[mishofun79]

المشاركة الأصلية كتبت بواسطة h_srm

superman2 أستاذي الفاضل طبعاً فيه حاجة اسمها احترام الرأي الآخر فموضوع شتيمة ده انساه لان اللي يتعدى على غيره لانه مختلف معاه مختل.

بس عندي كام سؤال ليك..

عرفت منين إن المخطط للي حصل في العباسية القوات المسلحة والمنفذ الإخوان؟

ومين قالك إن الإخوان أكبر مستفيدين؟

للأسف قوى سياسية كتيرة عاملة نفسها كويسة وهي مش كدة نهائياً لأنها قبل الأحداث بتاعة الايام دي حاولت جاهدة تقول الدستور أولاً وده لا يدل إلا على عدم الإحترام لرغبة الشعب وللإستفتاء اللي حصل؟

هي القوى السياسية مش واثقة في نفسها ليه كدة فخايفين من الإخوان؟ على فكرة انا مش اخواني ولا تبع اي حزب

أنا شايف اللي بيحصل دلوقتي شباب متحمسين بيتم استغلالهم بشكل خاطيء, لان الاعتصام او التظاهر حق لكن محاولة التحرش بالمجلس العسكري من خلال مسيرة لوزارة الدفاع فكمصري أشوفها خط أحمر لأن هيبة الدفاع لو ضاعت فباقيلنا إيه؟ هل الإئتلافات اللي هي 140 إئتلاف هتنفعني كمصري؟ هل 6 إبريل هتنفعني كمصري؟

6 إبريل لها كل الإحترام لكن بدأت الشرارة الأولى للثورة لكن مش معناه إني أوافقهم كمصري في تصرفاتهم..

أنا شايف محاولة مستميتة لضياع هيبة الدولة اللي بشوفها هيبة المجلس العسكري, الاول قالوا الوزراء ووو لما اتغيرت قالوا مش عايزين عصام شرف, ياجماعة عارفين ان المجلس العسكري فيه اكيد ناس معكوكة بس مش وقته نقفلهم لان المجلس العسكري الجهة الوحيدة الباقية.


ده ردي تعقيبي عالفيس بوك:


قيادي الجيش أخطأو بعد التصريحات التي طالت 6 أبريل بشكل مباشر دون تقديم أدلة قاطعة, ومن حاولوا الذهاب إلى وزارة الدفاع أخطأو بشكل مخزي وأغلبهم من حركة 6 إبريل وبعض القوى الساسية لسبب واحد, حتى وإن كان كل من هو ذاهب للتعبير بشكل سلمي فهل يضمن...ون أن المسيرة التي هي بالآلاف لن يزج بها حسن النوايا للآخرين ولن يتم الإعتداء على قوات الجيش مما يعني رد فعل لتبقى الخلاصة هي أن الجيش إعتدى على المتظاهرين؟

حقيقة والآن أستطيع القول أن الخاية لا ولن تبرر الوسيلة إن كانت على وتيرة أمر قد يمس ويعرض إستقرار مصر مثلما كاد أن يحدث أمس وما نتج عنه إصابات, وعلى حد علمي أمنت القوات المسلحة ممر لخروج المتظاهرين.

الطرفين أخطأو, وكمصري حقيقة لن أكون مع أي قوى سياسية تحاول الإحتكاك بالجيش بشكل مباشر فالجيش كهيبة ما يتبقى لنا والجهة التي ستدافع عنا مهما كانت الإشارات إلى تواطؤ أي شخص بالمجلس العسكري فالوقت غير مناسب فإن سقط المجلس العسكري لن تقوم مصر فالقوى السياسية أصبحت 140 إئتلافاً كيف أضمن كمصري أن تأتي حكومة تمثلني بعيداً عن المصالح السياسية للأحزاء والإئتلافات؟

تريثوا يا أعضاء 6 إبريل قمتم بدور بطولي ونعم أشعلتم شرارة الثورة وصدقاً محاولة التحرش بالجيش تحت مسمى مسيرة سلمية إلى وزارة الدفاع ستفقدكم الكثير من الثقة, الصورة التي لا تزال في القلوب المصرية حتى الآن ستتغير.

لذا تريثوا وأكملوا ما تريدونه في ميدان التحرير دون أي مسيرات قد تجركم لما هو أخطر.
لننتقل إلى فترة يأتي فيها صوت الشعب بالإنتخابات البرلمانية والرئاسية, فالمجلس الأعلى جاء ليحافظ على الوضع الحالي لا ليطور.

تحيتي لكم ولكل مصاب وتحيتي لأعظم جيش .

احترم رايك و لكن احب اعلق علي ان الاستفتاء الي حضرتك بتكلم عليه ده كان كدبه كبيره و لا يجب ان يؤخز به لانه تحول الي الدين وليس السياسه و جميعنا نعرف ذلك
و بعدين انا عايز اسال حضرتك سؤال هو ليه الاخوان عارضو اوي في موضوع الدستور اولا ؟ و ياريت متقوليش علشان راي الشعب و الاستفتاء و الكلام ده
وبلاش الدستور اولا ليه زعلوا اوي من المبادي الفوق دستوريه؟؟؟ و ياريت متكنش نفس الاجابه