## سر ابتعادى عن الصيد لمدة 8 سنين ##
بسم الله الرحمن الراحيم
اولا وقبل كل شئ انا سعيد جدا انى لقيت المنتدى ده لانه بجد اعادنى لزكريات جميله من اكتر من 8 سنين
ايام الجامعه والاصحاب ورحلات الصيد اللى كانت بتبدء بعد صلاة الفجر وتنتهى بعد المغرب
والضحك والهزار
ايام جميله جدا افتكرتها وانا بتصفح المنتدى
بس لللاسف
بطلت صيد من 8 سنين والسبب كان
بندقيه صينى
خلتنى اكره الصيد
طبعا انتوا فاكرين الهوجه بتاعة البنادق الصينى ام 140 جنيه
جبتها ويارتنى ماجبتها كرهتنى فالدنيا كلها
ضعيفه لدرجة انى كنت بشوف الرشه وهى خارجه منها
ههههههههه
تصوروا
وانا كنت مبتدا كلنا كنا مبتدئين ومنعرفش حاجه مجرد حب للصيد
انا من قريه من محافظة الشرقيه وحاولينا اراضى وشجر ويمام احنا بنقول عليه جمام ههههه
المهم ده كان سبب ابتعادى عن الصيد الندقيه الضعيفه دى
ولما دخلت المنتدى عرفت انها كانت نبله مش بندقيه
ههههههههههه
علشان مطولش عليكم
انا بنصح اى حد عاوز يجرب الصيد يبدا مع بندقيه قويه
علشان الضعيفه هتكرهه فالصيد
دى كانت تجربتى وسر ابتعادى عن الصيد
وعندى حكايات كتيره مع الطلعات اكيد هيجى وقت واحكيها
وخصوصا الاصابات اللى اتعرضتلها انا واصحابى من البنادق
وللمره المليون شكرا على المنتدى الجميل ده
محمد عماد منيا القمح شرقيه
|