[pooforever_2010]

المشاركة الأصلية كتبت بواسطة adel152

اخى العزيز
رغم انى لا احب الدخول فى مواضيع خارج مواضيع الصيد ولكن حأقول رأيى الشخصى الذى ممكن ان يكون صواب او خطأ.
30 سنة بدون تعليم = جهل
30 سنة بدون قوة عاملة = بطالة
30 سنة بدون اسكان = عشوائيات
لو جمعت الجهل + البطالة + العشوائيات = الكارثة اللى احنا فيها حاليا واللى مافيش مسؤل عايز يعترف بيها بصورة واضحة.
لو حضرتك متابع الاحداث اللى حصلت فى انجلترا منذ السبت الماضى والبيان المعلن عن لسان رئيس وزراء بريطانيا اليوم فى البرلمان ورأى عامة الشعب فى هذه الاحاث حتشوف الفرق بين بريطانيا ومصر فى مواجهة هذه الكوارث.
فى بريطانيا منذ اليوم الاول كان فيه تغطية مباشرة من التليفزيون البريطانى وعلى مدار 24 ساعة من قناة bbc لما يحدث وتصوير مباشر بالطائرات الهليكوبتر.
أعتراف جميع المسؤلين بالمشكلة الموجودة وماهى الاجراءات التى ستأخذ لحل المشكلة مثل تدعيم شرطة لندن من المناطق المجاورة ب16000 ضابط شرطة لمواجهة المخربين.
طلب من جميع الاهالى بالسيطرة على اطفالهم وأبقائهم فى المنازل.
التفرقة من المسؤلين وعامة الشعب وايضاح للجميع الفرق بين المظاهرات السلمية والتخريب للمتلكات العامة والخاصة.
عدم الرضا على الاسلوب والطريقة الهزيلة الذى استخدمته وزارة الداخلية فى مواجهة المخربين واتباع الاسلوب السهل وعدم الردع المتبع فى المظاهرات السلمية.
وضع خيار نزول الجيش للتعامل مع المخربين فى حالة عدم السيطرة على الموقف من الداخلية مع السماح للجيش باستعمال الطرق التى يراها ملائمة لوقف هذا التخريب وحماية الارواح والممتلكات.
ده بالنسبة لبريطانيا.
تعال بقى نشوف بعد اكتر من 6 شهور من الفوضى فى مصر ماهى الخطوات التى اتخذت؟؟؟؟؟؟
أخى العزيز لحل مشكلة ما يجب اولا الاعتراف بالمشكلة حتى نعرف نحلها. الاعتراف بالمشكلة تعتبر نصف حل للمشكلة والنصف الاخر هو كيف التعامل معها لحلها.
أسف للأطالة لكن لو فاضلنا عاملين زى النعامة اللى يتدفن راسها فى الرمال اكيد الصياد حيلاقينا صيد سهل.

تمام الله ينور عليك بجد