[sayedlabib]

فيه فعلا تجار ليهم اكتر من اكونت وبيدخلوا بيهم وفى اعضاء كمان ليهم اكتر من اكونت وصعب جدا ان الادارة تتحكم فى الموضوع وممكن بسهوله جدا واحد يطلع يشكك فى نزاهة حد من الادارة ويقولك دول بيجاملو فلان او فلان


الحل فى رايى المتواضع ان كل مشترى يعتمد على سؤال باقى الاعضاء الذين سبق لهم التعامل مع التاجر يعنى باختصار يعمل موضوع فى السوق ويطلب النصيحة زى مافى اعضاء كتير بيعملوا كده لو لقى ان فى اعضاء قدامى ولهم ثقه فى المنتدى ولهم مشاركات مختلفة ومصداقيه فى الحديث يأخذ برأيهم

ولكل انسان فى هذه الحاله نظرته بحيث انه اولا عند الشراء يجب ان يتم فى مكان امن للطرفين وفى حالة البيع لا يذهب التاجر الى مكان لا يعرفه او يعرف فيه احد لان هذه كانت غلطتى وخسرت منها 7000 جنيه ثمن بضاعه تمت سرقتها منى فى دوران شبرا وكان ليها موضوع شهير فى المنتدى

والاهم ان ينقل الاعضاء القدامى خبرتهم فى البيع والشراء كما فعل مثلا العضو استاذ ايهاب كاتب هذا الموضوع المعروف بالشبح المصرى

مع انه جديد فى هذا المنتدى وفى السلاح عموما لكن له مشاركات طيبه وكل على قدر استطاعته لنساعد بعضنا فى امور البيع والشراء

واعلموا انكم اما ان تسهلوا الامر للتاجر الجشع او للنصابين واما ان تصعبوه عليهم

واولى خطوات تسهيل عمليات النصب ان يكون البائع او المشترى متسرعا يجب ان تأخذ وقتا كافيا فى التفكير فى المنتج وفى البائع وهكذا والله الموفق