[essam assem]

المشاركة الأصلية كتبت بواسطة saskon

أخى الفاضل من الواضح ان حضرتك بتهزر معانا. طبعا لو مش بتهزر فنصيحة من أخ لأخيه قبل ما تشتغل فى حاجة لازم تلم بيها الماما كبيرا جدا حتى لا تقع فى خسائر مالية فادحة و كمان قبل لما تبيع فى مكان لازم تقرا شوية وتعرف المكان ده وتعرف الناس اللى فيه كويس لأن لما تبيع فى مصراوى مثلا غير لما تبيع فى منتدى صيد. كمان دائما لازم تذكر المواصفات كاملة لأن مثلا النوريكا جيت اللى حضرتك حاططها لو عيار 0.177 هيبقى سعرها فى حدود 1800 جنيه ويبقى سعرك خيالى انما لو عيار 0.22 فسعرها حوالى 3500 جنيه ويبقى سعرك كويس فلازم تكتب المواصفات علشان الناس تعرف اسعارك كويسة ولا غالية. و أعتقد ان البندقية التشيكى اللى حضرتك كاتبها دى تبقى سلافيا نمرة واحد (عيار 0.177) ولو هيا دى يبقى سعرك عالى جداا جداا وكذلك البندقية التركى اللى هيا طبعا كرال وطبعا السعر اللى حضرتك حطه سعر عالى جدا حتى لو كانت دبشك خشب مش فيبر.

واللة هو حضرتك رديت الرد اللى اى حد ممكن يردو على الاستاذ ابراهيم وجبت من الاخر وياريت اخونا فى اللة ابراهيم يعيد صياغة موضوعة من جديد حتى يتناسب مع عقلية اعضاء المنتدى اولا
وثانيا يتناسب مع اسعار السوق مع الاخذ فى الاعتبار اخى ابراهيم ان جميع اعضاء المنتدى متعطشين لعروض بنادق هوائية ومستلزمتها لكن باسعار معقولة وان شاء اللة هتلاقى اقبال وطلبات ممتازة من الاعضاء وبالتوفيق فى العرض القادم مش دة
وتحيــــــــــاتى للجميع