بمناسبة البلطجه إلى موجوده قصة حرامى عندنا + أية وسائل التأمين !
بمناسبة الشهر الكريم و فى بعض المناطق البلطجة بقيت قليله عندها لكن أحنا و بدون مقدمات أو مؤخرات كان موجود عندنا حرامى و معاة سكينه أطول منى , الناس قالت حرامى و أجرى ياض و حلق من هنا و أجرى الشارع دة و أجرى الشارع دة لحد ماتقطع نفسنا أكتر من عشر دقايق ومرة واحدة لقينا طيارة معديه جمبنا و طلع دة الحرامى و وراة واحد جارنا دا أصلا شكلة مبالغ فيه معاه مسدس صوت بقاله مليون سنه مستخدمهوش و هوب مرة لقيناه ضرب طلقة فى الهوا و قالة أقف هموتك أنا عايز أقولكم أن الحرامى رجله دى بقيت تترعش و وقع عشان يقف فى الأخر خالص مسكه و فجأة لقينا الحرامى بيبص على المسدس و راح ضارب جارنا دة بمطوى جت فى كتفة بس تعويرة بسيطة جدا و فك محدش بقى يسألنى أحنا كنا فين و محاوطناهوش أزاى لأن من النهايه كل دة حصل فى ثانيه و كنا بنموت من كتر الجرى و فى النهايه إلى حصل حصل و المسدس ولا نفع ولا بتاع لأن الحرامى شكلة عرف أن دة صوت لما شافه , طيب دلوقتى يا جماعة نعمل أيه يعنى ؟ ولا مسدس صوت نافع ولا بالأيد نافع و المشكلة أن أحنا مش بتوع ولا سكاكين ولا شوم ولا الكلام دة كله و لو مسكنا الحاجات دى هنموت نفسنا مش هنعرف حتى ندافع بيها عن نفسنا دا أنا أحسن حاجة بعرف أمسكها الأليكتريك شوك فأنا قررت بقى أننا أعمل احتياطاتى و أشحن الأليكتريك يوميا و لو فيه خوزة تتلبس على الدماغ و الرقبة يبقى حلو أوى و ناقص أدور على واقى ضد السكاكين و الرصاص بعد كدة و الواحد يحمى الأماكن المهمه إلى ممكن تموتة بقى ! يا ترى نعمل أية بجد والله مش بهزر
|