تجربتي في التخلص من المعاكسات
السلام عليكم و رحمة الله و بركاته
طبعا مفيش بيت ف مصر الا و ممكن يكون اتعرض لمشكلة المعاكسات التليفونيه..
خاصة بعد ان اصبحت تكلفة المكالمه بضعة قروش..و اوقات بيكون في ساعات مجانيه هديه من 12 بليل ل 8 الصبح (احلي وقت الناس تعاكس فيه)
في واحد اقسم بالله كان مجننا..اقل كلمة اوصفو بيها انه كلب و سافل..بيعاكس من اكتر من سنه..تخيلوا !!!
اعدت عمال افكر اخلص منه ازاي..روحت شحنت كارت ب 50 .. و بقي كل ما يرن عليا افتح عليه..و بعدين انا ارن عليه يفتح عليا..ونشوف مين نفسو اطول..اكتشفت انه صاحي 24 ساعه !!!! يا نهار اسود..اعمل ايه؟؟ ده انا روحت الشغل مش شايف
اعدت افكر و افكر و افكر..المهم هداني ربنا للحل السحري
دخلت علي مصراوي و عملت اعلان مسدس صوت ايكول جاكال ديوال ب 450 جنيه
كما يوجد مسدسات حي و خراطيش تبدأ من 1000 جنيه
و قومت حاطط رقم تليفون اللي بيعاكس هههههههههههههه
المعلم استقبل مكالمات بالعبيط طبعا كلهم بيسالو عن مسدسات ههههههههه
مش كده و بس..بعتلو رساله من رقم تاني ان البوليس بيدور عليه..وخليت واحد يتصل بيه من رقمي قاللو انا الظابط فلان و ان رقمك اخر رقم اتصل بالقتيل
الحمدلله ما شوفتش رقمو عندي تاني من ساعتها
__________________
كل اناء ينضح بما فية
|