السلام عليكم.
المسدس في اواخر ايامه معايا
من 5 ايام ظهرت فيه مشكلة غريبة وهي التنفيس بشكل بشع الانبوبتين مش بيكملوا نص ساعة.. كلمت شريف ابو ضيف وقالي تعالا روحتله قالي المشكلة اول مرة تظهر في المسدسات دي وانا بايع 50 حتة واتصل بالمستورد قاله ماليش فيه لانه طلع سليم من عندك ومن هنا لازم نطالب ان يكون فيه ضمان على السلاح اللي بنشتريه لان لو مازر بورد ب 250 جنيه عليها ضمان فازاي مثلا مسدس ب 1250 مافيش عليه ضمان يلزم المستورد يرجعه غصب عنه!!!
المهم رحنا للاخ شريف انا و أحمد باشا ربنا يكرررررررمه يارب وصلنا من رمسيس لشريف ابو ضيف silver_5000 و عبد الرحمن باشا Android man
الاخ شريف اتعاون معايا لكن ماكنش عارف العيب منين اصلاً وهو التنفيس الغريب من الدائرة لان الجلب سليمة وقالي انا هرجعلك الفلوس انا والله كنت اتمنى يبقى معايا المسدس ده بس سليم المهم اتفقنا في نقطة وهي ارجاع المبلغ كامل ليا مع ردي لجزء من المبلغ لان المسدس زي ما قالي هيقف عليه بخسارة لانه هيستعمله قطع غيار.
الحقيقة انا بقولكم الكلام ده لان المسدس كويس جداً بس اللي يشتريه بقدر المستطاع يجربه كويس اول أول أسبوع وما يجرحوش او يحاول يعمل حاجة فيه لانه ممكن يتفهم غلط.
نصيحة أي حاجة تحصل في حاجة تشتروها من أي مكان ولو صغبررررررررررررررة علطول على اللي شارينها منه لان ممكن تحاولوا فيها وماتنفعش وقتها لو روحتوا لصاحبها ممكن يقولكم لعبتوا فيها ليه وكدة.
فيه أطر وخطوط عريضة المفروض الواحد ما يتخطهاش بمعنى المسدس انا جبته اول يوم زرار الخزنة وقع يوم 14 / 6 طبعا انا كان صعب اووووووووووي اروح للقاهرة فقولت للاخ شريف قالي تعالا وباذن الله اصلحهولك قولت اسيبها شوية وانا قاعد قولت اشوف يمكن اعرفه اعملها فجيت افك مسمار فاتجرح ولقيت اني لو فكيته هبهدل الدنيا فماكملتش لف المفك يادوب نص لفة, الاخ شريف لما رحتله قالي المفك معلم في المسامير هو اتفك فقولتله لا انا حاولت طبعاً اي تاجر او بائع مهما كان مش هيخسر علشان زبون المهم قالي انا لو جيت ابيعه كدة مثلا هيتباع!! فدي كانت حقيقة غلطة مني اني خدت الموضوع بحسن نية وقولت يمكن اعرف اصلحه انا .
ومرة ثانية بشكر الاخ شريف على ترحيبه بينا وهو كان محترم معانا جداً وجزاه الله خيراً