اقتباس:
المشاركة الأصلية كتبت بواسطة kemoboss
حتت الشغل من الصين ديه بصراحة انا متاكد ان الشغل الموجود ده 99 % تركى ،،، موضوع نزول الاسعار راجع لدخول شحنات جديدة اللى هى دخل معاها الفولجا والساقية ( لاحظ منذ ظهور الفولجا والاسعار بدءت تنزل )
والله اعلم وتقبلوا مرورى
|
أتفق معاك فى الجزء ده بالذات ، لأن موضوع رخص الأسعار ده كان متوقع من فترة كبيرة ، أى سوق فى الدنيا بتاع أى سلعة بيبقى ليه قدرة على التشبع و بعدها بيبتدى معدلات الشراء تقل ، عندك مثلا سوق اللابتوب ، كان مزدهر جدا من سنتين و الأسعار طبعا كانت فى السما ، دلوقتى اللى إشترى إشترى و السوق نام و أسعاره بقت فى الأرض ، نفس النظرية تنطبق على المحمول و على أى بضاعة بما فيها الأسلحة. الناس اللى عايزين يشتروا خلاص إشتروا ، ده إلى جانب تحسن الأحوال الأمنية الملحوظ ، يبقى قطعا فيه ناس كتير هتبتدى تبيع المستعمل اللى عندهم ، و يا سلام لو تواكب ده مع إستيراد شحنات جديدة مع عدم تهافت الناس على شراء الجديد ، يحصل اللى إحنا شايفينه ده علطول ، و على فكرة دى مجرد البداية ، أنا متوقع إن الرووم ال 8 ميللى ممكن يوصل 700 جنيه ، تخيلوا إنتم بقى التركى هيبقى بكام ، إن شاء الله قريب جدا هتشوفوا مسدسات صوت 9 ميللى فى المحلات ب 200 جنيه و بكرا أفكركم ، بس الناس تتقل شوية على الشراء و شوفوا إيه اللى هيحصل