طب ايه ؟!! .. انت منين يا عم الحاج .. حافظ على ولاده !!!
بسم الله الرحمن الرحيم
شوفتوا أغنية عمرو مصطفى بتاعة حاظ على ولاده ؟؟
لا و ايه شوفوا الكومنتات اللى على اليوتيوب كمان اللى يقوله ارفع ليك القبعة و اللى يقوله انت مفيش زيك انت شجاع و مغاور و مش منافق و ناقص يعيط ...
طب ايه ؟؟ هما دول مش من مصر ؟!!! ولا كانوا عايشيين فى حتة تانية ؟؟ ولا من النوعية اللى مش بتحب تغير رأيها حتى لو غلط ولا من كوكب تانى دول !!
لأ و كمان اسم الأغنية حافظ على ولاده ؟؟ >> يمكن قصده حافظ على ولاده اللى هما جمال و علاء يعنى و كان مأمنلهم مستقبلهم و مشرب جمال الصنعة علشان يساعده فى الرئاسة
لا و كمان الناس دى لحد دلوقتى بيشتموا فى شباب التحرير بتوع الثورة و يقولوا دول منافقين و دول بلطجية .. و ان بتوع احنا اسفيين يا ريس هما دول الشرفاء بتوع مصر ... لا حول الله يا رب
مش عارف و الله أقول للناس دول ايه ... غير حسبى الله و نعم الوكيل فى كل ظالم
__________________
Ahmed Abdel-Kader
( MaddY )
لا إله إلا الله
|