اقتباس:
المشاركة الأصلية كتبت بواسطة sherothebest
لا يا باشا لان ببساطة ظابط الشرطة مش لسه مبتدأ علشان يدرب على رد الفعل ولكن الحقيقة فعلا انهم بيضربوا بالحلوان لان تجميعه فى النشان افضل من الجلوك ، فيه مصيبة تانية فى الجلوك ممكن تكلف الظابط او اللى شيله عموما حياته وهى ان فى الجلوك لو الطلقة مش انتاج حديث او مستوردة جيدة الصنع جدا كتير بتكدب وده طبعا فى المواقف الطارئة ممكن يكلفك حياتك لان واحد انت بتحاول تضربه بالطبنجة دى متوقع يعمل ايه لما طلقتك تكدب معاك ، الحلوان بقى انا ضارب بيها طلقات مصرى مكتوب عليها 67 يعنى انتاج 67 وضربت طلقة بيها مستوردة بس ملهاش ملة مش معروف انتاج مين انتاج 57 اه والله العظيم انتاج 1957 ومعايا واحدة تانية مش راضى اضربها ومخليها للذكرى ، الاختصار المفيد لو الطلقات مستوردة وانتاج حديث اكيد طبعا الجلوك يكسب اما لو الطلقات قديمة او متخزنة فانا آسف لحضرتك بس لازم اقول الحلوان يكسب
|
كلام مظبوط و ميه ميه , بس الجلوك مينفعش معاه ال 9مم القصير , لازم الطويل و يكون مستورد المانى او تشيكى او اى حاجة تكون بنفس الجودة, و ساعتها بقى شوف المدى و النشان عامل ازاى.
انا ايام الطلقات مكانت ببلاش(جنيه و نص والله) طلعت على طريق وادى النطرون وضربت اكتر من 200 طلقة (20 خزنة) فى عز الظهر عشان اشوف السخونة بتاعة الجلوك حتوصل لفين لقيته زى ما هوا ودا كان الجلوك 17 مش 19 زى اللى معايا دلوقتى .
و اليوم اللى بعده قولنا نجرب الحلوان 51 , كان ابتدى يولع فى ايدى بعد حوالى 50 طلقة , وافتكرناه باظ بس طلع سليم 100 100 .
وجربنا السى زد 75 , و على فكرة طلع احسن من مسدسات كتير اغلى منه.
الحلوان 51 عامل زى العربية الفيات ال 128 , اداء مرضى و اى حد بيصلحها تحطله اى 9مم شغال , الجلوك فى صنايعية كتير بيخافوا يفكوه و ينضفوه اصلا , بس اللى يتعود على الجلوك و عارف سكته و الطلق الصح بتاعه منين معتقدش انه ممكن يفكر تانى فى الحلوان ال 51 بالذات (انا كان معايا حلوان)
و على فكرة انا مش تبع الداخلية خالص يا شيرو , وعندى علبة كاملة طلقات للحلوان مصرى انتاج سنة 48
.