[احمد عزيز]

ما انا كنت عايز اشترى نمرة اتنين وبعدين سالت قبل ما اسافر وردت عليا ليلى الى قاعدة هناك على الخزينة وقالتلىانها موجودة وسالت عند ميشيل لاقيت واحدة وروحت شوفتها الاول لاقيت البندقية عليها صدى زى متكون مركونه بقلهافترة كبيرة وروحت عند فتح الله لاقيت عندهم نمرة اتنين جديدة بكيسها بس لما خرجت البندقية من كيسها وبعدين بفحصها لاقيت قاعدة الدبشك الكاوتش مش متوسطنة على الدبشك والخشب باين من تحت شوية منناحية اليمين طبعا دا عيب تقفيل واضح قولتلها مش عايزها قالتلى فى نمرة واحد وانا عارف ان نمرة واحد عيارها اصغر طبعا بس مداه اكبر وكشفت على البندقية لاقيتها تمام فخدتها
الى يزعل بقى ان فى واد هناك مش عارف اقول ايه عليه وشه كشر وقعد يقولى دى مقصودة ومش عشان مش عارف تريح الصياد لان انتى بتشيل البندقية بتبقى يمينك وانتى على شملها فهما زيحين الكاوتش شمال عشان رد الفعل
طبعا انا اعدتاضحك وقولتله طيب هات نمرة 1 وخلينا نشوفها لو هيا كدة تبقى ماشى فا مدام ليلى دى قالتلى ماشى هاتلو نمرة واحد يشوفها طبعا الواد الى كان بيقول الكلام ده رد بسرعة قال لا نمرةواحد مش بتنزل كده دا نمرة اتنين بس طبعا ضحكت وشوية يقولى اصل دى طلبات خاصة المهم انه فى الاخر خدت نمرة واحد