية فى تمنة فى استعمال اسبوع واحد بس يبقى كدة انا عملت اللى عليا وعدانى العيب وازح ولا اية؟ واللى مش عارف شكلة و عايز يشوفة يدخل على اليوتيوب و يكتب gamo p800 وهايشوف فديوهات كتير اوى لية. لو حد عايز يكلمنى دة رقمى 0144669986
و اخيرا سلام عليكم
-------------------------------------------------------------------------------------------------------------------------------------------------------
شكرا يا جماعة ليكو كلوكو المسدس اتباع خلاص

رد: للبيع مسدس جامو p 800
 

لو سمحت ضع الصور الاصلية للمسدس و ضع مواصفاته كامله

رد: للبيع مسدس جامو p 800
 

بالتوفيق ان شاء الله

رد: للبيع مسدس جامو p 800
 

الصور لو سمحت

رد: للبيع مسدس جامو p 800
 

رد: للبيع مسدس جامو p 800
 

شكرا لردودكو الحلوة يا mmahmoud1800 و سرسور
بالنسبة لمواصفات المسدس فهى موجودة فى موقع جامو فى اللينك دة
http://www.gamo.com/portal/internati...2g5/P-800.html
نمرة واحد
الوزن 1280 جرام
السرعة 345 ق\ث
السرعة 100 م\ث
انا رشيت بى كان الرشة خرمت الكان من النحيتين

رد: للبيع مسدس جامو p 800
 

سورى يا جماعة انا كتبت معلومة غلط وهى الوزن 1280 جرام غلط
الوزن الصح 580 جرام
و معلومة زيادة
طول المسدس 29.5 سم

رد: للبيع مسدس جامو p 800
 

بالنسبة للصور اللينك دة في صور كتير عن المسدس
http://www.google.com.eg/search?q=ga...g&ved=0CB0QsAQ

رد: للبيع مسدس جامو p 800
 

علي فكره مسدس رائع و ليس له اعطال و قوي انا لسه شاري واحد من اسبوع يا رتني كنت استنيت شويه واشتريت مسدسك... موفق في البيع

رد: للبيع مسدس جامو p 800
 

يا ريت تقوللنا بكام الديانا؟

رد: للبيع مسدس جامو p 800
 

جربت تصطاد بيه ؟؟

رد: للبيع مسدس جامو p 800
 

نعم و لكن من مسافات قريبه و هو فعال جدا مع الرش الماستر بوينت و الماتش و لكن يحتاج منك تدريب للنيشان حيث انه يختلف عن النيشان بالبندقيه مع العلم انه دقيق جدا

رد: للبيع مسدس جامو p 800
 

اهلا بيك يا mishofun79 معليش مليش نصيب اتشرف بمعرفتك ان شاء الله تتعوض فى حاجة تانية
اما بالنسبة للديانا فأنا شاريها ب 7500 جنية. وانا علشان اشترى البندقية دى سألت فى كل محلات القاهرة الكبرى وضواحيها شبر شبر بيت بيت دار دار زنجا زنجا ومالقتهاش لحد وانا بدور عليها اتعرفت على واحد وكان عندة اتنين منها واحدة عايز يبيعها والتانية مخليها لنفسة و اشتريتها منة و لما قال لى سعرها مقدرتش افاصل معاة خالص لأن مفيش منها فى السوق ولا واحدة واللى معاة منها واحدة ماسك فيها ومخليها لأستخدامة الشخصى. ولو مش عارف ال 300r تبقى مش عارف هى لية دى بالذات من النادر جدا لما تلاقيها. الميزة اللى فيها و مش موجودة فى كل موديلات الديانا التانية هى ان فيها خزنة بتشيل سبع رشات وكمان نمرة 2. البندقية دى فعلا تستحق لقب مدفع قوية جدا. يعنى انت مثلا ممكن تلاقى ديانا اير كينج 54 او 56 حتى لو لقيتها غالية انما ال 300r مش هتلاقيها لا بالغالى ولا بالرخيص انا. بس انا قبل ما اشتريها اتعرفت على واحد تانى من الناس المعروفة هنا فى المنتدى كان هينصب عليا بس الحمدالله لحقت نفسى قبل ما اقع فى الفخ. الراجل دة بقى كان هينصب عليا ازاى؟ اولا انا ما قابلتهوش خالص لحد دلوقتى كان كلامى معاة على الموبايل. قالى ان هو عندة بندقية bsa goldstar ودى بندقية بردو بخزنة وبتشيل 10 رشات وقاللى سعرها 4000 جنية مصرى و قاللى ان هو من دمنهور وبينزل مصر كل فترة وفضل معلقنى معاة فترة وكل لما اتصل بية يعمل نفسة ما يعرفنيش واقولة سجل نمرتى علشان لما اتصل بيك تفتكرنى على طول وبعدين اتصل بية تانى يوم علشان اكمل معاة الاتفاق بردو ما يعرفنيش وافضل افكرو بيا. قال يعنى عامل نفسو راجل مهم ومن كتر مكالماتة مش بيفتكر وبعدين لما حن عليا وقالى انة نازل القاهرة قالى ان اللى هيجيبلى منة البندقية غير رأية وعايز فيها 6000 جنية بردو مصرى فأنا اتخضيت وكنت هاءع من طولى من الصدمة وكنت هقولة مش عايزها بس بصراحة انا كنت هافطس على بندقية بخزنة وما كنتش عايز اشترى بندقية رشة رشة فقولتلو موافق مع ان دة استغلال ولما جيت اتفق معاة قولتلو لما تيجى مصر تشرفنى عندى فى البيت علشان اجربها واشوفها بالراحة فرد عليا رد غريب جدا عرفت وقتها انة نصاب رسمى وان هو معندوش اصلا البندقية دى. اية هو الرد بقى؟ قالى انا لما هنزل مصر هكون مستعجل ومش هقدر اجيلك البيت فقولتلو امال هنتقابل فين؟ قالى بسلامتة هنتقابل فى الشارع ويدينى البندقية فى العلبة من غير ما افتحها ولا اشوفها ولا اجربها واديلو 6000 جنية بردو مصرى ويخودهم ويخلع وابقى انا اللى اشتريت الترماى رقم 2 بعد اسماعيل يس زمان فى الفيلم وعلشان كدة يا جماعة لازم نخلى بالنا من النصابين ومانأمينش لحد بسهولة. ملحوظة فى احتمال ان النصاب يكون بيدخل على المنتدى بأسماء كتير ويقعد يشكر فى نفسة علشان الناس تأمنلو. وملحوظة كمان مرة من المرات اللى انا كنت بكلمو فيها قالى انا لازم اقفل معاك دلوقتى علشان انا لازم اصلى علشان يخلينى أأمنلو اكتر فأحنا لازم نخلى بالنا من الناس اللى بتمثل دى وهو اصلا ما يعرفشى ربنا لو يعرف ربنا مكنش ينصب على الناس وكفاية كدة انا صوابعى وجعتنى من الكتابة سلام عليكم.

رد: للبيع مسدس جامو p 800
 

المسافات القريبة فى حدود كام تقريبا ؟؟

رد: للبيع مسدس جامو p 800
 

بص هو انا جربت انشن بية من مسافة حوالى 15 متر شغال بس فعلا النشان بالمسدس مختلف خالص عن النشان بالبندقية بس انا شوفت على اليوتيوب واحد بينشن على قلم رصاص وبيفلقو نصين والتانى بينشن على عود كبريت بس انا معرفتش اعمل كدة بصراحة انا لسة نشانى على قدى

رد: للبيع مسدس جامو p 800
 

كان تاثيره ايه على اليمامة قفلها سرق الطير ايه اخباره ؟

رد: للبيع مسدس جامو p 800
 

الحقيقة انا كنت بنشن بية على هدف ثابت مجربتش انشن بية على اليمام بس زى ما كتبت قبل كدة انى نشينت بية علبة حاجة ساقعة وخرمتها من الناحيتين يبقى المسدس قوى مش ضعيف

رد: للبيع مسدس جامو p 800
 

i'll buy it from u if the price is 500 0117711731

رد: للبيع مسدس جامو p 800
 

انا بعتذر ليك بس استعمالة اقل من علبة رش واحدة. المسدس يعتبر جديد مش مستعمل. اعتقد ان 100ج اقل من سعر السوق يعتبر مناسب جدا. ولو انا غلطان قولى رأيك واقنعنى بية.

رد: للبيع مسدس جامو p 800
 

اخى جوزيف انا احترم رايك والله انا كنت شارى الامريكى والايطالى باقل من كدة ........بس زي ما كل الناس عارفه ان الاسعار ارتفعت و ممكن تكون انت اشتريته غالى ...... اخى جوزيف حاول تنزيل السعر شويه كمان وانا اسسسسسسف لو كنت بخست السعر لما قلت 500 ده علشان زى ماقلت السعر كان باقل من كدة

رد: للبيع مسدس جامو p 800
 

انا كمان باحترم رأيك و مفيش زعل ولا حاجة احنا بنتناقش بس انا كمان اشتريتة بعد ما الاسعار ارتفعت و انا عندى استعداد انى انزل فى سعرة لو سعرة فى السوق نزل يبقى هنا دة سبب مقنع انى انزل فى سعرة صح ولا اية؟:confused: وصدقنى هى مش هاتفرق بالنسبالى بس انا بحسبها هو فى السوق بكام جديد ويتباع بكام وهو كسر الجديد وفى النهاية احنا بنتبادل الأراء.

رد: للبيع مسدس جامو p 800
 

اخى جوزيف انا رايح الخميس اشوف حاجات كتير ولو ما عجبنيش حاجه يبقى اتشرف واشتريه منك ...... وعلى العموم انا اتشرفت بمعرفتك

رد: للبيع مسدس جامو p 800
 

;)و انا كمان اتشرفت بمعرفتك فى كل الاحوال

رد: للبيع مسدس جامو p 800
 

اشكرك اخي جوزيف علي الرد الوافي و انا اعرف هذه البندقيه جيدا فهي بندقيه جميله بس هي علي فكره موجوده عند ميشيل عازر و ربنا يباركلك فيها و يشيرفني اننا نذهب في رحلة صيد سويا اذا نويت انا اسمي ميشيل و تليفوني 0100478149

رد: للبيع مسدس جامو p 800
 

بالتوفيق ان شاء الله

رد: للبيع مسدس جامو p 800
 

شكرا ابو شمس ربنا يكرمك
شكرا يا ميشيل انا يشرفنى انى اتعرف بيك انشاء الله نطلع رحلة صيد مع بعض احنا و الاخوة الافاضل فى المنتدى
بس انا وقتها كنت سألت عليها فى كل محلات القاهرة ومنهم الأهلية و الصياد المصرى ولم اجدها عندهم!
هو انت تقصد انة ميشيل: العتبة ولا التوفيقية؟

رد: للبيع مسدس جامو p 800
 

انا عندى المسدس ده ومسدس جيد وخامة كويسة وبالتوفيق فى البيع وعايزين نطلع طلعة صيد ياستاذ جوزيف واتشرف بمعرفتك وشكرا

رد: للبيع مسدس جامو p 800
 

رد: للبيع مسدس جامو p 800
 

ربنا يخليك يا tamercad كلك زوء ان شاء الله نطلع كلنا نصطاد واتشرف بمعرفتك.
يا استاذ عبده نانى هو اللى يمسك الديانا يمسك بعدها بندقية تانى بردو :p انا متجوز الاميرة ديانا ومش ممكن اطلقها و اتجوز غيرها ابدا هى الاولى و الاخيرة ولو حبيت اتجوز غيرها مش هاخرج برة العائلة الملكية

رد: للبيع مسدس جامو p 800
 

طب ماهو الألماني والمجري أولاد عم برضه هههههههههه
وبعدين كل واحده وليها إستعمال يعني الكبير للكبير والصغير للصغير لأن التل نمره واحد وأهي بدل للمسدس
وربنا يسهل الحال

رد: للبيع مسدس جامو p 800
 

طيب ما تدينى فكرة عنها. موديلها- مواصفتها اهو اخد فكرة بردو:confused:

رد: للبيع مسدس جامو p 800
 

:pشكرا يا جماعة ليكو كلكو المسدس اتباع خلاص;)

رد: للبيع مسدس جامو p 800
 

تم غلق الموضوع للبيع