[talha]

المشاركة الأصلية كتبت بواسطة mahmoudalaa

انا بقي عندي موقف طريف حبتين انا اول ماشتريت البندقيه قعدت شهر اصحي الصبح وانزل تحت البيت واضرب علي اليمام وانا حتي مبعرفش انشن بس الحماس كان واخد حقه واليمام كان بيريش ويطير وانا طبعا مش فاهم ليه جيت في يوم كده الكلام دة من شهر 1 قبل الثورة بحبه حلوين كانت الدنيا لسه برد المهم انا واقف في البلكونه شفت قطه قاعده في ركن كدة بردانه و حشره نفسها تحت الشجره في ركن فقلت سبحان الله اهي دي ربنا بيبعتلها رزقها وهي في الشارع وهي كدة والناس قلقانه علي رزقها سبحان الله زي مابقولكو و مخدتش ولا اديت وببص لقيت يمامه واقفه علي الشجرة جوة البيت المهم جبت البندقيه وطبعا ناسي حوار القطة ومنشن علي اليمامه رشه والتانيه بيعدو من جنبها زو زو زوو وهي واقفه سبحان الله مطارتش مع ان صوت البندقيه عالي وانا قريب منها الرشه التالته فرتكت دماغها بمعني الكلمه قلبي طار من الفرحه دنا مهري تريقه من اول ما جبت البندفية و ما طار طير وارتفع الا كما طار وقع ملحقش يطير لقيت القطه نطت شقلباظ في الهوي وخدت الحمامه وهي طايرة في الهوي قبل حتي متقع علي الارض قلبي وقف دي اول حمامه اصطادها في حياتي ازاااي وفضلت مدايق لحد مخدت بالي ان ده رزق القطه وان اليمامه مرضيتش تطير بعد ما ضربت رشتين جنبها علشان ربنا باعتهالها وبعد كده كل ما اكون واقف في الشباك وانشن علي اي حاجه اشوفها كانز او اي حاجه الاقي القطط اتلمت كلها في المكان بتدور سبحان الله ومن ساعتها لما بنزل اصطاد تحت البيت باخد حد معايا علشان يهش القطط

انا عارف اني رغاي بس قلت ارخم شويه
اسف علي الاطاله

هههههههههههههههههههههه انا حصل معايا نفس الوقف بالظبط كانت اول يمامه اصطاده بس جت في راسها من اول مرة انا مصدقتش نفسي فضلت واقف ابصلها شوية لقيت قطه طلعت جري خطفتها وفضلت ماسكاها قدامي لحد لما تموت لأنها كانت قاعده تتنطط قلت طب والله ما انت واخداها وقمت نازل بماسورة البندقية على دماغ القطة طرراااااخ لقيتها خدت شوبة ريش في بقها وطلعت تجري