[sghr220]

المشاركة الأصلية كتبت بواسطة AFROTTO

السلام عليكم ورحمة الله وبركاتة


أهلا بأخوانى وزملائى فى منتدانا الغالى على قلوبنا
أنا أعتقد أن الكل مهتم بالآسلحة الصوت والمعدلة والآليكتريك ..... ألخ
وشايف أن فى ناس كتيرة جداا فى قسم الآسلحة الهوائية من أخواتنا الصيادين مظلوميين
ليهم طلبات كتيرة وغير متوفرة حبيت أسئلكم أنتوا متحاجين أية بالظبط
يعنى نوع أسكوب معين جرابات معينة للبنادق أو نظارات معظمة موديل معين وبعض المقتنيات الخاصة الغير متوفرة فى السوق ..... الخ ... من جميع أكسسورات البنادق وملحقاتها
وأن شاء الله هاحاول أجيب بعض المقتنيات الخاصة بالآخوة الصياديين أن توفرت أن شاء الله
وأعرضهالكم فى المنتدى وطبعا أنتوا عارفين مفاجئاتى وأنى بحب أجيب من الاخر على طول
فى أنتظار طلباتكم وياريت بالصور وأسم المنتج ان توفرت اليكم وأنا بأذن الله هاحاول أجمعها قريبا
وأوفرها ليكم مع العلم أنى نويت أشترى بندقية صيد وأتعلم الصيد من كتر مابشوف مواضيعكم عن الصيد وكم هى هواية جميلة جداا ومفيدة
مع خالص تحياتى للجميع

السلام عليكم و رحمة الله و بركاته
شوف يا استاذ عفروتو صلي بنا عالنبي (عليه الصلاة و السلام) أولا متشكرين على الاهتمام بطلبات الصيد و مستلزماته و ان شاء الله يكون فيها الخير ليك و لينا لكن اسمحلي لازم الواحد قبل ما يتاجر في حاجة ياخد فكرة عنها الأول و عن سوقها ماشي ازاي.
يعني مثلا الصيادين كتير منهم بيفهموا في الحاجه اللي حيشتروها و اللي معندوش فكرة حتلاقي واحد عنده فكره حيفهمو غير الصوت و الالكتريك و الحاجات اللي بالنسبة لنا زي بعضها دي اللهم الا الاختلاف في السعر.
سعر السلعة لازم يكون منافس و الا معظم الحاجه موجودة فعلا في المحلات و اسعارها معروفة و لا توجد فائدة من التكرار.
عموما انا حضرتلك قائمة بالانواع اللي ممكن تلاقي طلب سواء في المنتدى او غيره و تحت كل نوع حاططلك ملحوظة معينة و انت و شطارتك .
1- سكوبات البنادق مطلوبة بكافة انواعها و مقاستها.
(فيه زميل في المنتدى جايب من على النت سكوب تمنه في السوق المصري حوالي 1200 جنية و وقف علية بحوالي 500 جنية تقدر تقدم سعر زي ده او حتي أغلى 10-20 %).
2- قواعد التليسكوبات القطعة واحدة و القطعتين و العالية و الواطيه عليها طلب يمكن اكتر من السكوبات نفسها و تباع بسعر خيالي بالنسبة لتكلفتها.
3- الرد دوت و الليزر دوت (قليل جدا و غالي جدا).
4- من اهم المواضيع اللي بتدوخ الصيادين (((قطع الغيار)))
(سوست-جلب(بستم و ماسورة)-ناشانات (امامية و خلفية)-دباشك) بعضها موجود و بعضها لأ و الأسعار غير طبيعية خصوصا بعد سرقة بعض المحلات.
4- جرابات و علب البنادق الخشب (أهم شيئ السعر).
5- و دي ممكن تبقى نقطة منافسة حقيقية و هي أنواع الرش العالية مثل ال Crossman و JSB و AA و Crow magnum .
و أخيرا يا اخي ربنا يوفقك و اتمنى اكون افدتك.