[YOSSEF EL MASRY]

المشاركة الأصلية كتبت بواسطة أحمد عطاالله إبراهيم

السلام عليكم ورحمة الله وبركاته ..

اليوم رزقنى الله بالنوريكا جيت نمرة واحد .. روحت اشتريتها من فتح الله فرع محطة الرمل بالاسكندرية وطبعا بتوصيات من استاذنا الكبير جلال خليفة تم الحصول عليها ...

بس فى مشكلة انى لما جيت اشتريها مالقيتش كيس النشانات عند فتح الله بس وعدونى انهم هيجيبولى واحد قريب وانا اروح اخده منهم .. قلت ماشى مفيش شكلة ولما روحت اول حاجة طبعا دورت على الكتالوج مالقيتهوش .. قلت مش مهم وانا بجيب كيس النشانات ابقى اجيب منهم واحد ..

وانا بتأمل كده فى البندقية لقيت حرف f محفور على الماسورة جنب العيار اللى هو 4.5 ..

قلت ينهار ابيض دى طلعت فيرجين اف وانا اتضحك عليا ... كلمت عمدتنا الكبير جلال خليفة و هو افادنى ان كل اللى فى مصر كده والشركة الاسبانية عامله كده بس عشان تهرب من القانون الاوروبى ... واخدت كلامه ثقة ... والمهم انا نزلت اشترى حاجة من سوبر ماركت تحت البيت .. ولما رجعت لقيت والدى بيقولى على فكرة انا ضربت بيها وجربتها قولتله انت اخدت من انهى علبة ( مع العلم انى اشتريت علبة جامو ماتش وكنت واخد علبة رش اوسكار مصرى هدية ) قال لى لا انا ضربت من غير رش .. قولت له لا كده غلط خالص على البندقية وقولتله خلاص انا هتصرف .. والمهم كلمت الاستاذ هشام سمير و سألته على حكاية الفيرجين اف دى وقال لى نفس كلام الاستاذ جلال خليفة ... واتأكدت من كلامه ان البندقية تمام جدا ومواصفاتها اعلى من الفيرجين اف لانهم عاملينه كده وخلاص .. وبرضه اخدت كلامه ثقة وبعدين سألته على حكاية الضرب من غير رش دى .. قال لى لا كده غلط خالص وبعدينقال لى ماتقلقش حط نقطتين زيت من قطارة على المنطقة اللى بيخرج منها الهواء .. قولتله انا عندى زي سيارات موبيل سوبر قال لى مفيش مشكلة ..
وبعدها انا جيبت الزيت وكسرت البندقية بس مش لدرجة انى اعمرها يعنى .. يعنى نص كسره كده ..

ولقيت المكان اللى بحط فيه الرشه وتحتيه فى بلية كده شبيهة للرولمان بلى يعنى ...

وقدامها حته فاضية كده وبعدها مكان الرشة والمهم انا حطيت على البلية دى والمكان الفاضى اللى قدامها هل كده صح ولا لأ ... وعايز كمان اتأكد من حضراتكم حكاية الفيرجن اف دى وطبعا انا مش بشكك فى كلام اساتذتنا الكبار بس زى ما تقولوا كده انا بحب اجمع اكبر عدد من الاراء والمعلومات ...

تحياتى لكم وارجو الرد

حضرتك كدة محطتيش زيت في مكان خروج الهواء
انت زيت البلية مكان القفل بتعها
شكرا