اقتباس:
المشاركة الأصلية كتبت بواسطة kiko_2015
الصراحه انا لو هيدولي فلوس و اروح اصيف ف اسكندريه والله ما هوافق
مرسي مطروح احلي و اهدي و انضف و عائلات
الناس فعلا شوقتني اشوف اسكندريه ف الشتا والله
متهيالي من كتر الكلام اللي بسمعو ان اسكندريه ف الشتا ما تقلش فن فينيسيا ولا مرسيليا او فيرونا
|
تصدق بالله يا ابو سيف انا البحر يبعد عني دقيقتين مشي مفكرتش انزل البحر ولا مره الصيف ده
وكنت ناوي اروح اصيف في مارينا زي كل سنة بس الوقت مكنش مساعده اني اروح قبل رمضان, وياااارب بعد رمضان ميرجعوش تاني علشان نعرف نصيف
يا راجل دا حتى الكورنيش مبعرفش اتمشى عليه !!
لازم محافظ اسكندرية يشوف حل للمصيفين, ويكون في تنظيم شويه لموضوع المصيفين والاعداد الكبيره دي, حالنا وشغلنا وكل حاجه بيقف في الصيف بسبب الزحمة
علشان كده بنصح اي حد بيحب الهدوء والجمال , ميجيش في الصيف يجي في الشتا, ويشوف النظافه والمناظر الجميله , ولو عايز يصيف يطلع على الساحل الشمالي, وفي قرى كتير جميله ومبيدخلهاش غير الناس النظيفه وفي اماكن خاصة بالعائلات