تجربتي مع مسدسات الرش الي بتشتغل مع أنابيب ضغط الغاز
أنا جربت مسدس واحد بس إشتريته بناء على نصيحة ناس كتير في منتدانا الحبيب و منتديات أجنبية و أخد تقييم عالي جدا في مواقع البيع
توكلت على الله وإشتريت المسدس ال umarex cps الألماني الصنع
مميزاته حسب كلام الي جربوه
بيستحمل و بيعيش و بيعمر ووزنه خفيف و بلاستيك يتحمل الصدمات.. و بيضرب بلي و رش كل الأنواع 8 طلقات و سهل الفك و التركيب و الكتالوج موضح كل التفاصيل و تهريب الغاز منه بطيء جدا عن المسدسات التانية ..و خزنته من walther
و أنا جربت نيشانه ممتاز جدا
العيوب
بياخد وقت عشان تعمر 8 طلقات . و في مصر ما لقيتش الساقية ( البكرة ) عشان يبقى فيه واحدة متعمرة إحتياطي ... و طبعا السعر العالي جدا عن باقي الأنواع
ملاحظة .. الإهتمام بترطيب الكاوتشات الي عند البلف . يطول عمرها .
وكمان الأنابيب المضغعوط فيها الغاز ال co2 إستخدامها الرئيسي في أنابيب إطفاء الحريق
و تقييمي ليه 95%
و أتمنى من مالكي المسدس ده يذكرولنا عيبه ومميزاته من وجهة نظرهم ,
و سامحوني الصور مش واضحة لأني مصورها بالموبايل .. عشان ما كانش عندي ساعتها بطاريات للكاميرا
أخوكم محمد سيد