رد: خبر بمليون جنية .. بخصوص الصواعق
هقولكم حصل معايا اية يوم الخميس مع الكمين
كنت واخد معايا اليكتريك الشاحن معايا فى الشنطة
طبعا دخلنا الكمين والكمين دة رخم ومليان ناس كتير كلهم ملكى
وفيهم ظابط واحد لابس ميرى
المهم بيفتشوا كل الناس وفتحوا الشنطة ومحدش خد باله ابدا من الاليكتريك الشاحن
وأنا بنزل عند الكمين بالظبط لأنه على أول الشارع عندى وكنت راكب ميكروباص
وبعد ما نزلت قولت للظابط سيادتك انا ساكن هنا وبطاقتى اهى وعندى سؤال ممكن أعرف اجابته منك ؟
قالى اتفضل وبصراحة ظابط زى العسل
قولتله انا معايا الجهاز دة وجايبه لمراتى عشان بتكون لوحدها والدنيا مش امان
فأنا لو مشيت بيه فيها حاجة ؟ خصوصا انى برجع بالليل متأخر
طبعا هو مسك الشاحن واستغرب وضحك وقالى جايبه منين قولتله أصل انا غاوى اختراعات
قاللى طيب الاول انا عايز واحد لمراتى لو طلع كويس
ونده على واحد معاهم شكله مسجل وواقف معاهم فى الكمين
قاله عايز اجرب دة وجربه عليه راح اتنطر وقاله اية تعبان ولا بيوجع
قاله بيوجع يا باشا
طبعا فضلنا نضحك والمهم قالى الاليكتريك لو مع حد عادى كدة مش ممنوع
زى بالظبط لو واحد معاة برشام ممنوع لكن معاة روشته
كدة ملناش حاجة عنده
ودلوقتى كل الناس العاديين معاهم روشتة لأن البلد فى حالة مش عادية وفيها مساجين هاربين
وفيها بلطجة ومفيش مانع ان الشخص العادى يحتذر ويأمن نفسه
وبعدين الاليكتريك بالنسبة للداخلية سلاح دفاع عن النفس وبنعتبره فرافيرى
لكن مش تدافع عن نفسك وتقولى انا شايل مطوة مثلا
قولتله صحابى ظباط وقالولى كدة برضوا بس بسأل حضرتك عشان اطمن
قالى لأ اطمن دلوقتى مفيش حد محترم بيتاخد
وطلع عادى يا جماعة مفيش مشكلة وكلنا الحمد لله مثقفين ومحترمين
|