[Mohamed Mahmoud]

المشاركة الأصلية كتبت بواسطة الأفوكاتو

أما أنا عن نفسي .. بخلاف أني بحب كل أعضاء المنتدي (وربنا يعلم ذلك جيدا)

وطبعا مش عايز انسي حد .. وطبعا ليس للترتيب اي فائدة :

الأستاذ بدر .. لأنه أول شخص رد عليا في أول استفسار ليا علي المنتدي .. وهو بصراحة أستاذي ولا أستطيع أن أنكر ذلك

سيادة القنصل جمال نصر .. لأنه الراجل ياما نصحني أيام الشقاوة وكنت بصراحة بسمع كلامه وأنفذه من غير تفكير + أنه مرة فضل يفهمني حاجة معينة وانا مكنتش فاهمها وكان نفسو طويل معايا أوي وفضل يقوللي (ها فهمت ولا نقول كماااااان ؟)

الأستاذ كريم الكراني .. بجد أخويا الكبير .. وجدع جدا .. وبحبه جدا جدا

الأستاذ عصام عاصم .. يمكن اتقابلنا مرة واحدة ولكنه رجل قمة في الاحترام .. وبصراحة هو يتحب من خلال مواضيع فقط دون مقابلة

الأستاذ سمير smsmn8888 .. علشان بردو أخويا الكبير واحنا بصراحة صحاب اوي

الأستاذ ابراهيم hema777h .. علشان جدع جدا وصديق من عملة نادرة الآن في هذا الزمن

الأستاذ احمد محمد علي (أيوة بتاع اسكندرية) .. مع اني لم اقابله ولكن انا شايله جميل هو عمله فيا ولن أنساه ابدا طول العمر

الأستاذ محمد العربي (أيوة بتاع المقاولات) .. اتعرفت عليه لما كنا بنتخانق مع بعض دائما بسبب موضوع المشاركات المتكررة وبعدين طلع راجل صعيدي جدع .. وبيحب الخير والحق

الأستاذ محمد سعيد (ايوة بتاع شبرا) .. علشان راجل في منتهي الرجولة بجد وابن بلد حقيقي

الأستاذ جامايكا .. طبعا بحبه علشان نفسي يديني لفة بالمسدس الهكلر هههههههههه .. بس هو حبيبي من أيام ما دخلت جديد في المنتدي

الأستاذ محمد محمود mahmoud 1800 .. (ايوة اللي بقوله يا عمي) علشان بحس انه بيخاف عليا اوي وحبيته جدا من اول مقابلة علشان راجل جدع وقعدته حلوة

وطبعا عارف اني نسيت ناس كتير اكيد .. ويارب محدش يزعل مني

بس بجد .. المنتدي ده .. منتدي الرجالة الجدعة

شكرا جزيلا لكم جميعا ...

الف شكر يا محمد باشا
اخجلتم توضعنا