[mohamed anwar]

جزاكم الله كل خير هيه ديه فعلا مجموعتي وناقص فيها البتريوت والسلافيا 630 والوبلي مارك 3 لسه شريها
والمجموعه كلها باختصار عباره عن بي اس ايه ووبلي وفايروخ بخلاف تل مجري عندي من زمان لما كونت شباب وسلافيا تشيكي والبنادق مقصمه الي ثلاث انواع بنادق اللبده والهاي بور ووالصيد العادي


اما عن الشرح

1- ديه فايروك 35 وده الحصان اللي بسابق بيه وبندقيه بعمل بيها اسكور دقه متناهيه وقوه ومافيش صوت وعدد حلاقتها 27 اما السعر 340 يورو ولو في مصر تعمل حوالي 3500 جنيه والوحيد اللي عنده وحده في المنتدي جلال بك
اما استخدمتها متعدده باستخدمها في الموسم وداخل اللبده عشان الاسوع بيها القمري

2-الجوكر جولد استار من بي اس بندقيه قويه جدا من الباندق الهاي بور لها خزنه عشر طلقات علي طول معايا في معظم رحلات الصيد لسرعه التعمير وخاصه لما اصتاد من العربيه او داخل اللبده اوالصيد الليلي واللي بيكون التعمير فيه يزهك انا بعمر اربع خزن باربعين رشه وانسي الدنيا دقيقه جدا وسعرها لو لقتها حواي 4500 ج

3-بي اس اسبورتر هديه من طلعت بخيت لاخوه عشان حلاتها استندرد بندقيه في الدقه حدث ولا حرج ولاكنها مش قويه وهيه بندقيه لبده وللاقتناء اكثر وانا باصتاد بيها دلع زيها زي الوبلي المرك 3 اللي لسه شريها واما عن السعر حوالي من 2000 الي 3000 علي حسب الحاله

4-سوبر استار من بي اس قويه ودقيقه وللصيد العادي يعني بتتمشي مع اصدقائك وذالك لان ليها جزه مقلوبه وتعميرها محتاج بوزيجن اتجاه موعين وسعرها حوالي 4000 ج

5- الوبلي الاكلبس يعني التجميع العالي قوي ووجه ومالكش دعوه بالباقي خليه علي وبلي وديه لها استخدام في اللبده مع الشجر القريب والطير الكبير هيه عيار 22 ومش قويه وملهاش صوت نهائي وديه ميزه عشان لو بتصتاد طير كبير ورش صغير وسريع حيسرق الطيره ومش حتحس بيه وفي اوقات بيكون كبر الرشه مع اعتدال السرعه له تاثير اكبر علي الطيره وكائنك بتحدفها بطوبه سعرها حوالي 5500ج

6-سوبر اسبورت هاي بور من بي اس ايه 344 م/ث وخفيفه جدا ورد فعلها قليل وعشان كده عاليها المنظار للضرب عن بعد وعدم الارهاق في التنشين وذالك لان الضرب بالمنظار محتاج تركيز عالي بالك لو البندقيه تقيله تعمل ايه
ديه انا اشترتها من بره بحوالي 450 يورور اما عن مصر معرفش و منزلتش

7- فايروك 50 للطير الصغير زياها زي السلافيا وسعرها250يورو

8-فايروك 35 بدبشك مختف هيه هيه الاولي
9-التل المجري عندي من حوالي 15 سنه زيها زي الاكلبس والاكلبس حلت مكنها وهما اللتنين فيهم نفس الخصيه وبصتاد بها لما يجيلي الغرام وهي من الباندق واسعه الشهره والصيت بي الصيادين القدام لدقتها العاليه وبضرب كل شيئ انا كونت شريها ب 300 ج دلوقتي جديده 1800 وحتلاقيها عن ميشيل عازر اللي في العتبه

10-هيه الوبلي الفيسكوت دقيقه وجميله وشيك وسعات باصتاد بيها هيه نمر 2 ومش قويه يعني استندرد وللاقتناء اكثر من الصيد وليها صوره صيد في الفيديو وسعرها حوالي 3000 لو لقتها عشان موجود دلوقتي التركر

11- الجولد استار مكرر

12-فايروك 50 مكرر
13-بي اس مكرر

14 فايرك 80ك ماقدرش اقلو غير تسلم ايد اللي عملها تحفه فنيه هيه مجوده معايا هنا في ايطاليا دقه وقوه وثبات بسم الله ماشاء الله سعرها 480 يورو
وغير متوفره في مصر
15 فايروك 35 مكرر

اما عن الباتريوت انا طول عمر مش من هوات السرعات العاليه قوي وبحب لما تكون السرعه عاليه تكون عيار 5.5 للاستفاده من السرعه العاليه لاكن البتريوت فعلا بندقيه تستاهل الاقتناء لانها اقوي بندقيه اسبرنج ضربت بيها لحد الان مع تجميع عالي عالي عالي ولاكنها استخدامي لها بسيط يعني لو في بط وغر وفراخ عن بعدبخلاف ذالك اي بندقيه من الباندق السابقه بتقضي الغرض وزياده سعرها لما اشترتها كان 6000 ودلوقتي 7000 ولو لقتها

اخي الغالي اسامه خطاب غالي والطلب رخيصيا ياريس
وانت تاءمر عشان عيونك وعيون الاعضاء