[الصقر المصرى]

هى الطريقه فعلا مؤلمه للحيوان وخاصه انها بتاخد وقت طويل جدا وكمان فيها ان الحيوان يفضل ينزف ويتحرك بعيد عن الصياد ويموت بعيد او يموت قبل ما الصياد يوصله وفى الحالتين هتدخل فى دائره الحرمانيه ولكن فكره الشرك او الفخ ده تقريبا مشابهه لفكره صيد السمك انك بتحط الطعم للسمكه وتستنى اما تاكله فيشبك البسن فيها واكيد انتوا عارفين الباقى يعنى خلاصه كلامى ان الشرك ده ممكن يتطور او يتظبط اكتر من كده بشكل ينبه الصياد اول ما الفريسه تاكل الطعم يعنى ممكن تتوصل الكانزات دى باجراس تنبه الصياد بان الفريسه بتاكل الطعم وتتربط وتتدق فى الارض علشان متعرفش الفريسه تاخدها وتروح بعيد او ممكت تتحطلها غمازات زى الصناره وفكره اللبلوب بس فى النهايه هتقصر فتره معاناه الحيوان وعدم قتل الحيوان بدون حق غير ان الصيد بالبنادق فى الصيد البرى بالذات ممتع فى مطارده الفريسه والايقاع بها وبتختلف عن متعه صيد البحر فى انك تصبر وتشوف نتيجه صبرك فى الاخر اما بالنسبه للبنادق فمع احترامى الكامل للناس اللى بتستخدم الرش فانا مش باعترف بيه انا عندى واحده فاكر انى جبتها تقريبا وانا فى اولى اعدادى وكنت بتمرن وبصطاد بيها بس لحد لما جربت الاسلحه الناريه عموما شتان الفارق ما بين الاتنين ومش المقصود الخرطوش بس لا اقصد بنادق القنص من نوعيه المورس وطالع وياريت نظام البلد يتغير وتتحط قوانين تراعى الهواه للصيد بدل مكل مره نتخفى كاننا بنهرب مخدرات علشان شويه اوراق ورخص ادننا فى مالطه علشان نطلعها مبتطلعش ولا بالطبل البلدى والكلام اتقالى بالحرف فى الاخر انت مش فى امريكا هنا وفعلا فى امريكا واى دوله فى العالم بتحترم شعوبها مجرد انك معاك تمن السلاح بتروح تشتريه وكل اللى بتعمله انك بتملا استماره وتستنى اسبوعين بس .
بالنسبه للمنتدى اكيد فى ناس اكتر منى خبره ياريت لو تتنظم رحلات صيد جماعيه ويكون حد يعرف ويفهم فى موضوع الرخص ده ولو على السلاح مفيش اسهل من كده حتى لو وصت اننا نسيب سلاحنا ونشترى اة ناجر سلاح تانى يكون مترخص بس يحس الواحد بادميته خاصه اننا مبنعملش حاجه غلط ولا بناذى حد ومتهيالى الهوايه دى افضل من حاجات تانيه كتير ممكن الواحد يهواها ولا ايه؟
خالص تحياتى،،،،