اقتباس:
المشاركة الأصلية كتبت بواسطة glock800
بسم الله الرحمن الرحيم
استاذى الفاضل / جلال بك خليفة .
بعد التحية ،،،،،
احب اوضح لحضرتك شئ مهم حضرتك مش واخد بالك منه انا اللى دفعنى لكتابة منقول على بعض مشاركات العضو المحترم هو حبى وغيرتى على منتدى الصيد المصرى وده معناه ان للاسف مفيش كوادر فى المنتدى حالياً قادرة على رفع موضوع شيق ومثير ولكن من الواضح وجود كوادر قادرة على النقل وده كان حال المنتدى فى آخر 3 شهور انا ممكن اسعين بصورة او معلومة وارفع موضوع بمجهودى انما ادخل منتدى اسحب موضوع بالكامل واعرضه هنا بنفس ترتيب وتنسيق صاحبه الاصلى بدون الدلالة او الاشارة عليه ده يبقى ؟؟؟؟؟؟؟
يا استاذ جلال انا مشترك هنا وفى منتديات تانية كتير زى جولدن هانتر و القناصة والصياده والبواردى و السلاح وسمة المنتديات الكبيرة ليس النسخ والنقل ولكن كل منتدى متفوق على الآخر فى شئ بكوادره وخبرة اعضائه وللاسف الشديد اصبح منتدى الصيد المصرى متفوق على الجميع فى النقل والنسخ ولذلك اطلب من الادارة انشاء منتدى جديد اسمه منقول لرفع الحرج عن الاعضاء فى كتابة ان كان منقول او غير منقول استاذ جلال بالله عليك الموضوع ده لايتعلق بالمعلومات اللى انا بخلان بيها او شئ من هذا القبيل لاسمح الله انا بتكلم فى سمعة المنتديات المصرية اما نظيراتها العربية لو حضرتك تشوف الردود فى المنتديات دى حتلاقى كلام يحرق الدم ارجوك يا استاذى الفاضل فكر فى كلامى هتعرف حضرتك انى عندى حق .
وشكراً على سعة صدرك للاستماع لما بداخلى .
واسف على الاطالة وتقبل فائق احترامى . |
انا عايز اقول لك حاجة مافيش حد في المنتديات بيكتب من دماغة لان الاشياء دية مش موجودة في مصر وحتي قبل دخول وعمل الشبكة الكنكبوتية كان في شئ اسمة المراجع والكتب وحتي رسائل الدكتوراة بتتعمل بنفس الطريقة ( علي سبيل المثال انت كتبت موضوع عن مسدس يا ترا جبت المعلومات من اين والصور والمواصفات وكل دا جاء عن طريق النقل من النت )
ثانيا : ودا المهم انا بختلف معاك في موضوع الكوادر دا لالالا في كوادر هايلة ورائعة سواء في المنتدي دا او في ((جولدن هانتر ) بصفتهم المنتدين المصريين وعلي سبيل المثال الاستاذ / احمد كمال والاستاذ / محمد انور مافيش حد علي مستوي المنتديات العربية او حتي الاجنبية يضارهمك في الكتابة والسرد فهم مميزين ومبتكرين واساتذة .
والاخ الي كتب الموضوعات دية تعب وبحث حتي يصل الي المعلومات دية حتي ولو كانت منقولة ماكنش في داعي تعلق بالعبارة دية ولو عايز تكتب اكتب لو علي الخاص .
انا هنا بتكلم عن اسلوب التوجية او النقد ليس الا وممكن يكون الراجل دا اكبر مني او اصغر فلابد من انتقاء الاسلوب تحياتي يا محمد