[Consul]

المشاركة الأصلية كتبت بواسطة الأفوكاتو

انت عارف طبعا لما بتقوللي اعمل بعمل من غير تفكير
علشان خاطرك انت بس
ايه رأيك في الميزان ده ؟ واهو بردو علشان الواحد يوزن عليه الأمور
خالص تحياتي للجميـــــــــــــــــــع

بارك الله فيك حبيب قلبي...أيوه كده الله ينور عليك...ما أتحرمش منك يا رب ولا من كرمك أخلاقك وذوقك وحنية قلبك...بس كمل جميلك والنبي وإعدل كفة الميزان...بلاش الكفة المايلة دي...طول عمرنا بنشوف كفتي الميزان متساويين وأمام بعض...دليل على الحيادية والعدل وأن العدالة عمياء ولا تفرق بين أحد...ولا إنت من أولها معلق الرمانة لحد...عموما إحنا مش طماعين ومش عايزين نكتر عليك في طلباتنا...إحنا كنا فيييييييييين...بس لو مافيهاش إساءة أدب مني أو تعب عليك حاول لو عرفت تعدل كفة الميزان يبقي كتر خيرك بصحيح...لإن الواحد حاسس إنه باصص لبرواز صورة معووج وعايز يتعدل...إعدل فهو أقرب للتقوى...طبعا هذا رجاء وليس بأمر لا سمح الله...ولو كان صعب عليك وما عرفتش...أمرنا لله...نعوج إحنا راسنا علشان نشوف الميزان عدل...ولا يهمك حبيب قلبي...تعبك راحة...وكفاية علينا إبداء حسن نيتك والمحاولة...خالص تحياتي...