رد: دهان الاسلحة (سؤال)
السلام عليكم
الكلام اللي هيتكتب الان كلام خطير جداا وقد يسبب احتراق المنزل وقد ينفجر الخليط في اي وقت
اولا ماهي عملية الصبغ او البلوينج
هي عملية صنع طبقة من اكسيد الحديد " الصدأ " على السلاح للمحافظة عليه
ولكن اكسيد الحديد المغناطيسي
اولا المواد التي تستخدم في عملية الصبغ هي مواد مؤكسدة قوية جدااااااااااا
وجميعها تقع تحت قائمة المتفجرات
وهي فعلا من المواد المتفجرة
اخي العزيز
الحذر الحذر الحذر لأن الموضع قد يتحول لكارثة لو ناوي تصبغ اجزاء كبيرة
على العموم
هناك مرحلة عليك القيام بها قبل عملية الصبغ وهي الوصول الى درجة نقاوة جيدة للملح
اولا الملح المستخدم هو نترات الامونيوم " نترات الامونيا " " نترات النشادر " " اليوريا " اللوريا "
جميعها اسماء لمركب واحد وهو سماد زراعي يباع بسعر اقل من جنيه للكيلو
ولكن درجة نقاوته سيئة وبه شوائب
وللحصول على الملح الخام عليك فعل الخطوة التالية
ضع و الماء على النار وقم بأضافة النترات مع التقليب حتى تمام الذوبان " ملحوظة عند اضافة نترات الامونيوم للماء سيحدث انخفاض شديد في درجة الحرارة والتي قد تصل الى 5 درجة مؤية "
بعد االذوبان التام ارفع الخليط ورشحه
عارف الترشيح بيكون ازاي؟؟
هناك عدة طرق للترشيح اسهلهم طبقتين من الشاش وقطن وطبقتين من الشاش " سندوتش قطن "
وبعد الترشيح والحصول على ماء مذاب فيه النترات بدون شوائب
ضع المحلول على نار هادئة واتركه يغلي حتى تبخير الماء تماما
هتقولي
اعرف منين ان الماء تبخر تماما؟
هتلاقي الخليط لونه بقى مصفر وكمان لو خدت نقطة بالمعلقة وحطيتها على اي سطح بارد هتلاقيها حجرت وبقيت بيضا زي الملح الناشف
ساعتها ارفعه من على النار وصبه في اطباق فويل بحيث تكون تخانته رقيقة ليسهل تكسيره بعد ذلك
بكده تكون حصلت على الملح اللي هتصبغ بيه
"يمكن استبدالها بنترات الصوديوم او نترات البوتاسيوم " ولكن يصعب الحصول عليهم لأنهم ممنوعين
المهم يبدأ من هنا
تاخد بعضك وتطلع على اققرب عطار وتقولو اديني نص كيلو صودا كاوية
ومن هنا نبدأ الشغل
النسب كالتالي
كل واحد لتر من الماء يضاف له 600 جرام من الصودا الكاوية و 300 جرام من نترات الامونيوم
يبقى النسب 10:6:3
المهم
اوعى تستخدم حلة المونيا او حديد
استخدم حاجة استنلس تكون مستغني عنها
واياك والالمونيا لأن الصودا الكاوية هتاكلها
المهم تحط الميا على النار وتضيف الصودا الكاوية
وتسيبهم يغلو وبعدين تحط النترات
هام هام هام هناك تصاعد لأبخرة الامونيا هيحصل عند الاضافة وتقريبا طوال عملية الصبغ فيرجى الحذر ويفضل تعمل الكلام ده في مكان مكشوف " لو عندك بوتجاز من ابو عين واحدة خده واطلع على السطح"
وتسيبة يغلي لغاية ما يبخر المياه تماما " نفس اللي حصل مع خليط الميا والنترات "
ملحوظة " يمكن اضافة كمية مياه اقل ويمكن عدم اضافة ماء اساسا لكن للأسف نترات المونيا بتتحرق بسرعة ويمكن الاستغناء عن المياه لو هتستخدم اي نترات تانية "
المهم بعد ما الميا تتبخر تبدأ تربط الاجزاء اللي عايز تصبغها في سلك حديد وتغطسها وتعلقها من عرقوبها في المحلول وهو على النار وتسيبها لحد ما توصل للدرجة اللي انت عايزها
وتكون مجهز اي حاجة فيها ميه نقية عشان اللي يطلع من على النار تطشه في المياه
"ملحوظة الوعاء اللي يكون فيه المياه الباردة لازم يكون بعيد تماما عن وعاء المحلول اللي على النار "
لأن وعاء المحلول اللى على النار لو جت فيه نقطة او رذاز مياه هينفجر
وراعي تكون النار هادية على المحلول
وبعد ما تحط الاجزاء في المياه وتطلعها نشفها وزيتها بزيت سلاح
ومبروك عليك يا معلم
اه ملحوظة مهمة
لازم تصنفر الاجزاء المراد صبغتها جيدا وتتأكد ان مش عليها اي زيوت او شحوم او رطوبة قبل الصبغ
وممكن بعد الصبغ تصنفر بورق ناعم " 2500 مثلا
وتزيت وتحط wd40
وعلى فكرة انا جربتها وهي اكثر من راااااااااائعة في اللون
ملحوظة
حاول تجرب في كميات صغيرة في الاول
اتمنى الافادة والخير
السلام عليكم
|