بشرى لكل الصيادين فى قويسنا
تم بحمد الله من فترة قريبة افتتاح محل للاسلحة تحت اسم شركة الفتح للاسلحة والذخائر
المحل مش كبير انا اول مرة اروح له النهاردة هو معندهوش غير 3 بنادق صينى فى الفترينة ومسدسات صوت كتير اكتر من ماركة( ايكول ) وحاجات تانية وعنده برضه ادوات صيد سمك لهواة صيد الاسماك
المهم وده علشان خاطر عيون المنتدى الغالى بتاعنا
((فى بندقية من اللى فى الفترينة مستعملة استعمال خفيف لما سألته قالى انها جديدة وانا ما علقتش والرش اللى عنده مارسمان مصرى بس )) ده اللى موجود على ارض الواقع
ويبدو من كلامى معاه ان معندهوش خبرة كبيرة بالموديلات المختلفة للماركات لكنه يعرف بس اسماء الماركات يعنى نوريكا و بى اس ايه وكده يعنى
ولما سألته هل ممكن يجيب اى ماركة تطلب منه اكدلى انه يقدر يجيبها وبسعر اقل من الاسعار اللى فى مصر بالعربى قالى بنص التمن
ووجب التنويه للاستفادة والحرص وان شاء الله ابقى اصورلكم المحل وارفع صوره فى نفس الموضوع
وتقبلوا تحياتى ........ اخوكم محمود برعى
__________________
كلما ازداد علمى ازدادت مساحة معرفتى بجهلى
|