[hamam]

المشاركة الأصلية كتبت بواسطة مسافر عبر البرارى

معلش يا استاذى اكسلنس انا بس كنت مضايق امبارح والله
بص مهما كان اتفاقنا فى الراى او اختلافنا دة برضة مش هيزعلنا من بعض والنقطة دية انا انتبهت ليها امبارح لانى بعتبر ان كل اللى فى المنتدى هنا اخوانى واحبابى
وحتى لو الجيش غلطان او مش غلطان انا راى اخى الفاضل ان احنا نصبر بس على البلد لما تستقر علشان الوضع دلوقتى حرج للغاية وطبعا زى ما انتا عارف ان القلق دلوقتى ان البلطجة ترجع من تانى
فعايزين الحكمة
واكرر اعتذارى ليك استاذى اكسلنس واخى وحبيبى hamam واخى وحبيبى ابو سيف
وكل سنة وانتم طيبين جميعا وبعودة الايام

يا سيدى انا مش عايزك تعتزر ولا حاجه
الفكره كلها ان احنا ما نرميش الاتهامات على بعضنا
وانا متاكد ان كل واحد فى مصر ما كانش بيحب البلد دى
بقى يحبها بعد الثوره وروح ميدان التحرير
وكل واحد بيعبر عن حبه لمصر بطريقته
ولكن مش بفرض الرآى او الاتهام او الشتيمه
وبدل التفكك والفتن ان نتحد ونكون على قلب رجل واحد
للتقدم وتغيير وجه مصر والمصريين فى الداخل والخارج
وكل سنه وانت طيب