[mman2005]

موضوع جميل يا دكتور محسن، أنا فعلا دار فى خلدى الموضوع ده، خصوصاً بعد ما قريت موضوع أن طلقة الرش ممكن تقتل كلب، قلت ليه ميطلعشى مجموعة صيادين ساكنين فى حى معين وتكون الرحلة بغرض قتل الكلاب الضالة فى الشوارع، والله الكلاب بقت عاملة زى البلطجية تبص تلاقى 20 كلب مسيطرين على شارع وافقين بكل سجارة، والواحد بيعدى جمبهم مش عايز يستفزهم لأنهم بعددهم واثقين فى نفسهم أنه مفيش حد هيقدر يهاجمهم، وأنا حصلى موقف طريف ومرعب فى نفس الوقت بخصوص الكلاب، كنت راجع فى ليلة شتاء وماشى فى شارع ضلمة وكان الشارع متغرق ميه من المطرة، وبعدين سمعت صوت كلبين ورايا بيجروا ورا بعض وبيعضوا فى بعض المهم مش أهتميت أنى أبص ورايا وفضلت ماشى وكل شوية الصوت يقرب منى لغاية ما حسيت أن الكلبين قربوا منى جدا وبصيت ورايا وفجأًة الكلبين كل كلب أتصدم فى رجل، كلب فى الرجل اليمين وكلب فى الرجل الشمال وفى لحظة لقيت رجلى الإثنين فوق وراسى تحت، يعنى شالونى من على الأرض شيل، وطبعا وقعت على الأرض فى الميه وهدومى طينت :mad::mad::mad:، ومن ساعتها وأنا بكره كلاب الشوارع كلهم.

يا ريت صيادين المنتدى يتبنوا الحملة دىن عايزين إبادة للكلاب الضالة.