[Amiroz]

المشاركة الأصلية كتبت بواسطة dr_mohasan

بسم الله ماشاء الله عالصيد الجميل , وانا ملاحظ أن فيه تقدم عن الطلعة اللى فاتت

بالنسبة لموضوع اليمام اللى بيتسرق .. ده فى الأول وفى الآخر رزق من الله سبحانه وتعالى , انت ممكن تضرب يمامتين من نفس المسافة وفى نفس المكان والظروف , ولكن واحدة تتقفل وواحدة تتسرق لأنها مش رزقك وأكيد دى رزق لأى كائن آخر ربنا بيبعتهالو عن طريقك ... علشان كدة ماتزعلش عاليمام اللى بيتسرق أو اللى بيقع بعيد وماتعرفش تجيبه لأن ده بيحصل مع كل الصيادين.

بالنسبة لليمامة اللى وقعت فى المياه ... إنت تشوف مكان الإصابة فى جسم اليمامة ... لو الرشة مخترقة جسم اليمامة , يبقى الغالب انها ماتت بالرش قبل السقوط فى الماء , أما لو الإصابة فى الجناح أو مؤخرة اليمامة (ناحية الذيل) يبقى الأغلب انها ماتت غريقة بسبب الماء ولا تؤكل

ونصيحة لجميع الإخوة فى هذه الحالة (سقوط الصيد فى الماء) يوجد علامة مهمة و مميزة لازم كلنا نلاحظها عند إخراج الصيد من الماء لمعرفة ما إذا كان الصيد مات بسبب الرش أو بسبب الماء ... وهى خروج شىء شبه الرغاوى من فم اليمام , وهذه علامة الموت غرقاً ويجب ملاحظتها بعد إخراج الصيد من الماء مباشرة (يمكن الضغط على صدر اليمامة لإخراج الهواء من الرئة لإمكانية ملاحظته بوضوح اذا كان موجود)
(سببها دخول الماء الى الرئة فيختلط بالهواء ويخرجوا معاً على شكل رغاوى من الفم)
فى هذه الحالة يكون الصيد مات غرقاً ولا يؤكل , وفى حالة عدم وجود هذه الرغاوى يكون الصيد مات بالرش وليس بسبب الماء
(هذه علامة مؤكدة وتستخدم فى الطب الشرعى من ضمن العلامات التى تؤكد الموت غرقاً)

خالص تحياتى لكم جميعاً

شكرا دكتور محمد حسن
الافادة واضحة وجميلة جدا
دكتور دكتور مش بتاع سندوتشات
افادك الله يا دكتور ووسع عليك وفتح عليك من علمه
--------------------------------------------------------
اليمامة الطقلة دخلة من البطن خرجت من الظهر والحمد لله لا يوجد هذة الرغاوي لان الاصابة كانت مباشرة من تحت لفوق وتقريبا معظم اليمام بصطادة بنفس الطريقة