اقتباس:
المشاركة الأصلية كتبت بواسطة dr_mohasan
السلام عليكم ورحمة الله وبركاته
إخوانى الأحباء .. أستاذ محمد (koktal) .. أخى الصغير عبد الرحمن .. و أخى حسام h_srm والأخ المحترم محمد وائل
خالص تحياتى لكم جميعاً وكل عام وأنتم بخير
البندقية جديدة فعلاً ومافهاش خربوش واحد , و ماضربتش معايا أكتر من نص علبة رش فقط , وماطلعتش بيها غير طلعتين بس فعلاً , منهم طلعة الوزة الشهيرة , يعنى اللى هايشتريها يعتبرها جديدة فعلاً
وللأمانة , لما عبد الرحمن اشتراها منى , كنا متفقين على 1150 , ولكنى خصمت 100 جنيه كهدية لأخى الصغير تقديراً لأدبه و ذوقه فى الحوار , وأيضاً تقديراً لتعبه فى المشوار من بورسعيد للقاهرة (ويشهد على هذا حسام (h_srm) لأن الإتفاق كان معه فى الأساس على 1150)
ويوجد إعلان آخر لنفس البندقية من أستاذنا و حبيبنا سيد خالد , وهو كان عارضها ب 1250 مع أن نشانها مكسور وعايز يتغير , فلماذا تستكثرون نفس السعر على بندقية شبه جديدة مافهاش غلطة واحدة وكمان معاها جراب ؟
ولا تنسوا ان عبد الرحمن لما اشتراها منى , اتكلف حوالى 100 جنيه للمواصلات من بورسعيد الى القاهرة وبالعكس غير الوقت والجهد.
إخوانى الأحباء ... كل واحد حر يعرض حاجته بالسعر اللى يشوفه مناسب .. وما علينا إلا أن نرشده وننبهه بطريقة راقية ومهذبة اذا رأينا أن السعر غالى للدرجة التى يمكن أن ينخدع فيه البعض من الأعضاء الجدد .
أما اذا كان السعر مناسب و فى حدود ما يتم عرضه فى المنتدى فلماذا نهاجم صاحب العرض ؟
ولماذا لم تذكر هذه التعليقات فى إعلانات أخرى لنفس السلعة وبنفس السعر ؟؟؟ !!!
خالص تحياتى للجميع وبالتوفيق فى البيع يا عبد الرحمن
|
كلامك يا دوك بيثبتلي للمرة الالف انك راجل محترم وانا كسبت معرفتك ويكفيني ان اعرف شخص مثلك والله
وانا والله وربنا يشهد علي كلامي ما كنت ناوي ابيعها وكنت عامل حسابي اني لو في يوم من الايام بيعتها كنت هعرضها بنفس السعر الي اشتريت بيه
ولاكن انا لاحظت ان في واحد عارضها علي 1250 وحالتها اقل من بتاعتي شوية وانا مرضتش احط سعر من الاول لسبب واحد وهو تقدير واحترام ليك يا دكتور علشان متحسش اني استغليت اني خدها منك بسعر قليل واني بتاجر فيها و قولت الي عايزها يسوم ولاكن مش عارف ليه الهجوم ده والاخ الي بيسأل مش دي الي كنت شاريها ب1050 طب ياسيدي انا شاريها 550 مش 1050 دي حاجة تخصني مش تخص الي هيشتري ولو انا كلامي غلط مستعد اغلق الموضوع واتأسف لكل من نقدني
تحياتي