[essam assem]

السلام عليكم
طبعا احب اشكر جميع الاخوة الاعضاء اللى شاركونا انا وامير هذا الموضوع على ردودهم الرائعة والمحفزة وجزاهم اللة خير الجزاء
بالنسبة للطلعة طبعا هو كان فى عدم توفيق نوعا ما ومشكلتين
المشكلة الاولة الوقت كان غير مناسب لصيد الحمام البرى وطبعا دة بسبب اختيرنا لوقت طلعة قبل شغلى انا وامير وغالبا صيد الحمام البرى بيحتاج وقت اكثر وصبر ودة مع الاسف مكنش موجود

المشكلة التانية كانت فعلا فى موضوع التلسكوب بتاع امير مع العلم امير ما شاء اللة علية تلسكوب من غير تلسكوب قناص ومسافات بعيدة كمان بس مع الاسف كان فى مشكلة فى النيشان الامامى عند امير كان بيرحل تقريبا من فرط القوة فى البندقية القوية البام فدة اثر بالسلب وطبعا كان بيخلف معاة كل 3 او 4 مرات ضرب

دة غير بقى ارتباطنا بمواعيد الشغل عندنا بس مقلوقوش تقريبا واحنا بنمشى بالظبط وفى طريق العودة كان الجمام بدا فى التعريش وطبعا احنا عشان منضعفش فرغنا البنادق من الرش وحطنها فى شنطة السيارة انتم عارفين بقى طمع الصيادين

بخصوص سوال اخونا عن موضوع هل الحمام دة برى ولا حمام ناس

اولا نبدا بتعريف الحمام البرى وهو الحمام الاصلى الازرق وهو أول حمام تم استئناسه منذ مئات السنين ومن خلال العديد من عمليات التهجين والانتخاب تحول لونه الأزرق العادي إلى الألوان العديدة: الأحمر، الأبيض، الأسود.. والتشكيلات المتنوعة من الألوان لكن انا عايز اقول ان تقريبا 80 % اللون الطبيعي للحمام البري هو اللون الأزرق والعنق ضارب إلى اللون الأخضر الأرجواني ( يشبه قوس قزح ). والمظهر العام للحمام البري يعرف باللون الأزرق المقلم كما يتضح من الصور التالية




وطبعا يا جماعة احنا بنشوف الحمام البرى بكثرة فى مكة والمدينة وهم من اكثر مدن العالم بها حمام برى وطبعا اوربا دائما نراة فى الميادين والناس بترمى لة الطعام

الملحوظ هنا يا جماعة ان الحمام البرى لا يمكن ان يربى فى اى مكان لا يستانس تماما بررررى زى ما قال الكتاب ولكن الحمام العادى اللى احنا بنسمية حمام الاهالى ممكن يذهب الى الحمام البرى ويعيش معة وهنا احنا بنسمية حمام شارد

لذالك فى بعض الوقت بيكون لانا حمام او اتنين بالوان مختلفة عن الحمام البرى ودائما الناس بختلط عليها الامر وبتفكر اننا صايدين حمام اهالى ودة حصل الطلعة السابقة مع القناص اشرف باهى وهو صاد فرد حمام برررررررررى ولكن لونة ابيض تماما وطبعا واحنا بنصور الطلعة لاعضاء المنتدى كنا شالين هم ان الموضوع يختلط على الاعضاء
وانا اسف على الاطالة وان شاء اللة انا هعمل موضوع عن الحمام البرى دة اذا مكنش موجود اصلا على المنتدى

شكرا لجميع الردرد ومشاركتكم الكريمة
وتحـــــــــــــــــاتى للجميـــــــــــــــــــــع