الصيد فى مصر - لقاء مع العضو محمود شلبي.

الصيد فى مصر (http://www.egyhunt.net/index.php)

- الصيد العام (http://www.egyhunt.net/forumdisplay.php?f=1)

- - لقاء مع العضو محمود شلبي. (http://www.egyhunt.net/showthread.php?t=9992)

braveheart

11-06-06 10:31 PM

لقاء مع العضو محمود شلبي.

1 مرفق

بسم الله الرحمن الرحيم.

ألتقيت اليوم مع الأستاذ / محمود شلبي لأول مرة ، و تشرفت بمعرفتة حقا .. و أنا بقول الأستاذ و أنا عارف أنه هيزعل مني .. ههههههه .. ( عاوزني أنادي له بأسمة علي طول ) ... بس أنا أقصد بكلمة أستاذ هنا ... أنه أستاذ في هوايتنا الحبيبة ... هواية الصيد و القنص ، و هو من الأعضاء القديمة و لكنة قليل المشاركات ، يعرفة القدامي جيدا ... فهو جندي مجهول بالفعل بالمنتدي .. و لكنه له باع طويل في الصيد.

تقابلنا اليوم في مكتبة .. و كانت مقابلتة لي حارة جدا ... و أثناء حديثنـــــــا أبدي أهتمام شديد بالرابطة و أهدافها ... و خاصة الأهداف التي تهتم بالمبتدئين ... و كان متحمس جدا للإجتماع القادم للرابطة ( الذي سيكون الجمعة الأخيرة من هذا الشهر إن شاء الله ) ، بينما تمسك بمقابلة أخري تجمعنا قبل الإجتماع الرسمي الثالث للرابطة ... و أكدت له أنه سيكون من دواعي سروري ملاقاتة مرة أخري قريبا بكل تأكيد ... و أكدت عليه أن يحضر اللقاء الأستاذ / محمد سيد msa_79 .. و هو قريبة و صديقة الصدوق و عضو مهم جدا ... و هو أيضا من الحرس القديم.

و بعيدا عن اللقاء ... أعترف بأن إنضمام محمود شلبي ، و محمد سيد للرابطة يعد أضافة قوية و مكسب كبير للرابطة و أعضاؤها ... و سيكون لهم دور فعال جدا بالنسبة للمبتدئين في هواية الصيد .. و سيكون دورهم تطوعيا و لوجه الله ... و لكنني لن أتحدث إلي هذا الدور و سيكون مفاجأة للأعضاء بالإجتماع القادم بمشيئة الله.

و من هنا أشكر صديقي الجديد محمود شلبي علي حسن إستقبالة و ضيافتة ... و أتمني أن ألقاه علي خير.

mahmoudalaa

11-06-06 10:34 PM

رد: لقاء مع العضو محمود شلبي.

استاذ محمود شلبي راجل محترم جدا وانا اعرفه شخصيا و باذن الله بلا شك انضمامه للرابطه هيكون مكسب كبير

braveheart

11-06-06 11:04 PM

رد: لقاء مع العضو محمود شلبي.

اقتباس:

المشاركة الأصلية كتبت بواسطة mahmoudalaa (المشاركة 114294)

استاذ محمود شلبي راجل محترم جدا وانا اعرفه شخصيا و باذن الله بلا شك انضمامه للرابطه هيكون مكسب كبير

شكرا لمشاركتك ... و هو بالفعل شخصية محترمة لأبعد الحدود.

التلميذ

11-06-06 11:05 PM

رد: لقاء مع العضو محمود شلبي.

نتشرف بكل الناس المحترمة فى المنتدى وتحياتى لكما

braveheart

11-06-06 11:08 PM

رد: لقاء مع العضو محمود شلبي.

اقتباس:

المشاركة الأصلية كتبت بواسطة التلميذ (المشاركة 114313)

نتشرف بكل الناس المحترمة فى المنتدى وتحياتى لكما

شكرا لمشاركتك و مرورك الكريم ... و تحياتي لك.

sameer

11-06-06 11:09 PM

رد: لقاء مع العضو محمود شلبي.

فعلا و الله راجل محترم جدا

braveheart

11-06-06 11:17 PM

رد: لقاء مع العضو محمود شلبي.

اقتباس:

المشاركة الأصلية كتبت بواسطة sameer (المشاركة 114319)

فعلا و الله راجل محترم جدا

شكرا للمشاركة و المرور يا أبو سمرة .. تحياتي لك.

omarara

11-06-06 11:25 PM

رد: لقاء مع العضو محمود شلبي.

اه حضرتك تقصد استاذ عمرو ههههههههههه
معلش اصلى عارف الموضوع ده من محمد سيد هو ابن خاله على ما اتذكر
وإن شاء الله ينزل معانا الطلعة الجاية والدعوة عامة برضوا وياريت نشوفك إن شاء الله يا كريم باشا برضوا فى الطلعة الجاية

mero1x

11-06-06 11:28 PM

رد: لقاء مع العضو محمود شلبي.

والله يا كريم انت راجل محترم واكيد كل اللى هتعرفهوم لازم يكونوا محترمين

انا لسة متشرفتش بمقابلة الاستاذ محمود بس انشاء الله يكون عن قريب وطبعاً اخونا msa_79 الاستاذ محمد باين من موضوعاتة و ردودة انة صياد تقيل ودماغة عالية اوى وانشاء الله اتشرف بية عن قريب واستفيد من خبراتهم

braveheart

11-06-06 11:30 PM

رد: لقاء مع العضو محمود شلبي.

اقتباس:

المشاركة الأصلية كتبت بواسطة omarara (المشاركة 114324)

اه حضرتك تقصد استاذ عمرو ههههههههههه
معلش اصلى عارف الموضوع ده من محمد سيد هو ابن خاله على ما اتذكر
وإن شاء الله ينزل معانا الطلعة الجاية والدعوة عامة برضوا وياريت نشوفك إن شاء الله يا كريم باشا برضوا فى الطلعة الجاية

ههههه ... بالفعل هو معروف لدي المقربين له بأسم عمرو .. و محمد سيد أبن عمتة علي الأرجح ، و شكرا لدعوتك الكريمة .. و تشرفت بمعرفتك.

braveheart

11-06-06 11:33 PM

رد: لقاء مع العضو محمود شلبي.

اقتباس:

المشاركة الأصلية كتبت بواسطة mero1x (المشاركة 114328)

والله يا كريم انت راجل محترم واكيد كل اللى هتعرفهوم لازم يكونوا محترمين

انا لسة متشرفتش بمقابلة الاستاذ محمود بس انشاء الله يكون عن قريب وطبعاً اخونا msa_79 الاستاذ محمد باين من موضوعاتة و ردودة انة صياد تقيل ودماغة عالية اوى وانشاء الله اتشرف بية عن قريب واستفيد من خبراتهم

شكرا أمير باشا ... و إن شاء الله هنتقابل تاني قريبا جدا ... و أنت مش محتاج دعوة يا صاحبي.
تحياتي لك.

سيدخالد

11-06-07 12:00 AM

رد: لقاء مع العضو محمود شلبي.

الاستاذ الفاضل والاخ الحبيب محمود شلبى شخص اجتماعى من الدرجة الاولى وصاحب صولات وجولات فى عالم الصيد ولا يبخل بخبراته على احد بل يستقطع من وقته للاخرين ويعشق المبتدئين ان يمدهم بمعلوماته الكثيرة ...................واتمنى له مزيد من التوفيق والنجاح فى حياته وان يحصل على ما يتمناه

braveheart

11-06-07 12:14 AM

رد: لقاء مع العضو محمود شلبي.

اقتباس:

المشاركة الأصلية كتبت بواسطة سيدخالد (المشاركة 114344)

الاستاذ الفاضل والاخ الحبيب محمود شلبى شخص اجتماعى من الدرجة الاولى وصاحب صولات وجولات فى عالم الصيد ولا يبخل بخبراته على احد بل يستقطع من وقته للاخرين ويعشق المبتدئين ان يمدهم بمعلوماته الكثيرة ...................واتمنى له مزيد من التوفيق والنجاح فى حياته وان يحصل على ما يتمناه

فعلا أ / سيد ... كلامك سليم 100 % ... و شكرا لمشاركتك ... و تحياتي لك.

dr_mohasan

11-06-07 01:14 AM

رد: لقاء مع العضو محمود شلبي.

كانت الفرصة متاحة اليوم أمامى لكى أقابل الأستاذ محمود لأنى كنت على اتفاق مع كريم على أن أذهب معه الى هذه المقابلة , ولكن حدث ظرف طارىء بوفاة والد أحد زملائى فى العمل وإضطررت للذهاب لأداء واجب العزاء , وهذا هو ما منعنى من الذهاب مع كريم , ولكن أرجو من الله أن يسعدنى بمقابلة أخرى مع الأستاذ محمود , لأنى مشتاق لرؤيته والإستفادة من خبراته

(فكرة جيدة من كريم أنك تنزل صورة للأستاذ محمود فى الموضوع)

خالص تحياتى

s.elrefaey

11-06-07 01:52 AM

رد: لقاء مع العضو محمود شلبي.

انا و الله لسه ما قابلتش الاستاذ محمود
لكني تشرفت بمكالمته تليفونيا يوم الجمعه الماضيه
و الحقيقه انه انسان محترم بكل معاني الكلمه
و عرض عليا مساعدته من غير ما يعرفني
و انا من خلال موضوعك ده بحييه على ذوقه واخلاقه و احترامه و حبه الشديد للهوايه الجميله التي تجمعنا كلنا
و على اهتمامه ايضا بالمبتدئيين

tarekvb

11-06-07 02:02 AM

رد: لقاء مع العضو محمود شلبي.

اعتقد ان محمود قلة قليلة يعرفونه ومش هقول راجل بيخدم ومش بتاخر محمود على استعداد يوقف واحد ميعرفوش والوحد ده مش بيحب الصيد ويديلو بنقديته ويقول هعلمك هعلمك هتصطاد يعنى هتصطاد ههههههههههه واحد يا جماعة بيتلكك عشان يدى الناس خبرته ويعلمهم بمعنى الكلمة والطلعة معهاه هو محمد سيد اعز اصدقائى هما الاثنين تساوى مجموعة طلعات حتى ولو الواحد مجبش حاجة خالص كفاية ان بس يسمع منهم بس هو يركز ويلحق سيل الخبرات والمعلومات واخيرا تحياتى لمحمود شلبى ومحمد سيد اخواتى واول من قابلت فى المنتدى واصحاب الفضل عليا فى دخول عش الصيادين

rock	11-06-07 02:30 AM

رد: لقاء مع العضو محمود شلبي.

السلام عليكم ... مكسب لأى صياد ان يقابل صياد بجد مثله ... ومش هقول اكتر من ان محمود شلبى راجل صياد وبيدور عاليمامه زى حالاتى ... ههه ... والله وكل القصد المساعده فقط ... ربنا يجمعنا على خير ... تحياتى .

محمود شلبي

11-06-07 03:05 AM

رد: لقاء مع العضو محمود شلبي.

الموضوع اكبر من مدح لو الفضل هيرجع لشخص هيكون هو كل صياد مشيت معاة واتعلمت منه
اولا استاذ عادل السيد 80 سنه (اونكل عادل) استاذ علاء بتاع الصف طبعا غير الصياد الكبير الى كان نفسى اقبله
الحاج علاء السواق حتى هو ميعرفنيش والغريب انه له فضل من سمع القصص عنه ابو خالد فلاح فى الصف
استاذ احمد عباس ابو ضياء قناص
والبرنس طلعت بخيت (موضوع كبير) ابو ريناتو قناص
الحاج ابو استاذ نديم السجلابى (عم ابراهيم) كان يا طارق بيجيب الناس من البترينه يوريهم البنادق عن حب مش
ناس كتير لهم الفضل والحب مش لاقى كلام يعبر عن الناس دة

سيدخالد

11-06-07 03:09 AM

رد: لقاء مع العضو محمود شلبي.

اقتباس:

المشاركة الأصلية كتبت بواسطة محمود شلبي (المشاركة 114453)

دايما يا محمود بتظهر بتواضعك .......وده كله مش مدح ليك ده اقل تقدير لما تقدمه من خدمات جليلة للاعضاء ......تحياتى لك

hoka	11-06-07 11:34 AM

رد: لقاء مع العضو محمود شلبي.

سلام عليكم
احب الاول احيى الاستاذ كريم على مجهوده فى تعريف المنتدى على الشخصيات الجميله والقديمه فى الصيد مثل الاستاذ محمود شلبى
وانا اشهد ان الاستاذ محمود خبير قديم فى الصيد والقنص ومطارده الطيور بكافه انواعها وذلك لما اكتسبه من خبره من الساده الافاضل اللى تفضل بذكر اسمائهم اللى انا شخصيا بحلم بلقاء معاهم
طبعا موضوع فوق الممتاز واسلوب جميل من كريم فى عرض الحوار وربنا يديم الموده بين جميع اعضاء المنتدى
سلام عليكم

braveheart

11-06-07 12:03 PM

رد: لقاء مع العضو محمود شلبي.

اقتباس:

المشاركة الأصلية كتبت بواسطة dr_mohasan (المشاركة 114391)

كانت الفرصة متاحة اليوم أمامى لكى أقابل الأستاذ محمود لأنى كنت على اتفاق مع كريم على أن أذهب معه الى هذه المقابلة , ولكن حدث ظرف طارىء بوفاة والد أحد زملائى فى العمل وإضطررت للذهاب لأداء واجب العزاء , وهذا هو ما منعنى من الذهاب مع كريم , ولكن أرجو من الله أن يسعدنى بمقابلة أخرى مع الأستاذ محمود , لأنى مشتاق لرؤيته والإستفادة من خبراته

(فكرة جيدة من كريم أنك تنزل صورة للأستاذ محمود فى الموضوع)

خالص تحياتى

شكرا دكتور / محمد ، و إن شاء الله نتقابل خلال اليومين القادمين بمشيئة الله.

اقتباس:

المشاركة الأصلية كتبت بواسطة s.elrefaey (المشاركة 114418)

انا و الله لسه ما قابلتش الاستاذ محمود
لكني تشرفت بمكالمته تليفونيا يوم الجمعه الماضيه
و الحقيقه انه انسان محترم بكل معاني الكلمه
و عرض عليا مساعدته من غير ما يعرفني
و انا من خلال موضوعك ده بحييه على ذوقه واخلاقه و احترامه و حبه الشديد للهوايه الجميله التي تجمعنا كلنا
و على اهتمامه ايضا بالمبتدئيين

بالفعل ... هو شخص متواضع و جدع لأقصي درجة .. و عندما عرضت عليه الإنضمام للرابطة ... فرح كثيرا و قال لي نصيا ( أنا مستعد أعمل أي حاجة علشان المبتدأ يحب الصيد ... و ينزل يصطاد ).

اقتباس:

المشاركة الأصلية كتبت بواسطة tarekvb (المشاركة 114426)

اعتقد ان محمود قلة قليلة يعرفونه ومش هقول راجل بيخدم ومش بتاخر محمود على استعداد يوقف واحد ميعرفوش والوحد ده مش بيحب الصيد ويديلو بنقديته ويقول هعلمك هعلمك هتصطاد يعنى هتصطاد ههههههههههه واحد يا جماعة بيتلكك عشان يدى الناس خبرته ويعلمهم بمعنى الكلمة والطلعة معهاه هو محمد سيد اعز اصدقائى هما الاثنين تساوى مجموعة طلعات حتى ولو الواحد مجبش حاجة خالص كفاية ان بس يسمع منهم بس هو يركز ويلحق سيل الخبرات والمعلومات واخيرا تحياتى لمحمود شلبى ومحمد سيد اخواتى واول من قابلت فى المنتدى واصحاب الفضل عليا فى دخول عش الصيادين

و الله كلامك صح يا طارق .. تحياتي لك.

msa_79

11-06-07 12:07 PM

رد: لقاء مع العضو محمود شلبي.

ايه ده يا عمرو قصدي محموود ده انت اتشهرت ربنا يستر عليك وعلينا في اليبت لما يشوفو الصور دي اصلهم اكتر حاجه بيكرهوها الصيد والبنادق بس عشان بس يصدقو انك صياد بجد ويقتنعوا
الحمد لله عشت وشفت ابن خالي صورته علي النت.

braveheart

11-06-07 12:11 PM

رد: لقاء مع العضو محمود شلبي.

اقتباس:

المشاركة الأصلية كتبت بواسطة rock (المشاركة 114441)

السلام عليكم ... مكسب لأى صياد ان يقابل صياد بجد مثله ... ومش هقول اكتر من ان محمود شلبى راجل صياد وبيدور عاليمامه زى حالاتى ... ههه ... والله وكل القصد المساعده فقط ... ربنا يجمعنا على خير ... تحياتى .

شكرا يا أبو حميد .. و ربنا يجمعنا علي خير.

اقتباس:

المشاركة الأصلية كتبت بواسطة محمود شلبي (المشاركة 114453)

الموضوع اكبر من مدح لو الفضل هيرجع لشخص هيكون هو كل صياد مشيت معاة واتعلمت منه
اولا استاذ عادل السيد 80 سنه (اونكل عادل) استاذ علاء بتاع الصف طبعا غير الصياد الكبير الى كان نفسى اقبله
الحاج علاء السواق حتى هو ميعرفنيش والغريب انه له فضل من سمع القصص عنه ابو خالد فلاح فى الصف
استاذ احمد عباس ابو ضياء قناص
والبرنس طلعت بخيت (موضوع كبير) ابو ريناتو قناص
الحاج ابو استاذ نديم السجلابى (عم ابراهيم) كان يا طارق بيجيب الناس من البترينه يوريهم البنادق عن حب مش
ناس كتير لهم الفضل والحب مش لاقى كلام يعبر عن الناس دة

الأسماء التي يتحدث عنها محمود هم من عمالقة الصيد و من أقدم الصيادين ( شيوخ الصيادين ) ... و مجرد اللقاء بهم يعد شرفا كبيرا .. شكرا لمشاركتك محمود بيه ... و نلقاك علي خير.

اقتباس:

المشاركة الأصلية كتبت بواسطة hoka (المشاركة 114601)

سلام عليكم
احب الاول احيى الاستاذ كريم على مجهوده فى تعريف المنتدى على الشخصيات الجميله والقديمه فى الصيد مثل الاستاذ محمود شلبى
وانا اشهد ان الاستاذ محمود خبير قديم فى الصيد والقنص ومطارده الطيور بكافه انواعها وذلك لما اكتسبه من خبره من الساده الافاضل اللى تفضل بذكر اسمائهم اللى انا شخصيا بحلم بلقاء معاهم
طبعا موضوع فوق الممتاز واسلوب جميل من كريم فى عرض الحوار وربنا يديم الموده بين جميع اعضاء المنتدى
سلام عليكم

شكرا يا حوكا علي كلامك الجميل دة ... و الفترة القادمة سينضم للرابطة أسماء كبيرة جدا بمشيئة الله .. و لكن نخليها مفاجأة .. و ربنا يقدم اللي فيه الخير ... وتحياتي لك ... و ربنا يوفقك في الأمتحانات.

msa_79

11-06-07 12:11 PM

رد: لقاء مع العضو محمود شلبي.

ياجماعه اللي بنعماه ده اقل من الواجب وده اللي اتعلمناه من الناس اللي علمونا الصيد بجد المتعة الحقيقة مش انك تصطاد لا انك تعلم واحد صاحبك الصيد وتخليه يصطاد ويتعلم هواية فعلا ترتقي بالاخلاق وانا بجد مبسوط اوي وسعيد لاني ملاحظ ان الهواية الجميلة دي بدأت تنتشر بين المصريين بكثرة بالرغم من صعوبتها ومن ارتفاع اسعار البنادق.
وماشية معاك ياعمووووور باشا

braveheart

11-06-07 12:16 PM

رد: لقاء مع العضو محمود شلبي.

اقتباس:

المشاركة الأصلية كتبت بواسطة msa_79 (المشاركة 114629)

ايه ده يعمرو قصدي محموود ده انت اتشهرت ربنا يستر عليك وعلينا في اليبت لما يشوفو الصور دي اصلهم اكتر حاجه بيكرهوها الصيد والبنادق بس عشان بس يصدقو انك صياد بجد ويقتنعوا
الحمد لله عشت وشفت ابن خالب صورته علي النت

اقتباس:

المشاركة الأصلية كتبت بواسطة msa_79 (المشاركة 114634)

ياجماعه اللي بنعماه ده اقل من الواجب وده اللي اتعلمناه من الناس اللي علمونا الصيد بجد المتعة الحقيقة مش انك تصطاد لا انك تعلم واحد صاحبك الصيد وتخليه يصطاد ويتعلم هواية فعلا ترتقي بالاخلاق وانا بجد مبسوط اوي وسعيد لاني ملاحظ ان الهواية الجميلة دي بدأت تنتشر بين المصريين بكثرة بالرغم من صعوبتها ومن ارتفاع اسعار البنادق.
وماشية معاك ياعمووووور باشا

هههههه ... محمد باشا ... صباح الفل ، إن شاء الله المرة القادمة نلقاك مع محمود بيه ، عاوز أشوفك و أتكلم معاك بصراحة .. و هاخد لك صورة و أنزلها علي النت بردو .... هههههههههههه.

msa_79

11-06-07 12:18 PM

رد: لقاء مع العضو محمود شلبي.

اقتباس:

المشاركة الأصلية كتبت بواسطة braveheart (المشاركة 114642)

هههههه ... محمد باشا ... صباح الفل ، إن شاء الله المرة القادمة نلقاك مع محمود بيه ، عاوز أشوفك و أتكلم معاك بصراحة .. و هاخد لك صورة و أنزلها علي النت بردو .... هههههههههههه.

لا ياعم انا زي الملا عمر مش بطلع في الصور غير وانا متخفي هههههههه
وايه تكلمني بصراحة دي هو انت كنت بتخدعني كل الفترة اللي فاتت دي:)
ياكريم باشا يشرفني لقائك وعمرو حكالي علي لقائك بيه وانا في اشد الشوق للقائك والتشرف بمعرفتك.

braveheart

11-06-07 12:21 PM

رد: لقاء مع العضو محمود شلبي.

اقتباس:

المشاركة الأصلية كتبت بواسطة msa_79 (المشاركة 114644)

لا ياعم انا زي الملا عمر مش بطلع في الصور غير وانا متخفي هههههههه
وايه تكلمني بصراحة دي هو انت كنت بتخدعني كل الفترة اللي فاتت دي:)
ياكريم باشا يشرفني لقائك وعمرو حكالي علي لقائك بيه وانا في اشد الشوق للقائك والتشرف بمعرفتك.

الله يخليك يا فندم ... و الله ده من ذوقك ... و أنا أكيد مش هحرمك مني ... ههههههههه
:):):)
صباح الفل.

braveheart

11-06-07 08:07 PM

رد: لقاء مع العضو محمود شلبي.

اقتباس:

المشاركة الأصلية كتبت بواسطة سيدخالد (المشاركة 114456)

دايما يا محمود بتظهر بتواضعك .......وده كله مش مدح ليك ده اقل تقدير لما تقدمه من خدمات جليلة للاعضاء ......تحياتى لك

فعلا هو شخص متواضع و محترم و خدوم .. تحياتي لك.

Mohamed Mahmoud

11-06-08 09:14 AM

رد: لقاء مع العضو محمود شلبي.

والله يا كريم باشا انت وبقية الرجالة شوقتونا علشان نتعرف على الناس المحترمة و القناصين الكبار وان شاء الله يكون ليا شرف مقابلاتهم و الحديث معهم وطبعا التعلم من خبرتم زى ما فى مرة اتقبلت مع عم طلعت بخيت وفعلا راجل من الناس اللى الوحيد ممكن يفضل قاعد معهم ليل و نهار علشان يتعلم منهم
اشوفكم على خير

braveheart

11-06-09 11:28 AM

رد: لقاء مع العضو محمود شلبي.

اقتباس:

المشاركة الأصلية كتبت بواسطة mmahmoud1800 (المشاركة 115527)

والله يا كريم باشا انت وبقية الرجالة شوقتونا علشان نتعرف على الناس المحترمة و القناصين الكبار وان شاء الله يكون ليا شرف مقابلاتهم و الحديث معهم وطبعا التعلم من خبرتم زى ما فى مرة اتقبلت مع عم طلعت بخيت وفعلا راجل من الناس اللى الوحيد ممكن يفضل قاعد معهم ليل و نهار علشان يتعلم منهم
اشوفكم على خير

شكرا لك ... و الأستاذ طلعت بخيت يعتبر كبير الصيادين مفيش كلام و لا جدال .. و إن شاء الله قريبا سأتشرف بمعرفتة الفترة القادمة .. بعدما تعرفت علي صيادين محترفين أمثال : محمود شلبي و محمد سيد .. و القناص ( أشرف باهي ) بالأمس ... و هو صياد محترف أيضا .. و تشرفت بمعرفتة حقا ... و شكرا لمشاركتك ... تحياتي .

dr_mohasan

11-06-09 11:57 AM

رد: لقاء مع العضو محمود شلبي.

4 مرفق

تشرفت بالأمس مع كريم و طارق بمقابلة أستاذ محمود شلبى , وبصراحة مهما وصفت فى أخلاقه لن أوفيه حقه.

hoka	11-06-09 12:49 PM

رد: لقاء مع العضو محمود شلبي.

ربنا يجمعكم فى الجنه ان شاء الله ويديم عليكم المحبه والصداقه

braveheart

11-06-09 02:24 PM

رد: لقاء مع العضو محمود شلبي.

اقتباس:

المشاركة الأصلية كتبت بواسطة dr_mohasan (المشاركة 116365)

تشرفت بالأمس مع كريم و طارق بمقابلة أستاذ محمود شلبى , وبصراحة مهما وصفت فى أخلاقه لن أوفيه حقه.

شكرا د / محمد للإضافة الصور ... تحياتي لك.

اقتباس:

المشاركة الأصلية كتبت بواسطة hoka (المشاركة 116407)

ربنا يجمعكم فى الجنه ان شاء الله ويديم عليكم المحبه والصداقه

أحنا و أنت إن شاء الله ... شكرا يا حوكا.
تحياتي لك.

msa_79

11-06-09 02:43 PM

رد: لقاء مع العضو محمود شلبي.

مين الشاب اللي علي اليمين ده في اول صورة شكله كده يديك علي صياد

braveheart

11-06-09 02:45 PM

رد: لقاء مع العضو محمود شلبي.

اقتباس:

المشاركة الأصلية كتبت بواسطة msa_79 (المشاركة 116481)

مين الشاب اللي علي اليمين ده في اول صورة شكله كده يديك علي صياد

ههههههه ... دة طارق باشا Tarekvp .. تحياتي.

dr_mohasan

11-06-09 02:57 PM

رد: لقاء مع العضو محمود شلبي.

اقتباس:

المشاركة الأصلية كتبت بواسطة msa_79 (المشاركة 116481)

مين الشاب اللي علي اليمين ده في اول صورة شكله كده يديك علي صياد

الشاب الخٍطٍر اللى قاعد عاليمين ده طارق .......... هههههههههههه

msa_79

11-06-09 03:02 PM

رد: لقاء مع العضو محمود شلبي.

ايون طارق انا اسمع ان اليمام بيسمع اسمه بس بيقع لوحده

tarekvb

11-06-09 03:05 PM

رد: لقاء مع العضو محمود شلبي.

اقتباس:

المشاركة الأصلية كتبت بواسطة msa_79 (المشاركة 116498)

ايون طارق انا اسمع ان اليمام بيسمع اسمه بس بيقع لوحده

معلوماتى ان اليمام بعد مايقع ويسمع اسمه بيطير من تانى بس تصدق انا معاك شكله مدى على صياد ----- صياد ناموس (الحر عامل عاميله) هههههههههههههههه

msa_79

11-06-09 03:07 PM

رد: لقاء مع العضو محمود شلبي.

اقتباس:

المشاركة الأصلية كتبت بواسطة tarekvb (المشاركة 116501)

وطعمه حلو الناموس علي كده

tarekvb

11-06-09 03:09 PM

رد: لقاء مع العضو محمود شلبي.

اقتباس:

المشاركة الأصلية كتبت بواسطة msa_79 (المشاركة 116504)

وطعمه حلو الناموس علي كده

ده على حسب مقلى ولا مشوى بس مش دى المشكلة ... المشكلة ان ساعات بيسرق معايا وساعات بيريش نفسى نموسة تنزل مقفولة وبرده مفيش فياده .... انا كيدا حظى كيدا هههههههه

msa_79

11-06-09 03:12 PM

رد: لقاء مع العضو محمود شلبي.

ايه ياجماعه الهزار ده عيب كده ده منتدي صيد محترم ولا يجوز برجاء الالتزام بقواعد المنتدي ومنع الهزار
كفايه هزار بقا ياريت شوية تهريج بقا

koktal

11-06-09 03:15 PM

رد: لقاء مع العضو محمود شلبي.

اقتباس:

المشاركة الأصلية كتبت بواسطة msa_79 (المشاركة 116481)

مين الشاب اللي علي اليمين ده في اول صورة شكله كده يديك علي صياد

ههههههههههه

tarekvb

11-06-09 03:18 PM

رد: لقاء مع العضو محمود شلبي.

اقتباس:

المشاركة الأصلية كتبت بواسطة msa_79 (المشاركة 116506)

فعلا من موقعى هذا بطالب الادارة بمنع العضو msa_79 نظرا لتماديه فى الهزار واهماله للتهريج. (متيجى عندى فى السوق منها تتسوق شوية ومنها الغيلك مشركاتك براحتى) الاعضاء هيمسكو فينا ويقولك قلبوها شات ههههههههههههههههههه

msa_79

11-06-09 03:22 PM

رد: لقاء مع العضو محمود شلبي.

اقتباس:

المشاركة الأصلية كتبت بواسطة tarekvb (المشاركة 116511)

بعينك ده انا عمري ما دخلت السوق اقوم ادخله بعد مانت مسكته

tarekvb

11-06-09 03:31 PM

رد: لقاء مع العضو محمود شلبي.

اقتباس:

المشاركة الأصلية كتبت بواسطة msa_79 (المشاركة 116517)

بعينك ده انا عمري ما دخلت السوق اقوم ادخله بعد مانت مسكته

الخوف وحش ياخدعان على العموم كريم حبيبى برده وخد بالك انا ممكن ابلغ عنك عشان ان منزل موضوع بتعدل فى السلاح يعنى انت بتشجع السلاح المعدل اللى كلنا بنحاربه هههههههههههههههههه يلا بقى انت ابن حلال وتستاهل كل خير وربنا يقدرنا على فعل الخير (بتعدل فى السلاح يا راجل) ناقص تقلب البندقية ار بى جى ههههههههه

SHARKY

11-06-09 03:32 PM

رد: لقاء مع العضو محمود شلبي.

اقتباس:

المشاركة الأصلية كتبت بواسطة braveheart (المشاركة 114290)

السلام عليكم
أنا عضو جديد و صياد مبتدأ.

ممكن أعرف موعد و مكان الإجتماع القادم.

وشكرا جزيلا.

msa_79

11-06-09 03:37 PM

رد: لقاء مع العضو محمود شلبي.

عليك السلام ورحمة الله وبركاته محرما بيك معانا في اسرة المنتدي وان شاء الله تكون صياد كبير في المنتدي
بالنسبة لسؤالك ده مكانش اجتماع للاعضاء ده كان لقاء بس بين بعض الاعضاء وبالنسبة لموعد الاجتماع الشهري للاعضاء سوف يتم الاعلان عنه وعن مكانه في المنتدي وهو في الغالب بيكون في اخر جمعه في الشهر

dr_mohasan

11-06-09 03:39 PM

رد: لقاء مع العضو محمود شلبي.

اقتباس:

المشاركة الأصلية كتبت بواسطة sharky (المشاركة 116525)

السلام عليكم
أنا عضو جديد و صياد مبتدأ.

ممكن أعرف موعد و مكان الإجتماع القادم.

وشكرا جزيلا.

أهلا بيك فى بيتك و
اهنيك على اختيارك لهذه الهواية الجميلة

braveheart

11-06-09 03:41 PM

رد: لقاء مع العضو محمود شلبي.

اقتباس:

المشاركة الأصلية كتبت بواسطة sharky (المشاركة 116525)

السلام عليكم
أنا عضو جديد و صياد مبتدأ.

ممكن أعرف موعد و مكان الإجتماع القادم.

وشكرا جزيلا.

اقتباس:

المشاركة الأصلية كتبت بواسطة msa_79 (المشاركة 116529)

عليك السلام ورحمة الله وبركاته محرما بيك معانا في اسرة المنتدي وان شاء الله تكون صياد كبير في المنتدي
بالنسبة لسؤالك ده مكانش اجتماع للاعضاء ده كان لقاء بس بين بعض الاعضاء وبالنسبة لموعد الاجتماع الشهري للاعضاء سوف يتم الاعلان عنه وعن مكانه في المنتدي وهو في الغالب بيكون في اخر جمعه في الشهر

تمام كدة زي ما قال أخي محمد ... الإجتماع عادة بيكون الجمعة الأخيرة من كل شهر .. و لكن لم يتم تحديد المكان بعد ... و سأقوم بعمل موضوع قريبا إن شاء الله لأخبار الأعضاء عن موعد و مكان الإجتماع .. و شرفنا إنضمامك للمنتدي و للرابطة أيضا ... و شكرا لك.
تحياتي للجميع.

SHARKY

11-06-09 03:46 PM

رد: لقاء مع العضو محمود شلبي.

اقتباس:

المشاركة الأصلية كتبت بواسطة msa_79 (المشاركة 116529)

أشكرك شكرا جزيلا إخى الكريم على سرعة الرد.

وسوف نتقابل إنشاء الله فى الإجتماع.

SHARKY

11-06-09 04:00 PM

رد: لقاء مع العضو محمود شلبي.

اقتباس:

المشاركة الأصلية كتبت بواسطة dr_mohasan (المشاركة 116534)

أهلا بيك فى بيتك و
اهنيك على اختيارك لهذه الهواية الجميلة

كمل بياناتك علشان نعرف اسم حضرتك ومكان سكنك والاهتمامات ونوع البندقية (يعنى تعارف) ونكلمك لما نتقابل تانى ان شاء الله

حضرتك أنا ساكن فى 6 أكتوبر

الإسم : أحمد الشرقاوى

المهنة : محاسب

أنا إشتريت بندقية من 20 سنة بمبلغ 400 جنيها ولم أستعملها إلا سبعة مرات تقريبا ولا إعرف نوعها أو اسمها. ولكن بعد أن دخلت المنتدى كضيف أكثر من مرة أحببت الصيد بالبندقية. ولكن هوايتى هى صيد السمك منذ الصغر.

وإن شاء الله نتقابل قريبا.ولك جزيل الشكر.

SHARKY

11-06-09 04:07 PM

رد: لقاء مع العضو محمود شلبي.

اقتباس:

المشاركة الأصلية كتبت بواسطة braveheart (المشاركة 116537)

تمام كدة زي ما قال أخي محمد ... الإجتماع عادة بيكون الجمعة الأخيرة من كل شهر .. و لكن لم يتم تحديد المكان بعد ... و سأقوم بعمل موضوع قريبا إن شاء الله لأخبار الأعضاء عن موعد و مكان الإجتماع .. و شرفنا إنضمامك للمنتدي و للرابطة أيضا ... و شكرا لك.
تحياتي للجميع.

شاكرين جدا لحضرتك و إن شاء الله نتقابل فى الإجتماع.

مع خالص تحياتى.

braveheart

11-06-09 07:32 PM

رد: لقاء مع العضو محمود شلبي.

اقتباس:

المشاركة الأصلية كتبت بواسطة sharky (المشاركة 116560)

شاكرين جدا لحضرتك و إن شاء الله نتقابل فى الإجتماع.

مع خالص تحياتى.

إن شاء الله ... و نتشرف بحضرتك ... تحياتي لك.

braveheart

11-06-09 08:20 PM

رد: لقاء مع العضو محمود شلبي.

اقتباس:

المشاركة الأصلية كتبت بواسطة محمود شلبي (المشاركة 114453)

الموضوع اكبر من مدح لو الفضل هيرجع لشخص هيكون هو كل صياد مشيت معاة واتعلمت منه
اولا استاذ عادل السيد 80 سنه (اونكل عادل) استاذ علاء بتاع الصف طبعا غير الصياد الكبير الى كان نفسى اقبله
الحاج علاء السواق حتى هو ميعرفنيش والغريب انه له فضل من سمع القصص عنه ابو خالد فلاح فى الصف
استاذ احمد عباس ابو ضياء قناص
والبرنس طلعت بخيت (موضوع كبير) ابو ريناتو قناص
الحاج ابو استاذ نديم السجلابى (عم ابراهيم) كان يا طارق بيجيب الناس من البترينه يوريهم البنادق عن حب مش
ناس كتير لهم الفضل والحب مش لاقى كلام يعبر عن الناس دة

صيادين كبار بالفعل .. و هناك مفاجأة سارة لأعضاء الرابطة ، فقد قمت اليوم بالأتصال بالأستاذ طلعت بخيت .. و أبدي ترحيبة الشديد بحضور الإجتماع القادم إن شاء الله ... و قال أنه لن يتأخر عن أبنائة من الصيادين.
تحياتي لك ... محمود باشا.

dr_mohasan

11-06-09 08:22 PM

رد: لقاء مع العضو محمود شلبي.

مجهود رائع يا كريم , ربنا يبارك فيك

braveheart

11-06-09 08:23 PM

رد: لقاء مع العضو محمود شلبي.

اقتباس:

المشاركة الأصلية كتبت بواسطة dr_mohasan (المشاركة 116726)

مجهود رائع يا كريم , ربنا يبارك فيك

شكرا يا دكتور ... ربنا يبارك فيك ، و تحياتي لك.

tarekvb

11-06-09 09:13 PM

رد: لقاء مع العضو محمود شلبي.

بس برده يا حودة انت راجل محترم يكفى سعة صدرك وعدم بخللك عن اى حد بعلومة او اى مجهود ده كلام فى العموم ده غير الواجب الشخصة اللى انت عملتو معايا يا برنس وربنا حميك يا رب

braveheart

11-06-09 09:20 PM

رد: لقاء مع العضو محمود شلبي.

اقتباس:

المشاركة الأصلية كتبت بواسطة tarekvb (المشاركة 116787)

بس برده يا حودة انت راجل محترم يكفى سعة صدرك وعدم بخللك عن اى حد بعلومة او اى مجهود ده كلام فى العموم ده غير الواجب الشخصة اللى انت عملتو معايا يا برنس وربنا حميك يا رب

طبعا و بالمناسبة تم تحديد موعد الرابطة القادم 24/6/2011 بمشيئة الله.

تابعونا علي الرابط:

http://www.egypthunt.net/showthread....791#post116791

الساعة الآن 12:01 AM