رد: كيف أستورد سلاح؟
السلام عليكم اخى الكريم اولا كما قال والدنا الغالى الاستاذ جمال نصر انسى انك تستورد سلاح حى اولا لو ربنا كرمك و عرفت تجيب تصريح وارد خارج من وزاره الدخليه يبقى سفاره البلد الى انت عاوز تشترى منها السلاح مش هتوافق و لو ربنا كرمك و وافقو و ادولك الفيزا يبقى محلات السلاح فى البلد الى انت هتسافرلها مش هتوافق لانك مجرد زائر للبلد لان ممكن تشترى سلاح و تعمل بيه مصيبه و تهرب و لو ليك صاحب مقيم فى البلد و معاه اقامه و جابهولك يبقى مطار البلد دى مش هيسيبك تخرج بيه من البلد لانهم بيفتشو الشنط بأشعه تحت حمراء و لو حصلت اول معجزه و عديت منهم يبقى مليون فى الميه مش هيسبوك تعدى من مطار القاهره و لو حصلت المعجزه الثانيه و عديت من مطار القاهره ارجوك ابقى قولى علشان هموت و اجيب البريتا و معلش نسيت انت لو ليك قريب فى الجيش ممكن هوا يسافر يجيبو و يبيعو ليك رسمى او ممكن تروح لتاجر اسلحه و تقوله بس لو السلاح بحوالى ٣٠٠٠ مصرى يبقى تعمل حسابك من ٢٥ل٣٠ الف انا عارف ان انا عقدتك بس و الله ده كان شعورى لما عرفت انا حولت اقولك الموضوع بكل صراحه بدل ماحد يضحك عليك و ينصب عليك و ارجو انك ماتزعلش منى
|